=KTML_Bold==KTML_Mark_Begin=کوردستان لە دوای ساڵی 1988ەوە، بێدەنگترین نەورۆز بەڕێدەکات!=KTML_Mark_End==KTML_End=
$باکووری کوردستان$
- سەربازانی دەوڵەتی تورک لە ئۆپراسیۆنی پاکتاوکردنی سیاسییدا لە دژی گەلی کورد لە چەولیک 3 کەسیان دەستگیرکرد. یەکێک لە هاووڵاتییە دەستگیرکراوەکان تەمەنی 67 ساڵە.[3]
$رۆژهەڵاتی کوردستان$
- ئەنجومەنی سێنفی مامۆستایانی کوردستان/ #سەقز# و زیویە وێڕای پێرۆزبایی ئەم نەورۆزە کەوناراییە بە هەموو خەڵکی ئێران بە تایبەتی هاوکارانی فەرهەنگی و قوتابییانی خۆشەویست داوای کردووە به خۆ دوورخستنە لە شوێنی قەرەباڵغ، کۆبوونەوە و چوون بۆ سەفەر و چاوپێکەوتن خۆ لە تووشبوون بە کۆرۆنا بپارێزن. هەروەها خوازیاری پێیدانی مەرەخەسی بە هەموو هاوکارانی زیندانیکراون و داوایان لە دەزگایی دادوەری کردووە ئەو هۆشدارییە بە جیددی وەربگرێت.[6]
- سەید نەسرەدین حەیدەری، ڕێبەری ئایینی یارسانەکان لە جیهان لە ڕاگەیێندراوێکدا دەڵێت: لەبەر ڕێنماییە پزیشکییەکان و بۆ بەرەنگاربوونەوەی کۆرۆنا، داوا لە خوشک و برایانی یارسان دەکەم ڕێنماییە پزیشکییەکان ڕەچاوبکەن. لە پشووی ئەمساڵدا سەردانی مەزارگە، جەمخانە و شوێنە پیرۆزەکانی یارسان نەکەن.[2]
$باشووری کوردستان$
- ئەگەرچی بەهۆی ڕێگری لە ڤایرۆسی کڕۆنا قەدەغەی هاتووچۆیە و تەواوی شوێنە گەشتیارییەکان داخراون، بەڵام لێرە و لەوێ هاووڵاتیان بەبۆنەی نەورۆزەوە چوونەتە دەرەوەی شار و هەندێکی پابەندی ڕێنماییەکان نەبوون.[1]=KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2020/378315/0014.JPG=KTML_ImageCaption_Title=لە تۆڕە کۆمەڵایەتییەکانەوە: 21-03-2020=KTML_ImageCaption_CaptionStyle=000000=KTML_ImageCaption_Caption=لە تۆڕە کۆمەڵایەتییەکانەوە: 21-03-2020=KTML_ImageCaption_End=
- لە #کۆیە# بۆ ڕێگریکردن لە گەشت و سەیران، لە دوێنی هەینییەوە سەرجەم ئەو ڕێگەیانەی دەچنەوە سەر شوێنە گەشتیارییەکان بە گڵ گیراون و خەڵکیش تارادەیەکی باش پابەندبوون. [2]
- پارێزگاری سلێمانی ڕایدەگەیەنێت ئەو وێنانەی شەوی ڕابردوو بڵاوبونەوە، کە گوایە بەشەو هاوڵاتیان بەرەو سەیرانگاکان بەڕێدەکەون کۆنن و تەنها بوختانە کە دەکرێت و هاتووچۆ نەکراوەتەوە.[5]
- لە دوای 14 ڕۆژ #کەرەنتینە# کردن 52 هاوڵاتی کەرەنتینە کراوی شاری #سلێمانی# دەگەڕێندرێنەوە ماڵەوە.[3]
- وەزیری تەندروستی هەرێمی کوردستان پەیامێکی بڵاوکردەوە و دەڵێت، کۆرۆنا گەیشتووەتە نێو گەڕەک و کۆڵانەکان، ئێستا گەیشتووینەتە قۆناخێکی مەترسیدار و ڤایرۆسەکە بەخێرایی بڵاودەبێتەوە. داواشدەکات باشتر خۆمان بپارێزین.[2]
- #وەزارەتی تەندروستی#ی هەرێمی کوردستان ڕایگەیاند، گەنجێکی تەمەن 37 ساڵان لە ڕاپەڕین تووشی کۆرۆنا بوو کە کارمەندی بەنزینخانەیە.[1]
- بەڕێوەبەری گشتی #تەندروستی سلێمانی# ئەمڕۆ ڕایگەیاند: بۆ دڵنیایی زیاتر و ڕێگرتن لەبڵاوبوونەوەی زیاتری ڤایرۆسی کۆرۆنا نمونەی پشکنینی ڤایرۆسی کۆرۆنا لەکارمەندی دوکان و مارکێت و نانەواخانە و سەمونخانەکانی پارێزگای سلێمانی وەردەگیرێت.[5]=KTML_ImageCaption_Begin==KTML_StyleDiv=width:25%;height:20%;float:left;=KTML_ImageCaption_Target_Link=https://www.kurdipedia.org/files/relatedfiles/2020/378315/0009.JPG=KTML_ImageCaption_Title=قایمقامی کۆیە: ڕێگەی شوێنە گەشتیارییەکانمان بە گڵ گرتووە=KTML_ImageCaption_CaptionStyle=000000=KTML_ImageCaption_Caption=قایمقامی کۆیە: ڕێگەی شوێنە گەشتیارییەکانمان بە گڵ گرتووە=KTML_ImageCaption_End=
- قایمقامی شارۆچکەی #دوکان# ڕایگەیاند، هیچ کەسێک بۆ گەشت و سەیران ڕووی لە سنوورەکەیان نەکردووە و دەشڵێ کار بە ڕێنماییەکان کراوە و هەموو شوێنە گەشتیارییەکان داخراون.[2]
- لە #دهۆک# ڕێوشوێنی ئەمنیی تووند بۆ قەدەخەی هاتووچۆ لە سەیرانگە و ناوچە گەشتیارییەکان گیراوەتەبەر، بەڕێوەبەرایەتیی هاتووچۆی دهۆکیش دەڵێ، سەیرانگەکان چۆڵن و هیچ گەشتیارێکیان تێدا نییە.[2]
- لەبارەی چوونە دەرەوە بۆ گەشت و سەیران، #وەزارەتی ناوخۆ#ی حکومەتی هەرێمی کوردستان هۆشداری دەداتە هاونیشتمانیان و ