میر تەحسین بەگ ل ساڵا 1944ێ ڕە و د ژیێ 11 ساڵیێ ڕە میرێ ئێزیدیانە.
ناڤهاتی دەمێ کوو بابێ میرێ ئێزدییان بوو و وەغەرا داویێ کر، ژیێ وی ب تەنێ یازدە ساڵ بوو د وی دەمەی دە ئەڤ پۆستە ژێڕە هاتە سپاردن و د وی دەمەی دە دەیکا وی خانما مایان هەیاکوو ژیێ میر گەهشتە 18 ساڵیێ سەرپەرشتییا کاروبارێن ئێزدییان دکر و ئەرک وی بڕێڤە دبر و پشتی کوو گەهشتە ژیێ 18 ساڵی وی بخوە هەمی ئەرک و کار و مافێن خوە گرتنە دەست و کاروبارێن ئێزدییان بڕێڤە دبرن، میر سەروکێ دنیایی ئێ ئێزیدیانە و نونەراتیا وانا دکەت ل هەمی کۆڕ و کۆمبوونێن کوو تەڤلی ئێزدیانە و سەرپەرشتی یا تەڤایا پەیوەندییان دگەڵ وڵاتان و تائیفە و ماڵبات و عەشیرەتان دکەت.
میر تەحسین ژبلی زمانێ کوردی، زمانێ عەرەبی و ئینگلیزیی و هەروەسا زمانێ فارسی ژی دزانی.
ساڵا 1962 بو ئێکەم جار چوویە سەفەرا دەرڤەی وڵات کرییە و چوویە ئەوروپا و بو ماوێ ساڵەکێ ل هەردوو وڵاتێن بەریتانیا و ئەڵمانیا ئاکنجی بوویە.
ل دەستپێکا دەهەیا ساڵا 1970 ێدە پشکداریی ل بزووتنەوەیا ڕزگاری خواز یا کوردیدە کرییە و پشتی هەرەس ئانینا شوڕەشا کوردی ل ساڵا 1975 ێ ئەو ژو وەکە زوربەیا هەرە زۆرا کوردێن باشوور، ئاوارەی وڵاتێ ئیرانێ بوو، پشتڕە بەرێ خوە کرییە لەندەن یا وڵاتێ بەریتانیا و ل ساڵا 1976ێ هەیا ساڵا 1981 لوی وڵاتەی ئاکنجی بووتە، ل وێ ساڵێ ڕە ژ ئالێ سەدام حسێن و ڕژێما بەعسێ ڕە لێبورین ژێ ڕە دەرکەت و ڤەگەڕیا ئیراقێ.[1]
میر تەحسین بەگ ڕوژا #28-01-2019# ل نەخوەشخانەیەکە باژێڕێ هانۆڤەر یا وڵاتێ ئەڵمانیا وەغەرا داویێ کر و ڕوژا #04-02-2019# تەڕمێ وی هات ڤەگەڕاندن ژبو باشوورێ کوردستان و ل #شێخان# هات بخاک سپاردن .[2]