$باکووری کوردستان$
- لە گوندی تالاتی نسێبین و گوندی کۆڤانلی سەر بە مەهسەرەت لە سنووری پارێزگەی مێردینی باکووری کوردستان چوونە دەرەوە قەدەغە کرا. ئەم بڕیارەی دەوڵەتی تورکیا بە بیانووی (ئۆپەراسیۆن دەکرێت) دەرکراوە.[3]
- دادگاییکردنی #فیگەن یوکسەکداغ#، هاوسەرۆکی پێشووی #هەدەپە# جارێکی دیکە دواخرا.[4]
- دادگای تورک، 10 ساڵ زیندانیکردنیان بەسەر #باقرخان# هاوسەرۆک شارەوانیی سێرتدا سەپاند.[3]
$رۆژهەڵاتی کوردستان$
- هەفتەیەکە کەمکارەبایی ڕۆژهەڵاتی کوردستان و ئێرانی گرتووەتەوە، هاونیشتمانیانی ڕۆژهەڵاتی کوردستان دەڵێن، بچڕانی کارەبا بێزاری کردوون، پێشتر هەرگیز نەیاندیوە کارەبا ببچڕێت، ڕۆژانە دوو بۆ چوار کاژێر کارەبا نییە، جگە لە کارەبای نیشتمانی هیچ بەدیلێکی دیکەیان نییە.[1]
$باشووری کوردستان$
- لە بەیانی ئەمڕۆوە هێزەکانی سوپای عێراق لە سنوری شارەدێکانی #لەیلان# و #قەرە هەنجیر# و شوان سەربە پارێزگای #کەرکووک#، دەستیان بە ئۆپەراسیۆن کردوە بە مەبەستی گەڕان و پشکنین، هێزەکانی پێشمەرگەش لە دۆخی ئامادەباشیدان، بەڵام بەشداریان لەو ئۆپەرسیۆنە پێ نەکراوە.[4]
- هونەرمەندی میللی #سلێمانی# (#حەمە جەزا زەنگەنە#) کۆچی دواییکرد.[2]
- وەزیری داریی و ئابووری هەرێمی کوردستان ڕاگەیاند، لە پێناو بڵاونەبوونەوەی زیاتری نەخۆشی تای خوێنبەربوون، بڕی 400 ملیۆن دینارمان بۆ ڕووبەڕووبوونەوەی ئەو نەخۆشییە دابینکردووە.[1]
- بە ئامادەبوونی #نێچیرڤان بارزانی# و باڵیۆز و کۆنسوڵی ئەمریکا لە بەغدا و #هەولێر#، بەردی بناغەی کۆنسوڵخانەی نوێی ئەمریکا لە هەولێر دانرا.[1]
- بەرەی نیشتمانیی دژی داگیرکاریی ئەمڕۆ کاتژمێر 11:00 لە پارکی نالیی شاری سلێمانی کۆنگرەیەکی ڕۆژنامەنووسی بەرێوەبرد، لە کۆنگرەکەدا بەرنامەی بەرەکە بۆ ئەنجامدانی ڕێپێوانەکانی سبەینێ شەممە 7ی تەموز لە دژی داگیرکاریی لە باشوری کوردستان ئاشکراکرا.[4]=KTML_Photo_Begin=https://www.kurdipedia.org/files/relatedfiles/2018/151181/0006.JPG=KTML_Photo_Alt=ناڕەزایەتییەکان دەربارەی ڕێگەی هەولێڕ-کۆیە بەردەوامە=KTML_Style=width:30%;height:20%;float:right;=KTML_Photo_Target_Link=https://www.kurdipedia.org/files/relatedfiles/2018/151181/0006.JPG=KTML_Photo_End=
- بەهۆی زۆری قوربانیانی ڕووداوەکانی هاتوچۆ لەڕێگای #کۆیە# - #هەولێر#، شانۆکارێک بە بەرگی مردوانەوە چالاکییەکی هونەری ئەنجامدەدات.[2]
- بەهۆی تەقینەوە مینێکەوە لە چیایەکی دەڤەری بەرواری باڵا کەسێک گیانی لە دەستدا و دوو کەسی تریش برینداربوون.[2]
- لە ڕاگەیێندراوێکدا، ئەنجوومەنی کۆمیسیارانی کۆمیسیۆنی هەڵبژاردنەکانی عێراق ڕایگەیاند، جیاکردنەوەی دەنگەکانی هەڵبژاردنی پەرلەمانی عێراق بە دەست لە کەرکووک کۆتاییهاتووە و هەموو پێکهاتە و حیزبەکان نوێنەریان لە پرۆسەکە هەبووە.[1]
- هاوڵاتیانی سێ گوندی کوردنشینی باکوری کەرکووک، بە هۆی ئەوەی کۆمپانیای نەوتی باکور داوای چۆڵکردنی ناوچەکەیان لێدەکات گردبوونەوەیەکی ناڕەزاییان بەڕێوەبرد و هەوڵی چۆڵکردنی گوندەکەیان بە سیاسیی دەزانن نەک یاسایی.[4]
