- تەقینەوەیەک لەشاری هەولێر ڕوویدا، کە خۆکوژەکەی بەنیاز بووە لەناو بینای پارێزگای هەولێر خۆی بتەقێنێـتەوە، بەڵام لەلایەن هێزە ئەمنیەکانەوە ڕێگری لێکراوە. 4 کەس شەهید بوون و دەیانیش بریندار بوون.
- وەزیری تەندروستی ڕێکەوت حەمە ڕەشید ڕایدەگەیەنێت، لە ئەنجامی ئەو تەقینەوە خۆکوژییەی لە بەردەم پارێزگای هەولێر ڕوویدا، 29کەس بریندار بووەو چوار کەسیش شەهید بوون.
- پێشمەرگەی کوردستان بە هاوکاری سوپای بەدر، هێرشیان بۆ سەر شارۆچکەی سەعدیە دەستپێکرد.
- لە ناو بازاڕی گەڕەکی قادسیەی شاری کەرکووک ئۆتۆمبێلێک تەقییەوە و لە ئەنجامدا ژمارەیەک هاوڵاتی مەدەنی بریندار بوون.
- شێخ موعتەسەم عەبدولعەزیز بەرزنجی، شێخی تەریقەتی قادری لە کوردستان و جیهان بەهۆی نەخۆشیەوە لە وەڵاتی تورکیا کۆچی دوایکرد.
- لە سەر ڕێگەی سەرەکی (خورماتو _ کەرکووک) لە نزیک نەخۆشخانەی سەد قەروێلەیی قەزای دوزخورماتوو بۆمبێکی چێنراو تەقییەوە و لەئەنجامدا چوار هاوڵاتی بریندار بوون.
- وەزیری دارایی عیراق ڕایگەیاند، بەغدا 500 ملیۆن دۆلارەکەی بۆ هەرێم خەرج کردوە و چاوەڕواندەکرێت بەم زووانە ڕەوانەی بکات.