خەندان-رەهێل سەمەد
لەبارەی چۆنیەتی بەرێوەچونی دەنگدانی تایبەت لە ناوچەکوردییەکانی پارێزگای نەینەوا نوێنەری قەوارەسیاسیەکان ڕایدەگەیەنن پرۆسەی دەنگدانەکە بەشێوەیەکی ئاسایی و بەبێ کێشە بەرێوەچوو و ڕێژەی دەنگدان گەیشتۆتە 85%.
حسێن دەرمان وتەبێژی لیستی (ی ن ک) لە پارێزگای نەینەوا و ڕێکخەری ئەو لیستە لە کۆمسیۆن هەڵبژاردنەکان بە خەندانی ڕاگەیاند: لە سنوری ناوچە کوردستانیەکانی پارێزگای نەینەوا 12 بنکەی دەنگدانی تایبەت بۆ هەڵبژاردنی ئەنجومەنی نوێنەرانی عێراق کرایەوە و تاکو کاتژمێر شەشی ئێوارە ڕێژەی دەنگدارەن 85% بەشداریان لەو پرۆسەیە کرد.
حسێن دەرمان وتیشی: لە ناوچە کوردییەکانی نەینەوا لە کاتی بەرێوەچوونی دەنگدانی تایبەت هیچ ڕووداوێک ڕووینەدا، بەڵام لەناوچەکانی تری ئەو پارێزگایە چەند ڕووداوێک ڕوویدا و قوربانی لێکەوتەوە کە لە نێوشیان ژمارەیەک ڕۆژنامەنوس برینداربوون.
لە پارێزگای نەینەوا 28 قەوارەی سیاسی کێبرکێ لەسەر 31 کورسی نیشتیمانی و 3 کورسی کۆتا دەکەن، بۆئەمەش یەک ملیۆن و 916هەزار کەس مافی دەنگدانی لەو هەڵبژاردنەدا هەیە.
- 28-04-2014
Questo articolo è stato scritto in (کوردیی ناوەڕاست) lingua, fare clic sull'icona
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 3,557
Scrivi il tuo commento su questo articolo!