پاشا کورەو ڕەواندزی
پاشا کورەو ڕەواندزی جە حاڵەتو جەنگینەبۊ، فەرمان کەرۊ هیچ کەس شەوېنە چراوی نەگڕنۊ. پەی خەبەر زانای و لوایشونیەرەو فەرمانەکەیش، شەوۍ دېرێ مزیۊرە، گوزەرێ کەرۊ دلۍ دەگێرە، بریسکەو ڕۊشنایێ جە دوورۆ گنۊ وەرو چەماش، نزیک گنۊوە مڎیۊ ژەن و پیێوە پەشتەو تەوەنێنە نیشتېنېرەو مۊمێشا گېسنێنەنەو دەسبازی کەران، پاشا پیاکەی چڕۊو چەنەش پەرسۊ: تۊ من مشناسی؟
ئاڎیچ ماچۊ بەڵۍ.
پاشا ماچۊ: ئەی گۊشت فەرمانەکەو منۆ نەبېیەن کە واتەنم مەمنوعا شەوېنە چراو گڕنای؟
ئاڎیچ ماچۊ: بەڵۍ گۊشم چەنە بېیەن، بەڵام من و ئی ژەنۍ چوار ساڵېن حەزمان جە یۊترینین، تا ئیسە پەیمان ڕېکنەکەوتەن پېوەرە نیشمېرە، ئېشەو پەیمان ڕیککۆت، وېچت مزانی وەختێ (پاشا سوورە) هۊرست، نە گۊش مڎۊ بە پاشا کورەی، نە بە پاشا ساغەی.
پاشا کە ئانەش ئەژنی دەسشکەرد بە خوایی و ماچۊ:
گرڎ شەوێ هەر وەشینە بیدۍ.[1]
Este artículo ha sido escrito en (هەورامی) Lenguaje, haga clic en el icono de
para abrir el artículo en el idioma original!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
Este artículo ha sido visitado veces 785
Escriba su comentario sobre este artículo!