- لە کاتژمێر 03:30 خولەکی پاش نیوەڕۆی ئەمڕۆوە، بەهۆکارێکی نادیار ئاگرێک سنوری گوندی سەرکەن و هاواری سەر بەشارەدێی #بیارە#ی- ناوچەی هەورامانی سەربە پارێزگای هەڵەبجەی گرتوەتەوە و نزیکەی 20 دۆنم لە سنوورەکە سوتاون.[4]
- شاندێکی هاوپەیمانی فەتح-ی هادی عامری بۆ گفتوگۆ لەبارەی پێکهێنانی حکومەتی نوێی عێراق گەیشتە هەولێر.[1]
$دەرەوەی کوردستان$
- چوارەمین فێستیڤاڵ بۆ شەڕڤانی MLKP #ئیڤانا هۆفمان# کە 7ی مارسی 2015 لە کاتێکدا لە دژی چەتەکانی #داعش# شەڕی دەکرد شەهید بوو، ئەمشه و دەستپێدەکات.[3]
- مەولود چاوشئۆغڵو، وەزیری دەرەوەی تورکیا ڕایگەیاند، لەقۆناغی جێبەجێکردنی نەخشەڕێگەکەدان لەبارەی منبجەوە و کاتی ئەوە هاتوە بچنە ناو شارەکەوە.[2]
- وتەبێژی ئۆپۆزسیۆن لە باشوری سوریا ئاشکرایکرد، لەگەڵ لایەنی ڕوسی ڕێککەوتون کە چەکە قورسەکانیان ڕادەستی ئەوان بکەن و قۆناغ بە قۆناغیش پۆلیسی سەربازیی ڕوسی لە ناوچەکە بڵاودەبنەوە.[2]

فەرمانداریەتیی گشتیی هێزەکانی سووریای دیموکراتیک-قەسەدە ئەنجامی زنجیرە چالاکییەکانی کە لە دژی چەتەکانی داعش ئەنجامداوە بۆ ڕای گشتیی ئاشکرا دەکات.
لە ڕاگەیەنراوەکەی قەسەدا هاتووە، لە چوارچێوەی قۆناغی دوویەمین-ی گردەلوولی جەزیرە و دوای ڕزگارکردنی سارۆچکەی دەشیشا لە باشووری شاری حەسەکە لەدەستی چەتەکانی داعش. هێزەکانی ئێمە لە نێوان 27ی حوزەیران/6ی پووشپەر تاکو 5ی تەمووز/14ی پووشپەڕ، زنجیرە چاکاییان لە دژی چەتەکانی داعش ئەنجامداوە. هێرشەکە لە هەر دوو قۆڵی شەداد و هۆڵەوە ئەنجامدرا، لەو هێرشانەدا 330 کم دووجا و 31 گوند لە دەستی چەتەکانی داعش ڕزگار کراوە.
ناوی گوندەکان: گوندی تیوومیە، سەیدا، سۆیان، حەویجا، ڕێحانییە، ئەل سەراجی، خدر عەبدولا، یلمەدینا، وادی ئیلشۆک، جەلخەم، خێرا غەربی، زیخیر، ئیلدەبچا، جیلێب نەدا، خێرا شەرقی، سەقار، وادی ئەبو حەمید، وادی ئەلشەجا، شەهایێم، کولێب فوقانی، ئەلشێحا، ئەبوو فاس، ڕیوەح، خەزیم، میشێرفا، کولێب تەحتانی، ئابار ئەلەبید، ئیلەجارەش، عەلی جرووش، و گوندی کەلکا و دەیان کێڵگەی گەورە ڕزگار کراوون.
لە ناو ئۆپەراسیۆنی ڕزگار کردنی گوندەوارەکان هێزەکانمان 4 جار لە گەل چەتەکاندا کەوتنە ناو شەڕێکی سەختەوە کە چەتەکان هەموو جۆرە چەکی قوورس و نیو قوورس-یان بەکار دەهێنا.
قەسەدە ڕایگەیاند کە لەم هەڵمەتە دا بڕێکی زۆر چەک وتەقەمەنی چەتەکانی داعس کەوتە دەستی سەڕڤانانی قەسەدەوە.
هەروەها لەم شەڕانەدا شەڕڤانێک-ی ئێمە شەهید بوو و 3 شەرڤانی دیکەشمان بریندار بوون.
قەسەدە لە کۆتاییدا ڕایگەیاند کە فڕۆکەکانی هاوپەیمانان 4 بارەگای سەرەکی چەتەکانی داعشیان کردە ئامانج.[1]
#06-07-2018#
⚠️ تێبینی: کوردیپێدیا لە دروستیی ئەم بەڵگەنامەیە دڵنیا نییە، هۆکاری بڵاوکردنەوەی بۆ ئەوەیە کە لە پاشەڕۆژدا ڕاستی و دروستیی ئەم بەڵگەنامەیە بسەلمێدرێت.