ئاخ چی بکەم، بۆ بەڵمە برنجەکەی شارەزوور:
بەڵم: کای برنج (فەرهەنگی هەنبانە بۆرینە) بەو توێکڵە تەنکە زەردە دەوترێت کە دەوری دەنکی برنجی داوە، شارەزوور: ناوچەیەکی شوێنەواریی و کشتووکاڵی گرنگی کوردستانە، سەر بە پارێزگای سلێمانییە، (بەڵم) لە کوردەواریدا وەک ئالیک دەدرێت بە مەڕوماڵات، یان لەبەر سووکی کێش و نەرم و شلیی دەکرێتە ناو پشتی (سەرین) کوردییەوە، پەندەکە بۆ کەسێک بەکاردێت کە لە ناوچەی خۆی دوور کەوتبێتەوە و ئاخ بۆ بێبەهاترین شت هەڵکێشێت.[1]

16-01-2017

ڕۆژنیوز - #هاوکار مستەفا#
نوسینگەی بەرەنگاربوونەوەی توندووتیژ دژ بە ژنان لە شارۆچکەی #سەید سادق# ئاماری توندوتیژییەکانی دژ بە ژنان، لە سنووری پارێزگای #هەڵەبجە# و #شارەزوور# و سەیدسادق و #پێنجوێن# بۆ دەزگاکانی ڕاگەیاندن خستەڕوو، کە بەراورد بە 2016 ڕێژەی توندوتیژییەکان بەڕێژەی %13 زیادییان کردووە.
نیوەڕۆی ئەمڕۆ لەکۆنگرەیەکی ڕۆژنامەنوسیدا لە بینای نوسینگەی بەرەنگاربوونەوەی توندوتیژی دژبەژنان لە شارۆچکەی سەیدسادق، لەلایەن بەرپرسی نوسینگەکەوە ئاماری توندروتیژییەکانی دژ بە ژنان لەماوەی ساڵی ڕابردودا لە سنوورەکە خستەڕوو.
لە کۆنگرە ڕۆژنامەنووسییەکەدا ڕائید بورهان ئەحمەد، بەرپرسی نوسینگەی بەرەنگاربوونەوەی توندوتیژی دژ بە ژنان لە سەیدسادق ئەوەی خستەڕوو: بەدرێژایی ساڵی ڕابردوو لە هەریەکە لە سنوروی پارێزگای هەڵەبجە و شارۆچکەکانی سەیدسادق و پێنجوێن و شارەزوور، 273 حاڵەتی توندوتیژی دژ بە ژنان تۆمارکراون، بەجۆرێک لە شارۆچکەی سەیدسادق زۆرترین و لە شارۆچکەی پێنجوێن-یش کەمترین حاڵەتەکانی توندوتیژی دژ بە ژنان تۆمارکراون.
ڕوونیشیکردەوە: لە سنووری پارێزگای هەڵەبجە 55 حاڵەت و شارۆچکەی سەیدساق 124 حاڵەت و لە شارۆچکەی پێنجوێن 33 حاڵەت و لەشارۆچکەی شارەزوریش 61 حاڵەتی توندوتیژی دژ بە ژنان تۆمارکراون، بەوشێوەیەش شارۆچکەی سەیدسادق لەپلەی یەکەم دێت بۆ ئەنجامدانی زۆرترین توندوتیژی دژ بەژنان، هاوکات زۆرترین حاڵەتەکانی توندوتیژیش لە جۆری لێدان بوون.
لێپرسراوی نوسینگەی بەرەنگاربوونەوەی توندوتیژی دژ بە ژنان لە شارۆچکەی سەیدسادق ئەوەشی وت: لە ساڵی ڕابردوودا حەوت حاڵەتی سوتانی ژنان و تۆمارکراوە، کە دووحاڵەتییان خۆسوتاندن بووە، هەروەها 33 حاڵەتی هەڕەشەکردن و 11 حاڵەتی لێسەندنەوەی منداڵ لە ژنان لەلایەن هاوسەرەکانیانەوە تۆمارکراون، بۆیە بەشێوەیەکی گشتی بە بەراورد بە ساڵی 2016 ڕێژەی توندوتیژییەکان بە ڕێژەی لە%13 زیادییان کردووە.[1]
#16-01-2018#

