#بافڵ تاڵەبانی# سەرۆکی #یەکێتیی نیشتمانیی کوردستان# پەیامێکی پیرۆزبایی لە یادی 125 ساڵەی ڕۆژنامەگەریی کوردی ڕایگەیاند، ساڵیادی ڕۆژنامەگەریی کوردی لە ڕۆژنامەنووسانی کوردستان پیرۆزبێت و هیوای بەردەوامی و سەرکەوتنیان بۆ دەخوازم.
ئاماژەی بەوەشکردووە، ڕاستییەکی حاشاهەڵنەگرە ڕۆژنامەگەریی ئازاد و فەراهەمکردنی ئازادیی بیروڕا پایەیەکی گرنگی دیموکراسین و هێمای گەشەسەندن و پێشکەوتنی وڵاتە.
وتیشی، بەداخەوە لە ساڵانی ڕابردوودا هەندێک ناوچەی هەرێمی کوردستان نەک تەنیا لەو ڕووەوە گەشەی نەکردووە، بەڵکو بووەتە جێگەیەک بۆ کپکردن و زیندانیکردنی دەنگە ئازادەکان.
بافڵ تاڵەبانی ئاشکراشیکرد، تۆمەتی ناڕەوا بۆ ڕۆژنامەنووسان دروستدەکرێت و وێنەیەکی نەخوازراوی هەرێم پێشکەشی کۆمەڵگەی نێودەوڵەتی دەکرێت.
تەئکیدیکردەوە، ئێمە باوەڕی تەواومان بە ڕۆژنامەگەری ئازاد و ڕۆژنامەنووسی بوێر هەیە.
ڕاشیگەیاند، هەرگیزیش خۆمان لە سەروو ڕەخنەوە نەبینیووە و پشتیوانی هەر هەوڵێکیش دەکەین کە هەڵەکانمان دەستنیشان بکات و ڕێگا ڕاستەکەمان نیشان بدات.
ڕوونیشیکردەوە، لەسەر هەمان ئەو بیروباوەڕە نەگۆڕەی خۆمان بەردەوام دەبین و هاوکار و هەماهەنگی میدیای پیشەیی و هەموو دەنگە دلێر و ئازادەکان دەبین. [1]
=KTML_Bold=تێبینی: ئەم بەڵگەنامەیە کێشەی رێنووس و رێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=