بەرپرسێ بەشێ راگەهاندن و پەیوەندیێن جەماوەری ل کومسیۆنا سەربەخۆیا هەلبژارتنێن ئیراق تایێ دهۆک خویاکر کو؛ ل 21 بنگەهێن تۆمارکرنێ ل سنۆرێ پارێزگەها #دهۆک# 430264 وەلاتییان ناڤێ خۆ ب شێوەیێ بایۆمەتری ل کەرتێ گشتی تۆمار کرینە کو رێژەیا وێ دبیتە 64% و ل رێزا ئێکێ دهێت ل هەرێمێ.
#سەگڤان حەسەن# بەرپرسێ بەشێ راگەهاندن و پەیوەندیێن جەماوەری ل کومسیۆنا سەربەخۆیا هەلبژارتنێن ئیراق تایێ دهۆک بۆ دواڕۆژ رۆهنکر کو؛ لسەر ئاستێ هێزێن ناڤخۆ 26000 کەس و لسەر ئاستێ هێزێن پێشمەرگەی 18785 هاتینە تۆمارکرن و بنگەهێ تایبەت ب ئاوارەیان ژی هەتا نوکە 82826 کەس ئانکو ب رێژەیا 18% وەلاتیێن ئاوارە تۆمار کرینە و هەتا نوکە ژی چ دەمێ دەستنیشانکری بۆ دوماهی ئینانا تۆمارا بایۆمەتری ل کومسیۆنا هەلبژارتنێن ئیراقێ نەهاتییە دەستنیشانکرن.
ناڤبۆری ئاماژەکر کو؛ بەردەوام پلەیا پارێزگەها دهۆک بۆ رێژەیا تۆمارکرنێ ل ئیراقێ بەرەڤ سەری دچیت و ل دەمێن بۆری ل رێزا پێنجێ ل ئیراقێ و ل رێزا ئێکێ ل هەرێمێ دهێت و تیمێن گەرۆک ژی ب بەردەوام ل دەڤەرێن پێدڤی دگەڕن و کارێ تۆمارکرنێ ئەنجام ددەنم و دوماهی جار 6 دەڤەرێن دهۆک ئەڤ کارە هاتییە ئەنجامدان.[1]
ماڵپەڕی دواڕۆژ 07-08-2017
Questo articolo è stato scritto in (کرمانجی) lingua, fare clic sull'icona
per aprire l'articolo in lingua originale!
ئەڤ بابەت ب زمانێ (کرمانجی) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب وی زمانێ کو پێ هاتیە نڤیساندن!
Questo oggetto è stato visto volte 10,463
Scrivi il tuo commento su questo articolo!