جەمال سەرگەتی‌
لەوەتەی شەڕی هێزەکانی پێشمەرگه و ئاسایشی کوردستان دژ بەچەکدارانی داعش دەستیپێکردووە تا ئێستا، لە پارێزگای‌ هەڵەبجە و قەزای شارەزوور 14 کەس لە پێشمەرگه و ئاسایش شەهید بوون و 40 کەسی‌ تریش بریندار بوون.
ئەرکان حەسەن، قائیمقامی‌ مەرکەزی‌ پارێزگای‌ هەڵەبجە بە خەندانی‌ ڕاگەیاند، "لەسەرەتای‌ هاتنی چەکدارانی داعش و دروستبوونی‌ گرژی‌ و ئاڵۆزییەکانی‌ ئەم دواییەی‌ پارێزگای موسڵ و ناوچەی شنگال و ناوچە کوردییەکانی دیکە، بەهەزاران کەس لە هێزی‌ پێشمەرگە و ئاسایش و پۆلیس و کەسانی‌ خۆبەخش بۆ بەرگریی کردن لەخاکی کوردستان چوونەتە سەنگەری خەباتەوە.
وتیشی‌: بەپێی‌ ئه و ئامارەی‌ کە لەبەردەستی‌ ئێمەدایە تا ئێستادا 6 کەس لە هێزی‌ پێشمەرگە و ئاسایش و کەسی‌ خۆبەخش لەپارێزگای هەڵەبجە شەهید بوون و 30 کەسس تریش بریندار بوون، یەکێکیش لەوانەی‌ شەهیدبووە پێشمەرگەیەکی‌ خۆبەخش بووە لەهەڵەبجە.
لە قەزای‌ شارەزووریش تا ئێستا 8 کەس شەهیدبوون و 10 کەسی‌ تریش لە پێشمەرگه و ئاسایش و کەسی‌ خۆبەخش بریندار بوون.
سۆران عەلی‌، قائیمقامی‌ قەزای‌ شارەزوور لەبارەی ژمارەی شەهید و بریندارەکانی قەزاکە بە خەندانی‌ ڕاگەیاند، " هێزێکی‌ زۆر لەقەزای شارەزوورەوە چوونەتە بەرەکانی‌ جەنگ لەریزی هێزی‌ پێشمەرگە و ئاسایش و هێزی‌ خۆبەخش ".
دەشڵێت: لەسەرەتای پەلاماری چەکدارانی داعش تائێستا، 8 کەس لە هێزی‌ پێشمەرگه و ئاسایش و هێزی‌ خۆبەخش لەقەزای شارەزوور شەهیدبوون و 10 کەسی‌ تریش هەر لە هەمان هێزەکان برینداربوون.
- 25-08-2014

ناونیشانی پەرتووک: اوریکی پاشەوە-بەرگی دوەم-جزمی ییەکەم/امرار وحکمدارانی بەناوبانگی کوردستانی شارەزوور لە ساڵی 65 هجری وەهەتا 656 هجری
ناوی نووسەر: #حسێن حوزنی موکریانی#
شوێنی چاپ: #ڕواندز#
چاپخانە: #دەزگای توێژینەوە و بڵاوکردنەوەی موکریانی#
ساڵی چاپ: 1931
[1]

[1]

ڕۆژنیوز - هاوکار مستەفا
بە گوێرەی ئامارەکانی پۆلیسی دارستان و ژینگەی #شارەزوور# لە ساڵی ڕابردوودا 138 کەسی سەرپێچیکاری ژینگەیی دەستگیرکراون و ڕووبەڕووی دادگا کراونەتەوە، بەمەش دەردەکەوێت بە بەراورد بە ساڵی 2016 ئامارەکە بەرزبووەتەوە.
ڕائید سەردار ئەحمەد، بەڕێوەبەری پۆلیسی دارستان و ژینگەی شارەزوور ئاماری سەرپێچییە ژینگەییەکانی بۆ ڕۆژنیوز خستە ڕوو، کە بە بەراورد بە ساڵی ڕابردوو تر سەر پێچییە ژینگەییەکان زیادییان کردووە.
سەردار ئەحمەد
بەپێی ئامارەکە، لە ساڵی ڕابردوودا توانیویانە 62 چالاکی جۆراوجۆر ئەنجام بدەن بۆ ڕێگرییکردن لە ئەنجامدانی سەرپێچی و دەستگیرکردنی ئەو کەسانەی، کە بە پێچەوانەی ڕێنماییەکانەوە مامەڵە لەگەڵ ژینگە و سروشتی ناوچەکەدا دەکەن، بەوهۆیشەوە توانیومانە 138 کەسی سەرپێچیکار دەستگیر بکەن و ڕووبەڕووی دادگایان بکەنەوە.
ئامارەکە بە بەراورد بە ساڵی 2016 بەرزبووەتەوە، چونکە لەوساڵەدا نزیکەی 120 کەس دەستگیرکرابوون.
هەر لە ساڵی ڕابردوودا توانیویانە دەستبگرن بەسەر 24 چەکی جۆری تاپڕ و دوو چەکی جۆری بادی و 49 گوللەی تاپڕ، هەروەها دەستیشیان گرتووە بەسەر 17 ئۆتۆمبێلی جۆراوجۆر و دەیان ئامێر و کەرەستەی تایبەت بە بڕینەوەی دار دروخت و ئامێری تایبەت بە جۆرەکانی ڕاووکردن.
لە ئامارەکەدا، ئاماژە بەوەش کراوە، کە دەستیان بەسەر 39 باڵندەی زیندووی کێویدا گرتووە و بەبڕیاری دادوەر بەرەڵاکراون، هاوکات دەستیشیان گرتووە بەسەر 56 باڵندەی کێوی و 139 ماسی ڕاوکراودا و 37 تۆڕی ماسی گرتندا.[1]
#13-01-2018#

