ئانەی بەینو من و تۊش وەشکەردەبی، سەرشی و نەمەن.

ژەن و پیێوە جە کوردەوارینە، ژیوای گەنجیشا بە وەشی و بەبۍ کېشە، گوزەرنا، پېسە دوۍ عاشقا، شەمع و پەروانەی دۆرو یۊترینیرە گېڵېنۍ. وەختێ یاوێ تەمەنو پیری، پېوەڼی مېیانیشا تەمام تېکشی، پیاکە بی بە ئایېرو لوانە دلۍ ژەنەکۍ، ئاڎە هەرچی واچۍ، ئېڎ ماڵۍ یاگۍ قسەکېشەرە.
شەوێشا ژەنەکۍ ڕوەشکەردە پیاکەیش و ماچۊ: ئەرۍ پیاکە، تۊ جارا پېسە نەبېنی، واتێم قوزەڵقورت، واچېنی گېیان، واتێم سڼان، واچېنی گېڵو دۆرتەنە، کەچی ئیسە من ماچوو گېیان، تۊ ماچی سەگباب، چی پاسەت سەرئامان؟.
پیاکەیچ ماچۊ: ژەنەکۍ واز بارە، ئانەی بەینو من و تۊش وەشکەردەبۍ، سەرشی و نەمەن.[1]