یەکێکە لەزانا ئایینی یە بەناوبانگەکان و شاعیرە گەورەکانی کورد. ناوی محەمەدی کوڕی حاجی حەسەنی سنجوێیەو بەئیبنولحاجب ناسراوە. زوربەی سەرچاوە مێژووییەکان ئەڵێن ساڵی 1698 لەگوندی (سنجوێ)ی ناوچەی سەردەشت لەدایک بووە. بە منداڵی لای باوکی دەستی داوەتە خوێندن و دواتر لە حوجرەی فەقێیان درێژەی بەخوێندن داوە. هەر لەم پێناوەشدا تەواوی ناوچەی موکریان گەڕاوەو ماوەیەکی زۆریش لە سلێمانی و قەڵاچوالان ماوەتەوە. پاش وەرگرتنی ئیجازەی مەلایەتی ڕووی کردۆتە ناوچەکەی خۆی و سەرقاڵی دەرس وتنەوە بووە، بەڵام لەدوای چەند ساڵێک چۆتە گوندی (هەزارمێرد)ی نزیک شاری سلێمانی و پاشماوەی ژیانی لەوێ بەرێنمایی کردنی خەڵکەوە بەسەر بردووە. ئەم پیاوە خوێندەوارە گەلێ زانای گەورەی پێگەیاندووە، لەوانە مەلا عەبدوڵڵای بێتووشی و شێخ مارفی نۆدی و کاک ئەحمەدی شێخ، سەرباری ئەمانەش، مەلا محەمەدی هەزارمێردی مامۆستایەکی ناسراوی زانستە ئایینییەکان بوو. چوار کتێبی گرنگریشی لەو بوارانەدا بەزمانی عەرەبی نوسیووە و لەساڵی 1755یشدا کتێبی (مەهدی نامە)ی بەزمانی کوردی نوسیووە کە لە (256) دێڕە شیعر پێکهاتووە. مەلا محەمەد ساڵی 1778 لەگوندی هەزارمێرد کۆچی دوایی کرد و هەر لەوێ بەخاک سپێردرا.
Este artículo ha sido escrito en (کوردیی ناوەڕاست) Lenguaje, haga clic en el icono de
para abrir el artículo en el idioma original!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Este artículo ha sido visitado veces 3,342
Escriba su comentario sobre este artículo!