لە ئەنجامی کەوتنەوەی ئاگر لە ڕووبەری 500 دۆنم، زەوی گوندێکی سەر بە ناوچەی شارەزوور کە بەگەنم چێندراوە، بە وتەی جوتیارانی سنوورەکە زیاد لە هەزار تۆن گەنمی 36 جوتیاری ناوچەکە سووتاوە، بەو هۆیەشەوە دووکەس وەک گوماڵێکراوی کردنەوەی ئاگرەکە دەستگیرکراون.
ناجی عەبدولکەریم، یەکێک لە جوتیارانی گوندی کانی بەردینەی ناوچەی شارەزوور ڕایگەیاند: ماوەی دوو ساڵە لەگەڵ پێگەیشتنی بەرهەمی گەنمەکانمان بە دەستی نادیار ئاگردەکرێتەوە و دەبێتە هۆی سووتاندنی بەرهەمی ساڵێکی جوتیارانی ئەم گوندەی ئێمە، بۆ ئەمساڵیش جارێکی دیکە هەمان حاڵەت ڕوویدایەوە. بە هۆکارێکی نادیار ئاگرکراوەتەوە و بەهۆیەوە زیاد لە 500 دۆنم زەوی داچێندراو بە گەنم سووتاوە.

ئاماژەی بەوەشکرد، بەهۆی ئەو ئاگرەوە زیاد لە هەزار تۆن گەنم کە هی 36 جوتیاری سنووری گوندی کانی بەردینەیە بەتەواوی لەناو چووە، ئەگەر گوندنشینان و هاووڵاتییان و تیمەکانی ئاگر کوژێنەوە نەبوونایە زیانەکان زۆر لەوە زیاتر دەبوون.
ئەو جوتیارەی دەشتی شارەزوور ئەوەشی خستەڕوو، لە کاتی کەوتنەوەی ئاگرەکە چەند کەسێک وەک گومانلێکراو بیندراون کە پێدەچێت ئەوان دەستیان لە کردنەوەی ئەو ئاگرەدا هەبووبێت، بۆیە سکاڵای یاسایمان لەسەر تۆمارکردوون. ئەو دوو کەسەش دەستگیرکراون. [1]

ناونیشانی بابەت: بەوێنە.. لە گردى یاسین تەپەى دەشتى شارەزوور پاشماوەى دەگمەنى شوێنەوارى دەدۆزرێتەوە
ئامادەکردنی: #هەڵمەت بتوێنی#
بەڕێوەبەرى گشتیى شوێنەوار و کەلەپوورى #سلێمانى# ئاشکراى کرد، لە گردى شوێنەوارى یاسین تەپە لە دەشتی شارەزوور، شتی دەگمەن و گرنگی تێدا دۆزراوەتەوە، کە لەسەر ئێراق و هەرێمى #کوردستان# بۆ یەکەمجارە ئەو ئەندازیارییەى شوێنەوارە بەدى بکرێت.
حسێن حەمە غەریب، بەڕێوەبەرى گشتیى شوێنەوار و کەلەپوورى سلێمانى بە (باسنیوز) ى ڕاگەیاند: گردى یاسین تەپە لە دەشتى #شارەزوور#ى پارێزگاى سلێمانى گردێکى شوێنەواریى زۆر گرنگ و بەرچاوە و بڕیارە لە ئەیلوول بە هاوبەشیى لەگەڵ تیمی زانکۆی چوبۆی ژاپۆنی کارى تێدا بکەین.
وتیشى: ئەوەى تا ئێستا کراوە کارى سەرەتایى بووە، بە جۆرێک، لە ماوەی یەک هەفتەدا بەرهەمی زۆر باشی هەبووە و شتی دەگمەن و گرنگی تێدا دۆزراوەتەوە، کە یەکەمجارە لەسەر ئاستى ئێراق و هەرێمى کوردستان شتى وا لە بوارى شوێنەواردا دۆزرابێتەوە.
باسى لەوەش کرد: بەپێی چینە زانستییەکانی شوێنەوارەکە، لە سەردەمی چاخی بەردینی نوێوە دەست پێدەکات تا سەردەمی ئیسلامی. باسى لەوەش کرد: لە کارە سەرەتاییەکە پاشماوەی بینا و کۆڵان و شوێنی ناشتن دەرکەوتووە، هەروەها پارچەی شوێنەواریی ناوازە و دەگمەن دۆزراونەتەوە، زەویى شوێنەوارەکەش بەشێوەیەکی زۆر سەرنجڕاکێش و ناوازە و ئەندازیارى بە بەرد چنراوە، کە جێی تێڕامان و سەرنجلێدانە.
لەبارەى ئەوەى، کە ئایە ئەو شوێنە وەک شار یان ناوەندێکی سیاسی- بازرگانی بەکار هاتووە، حسێن حەمە غەریب ئاماژەى بەوە دا: هەرچەندە سەرەتای کارکردنە لەو شوێنەوارە، بەڵام لەوە دڵنیاین، کە شوێنێکی گەورەی نیشتەجێبوونە و کەسانی دەوڵەمەند لەوێ ژیاون.[1]

لەوە دەچێت ئەوەی شریتەکەی گرتووە ئەفسەرەکەیان بێت!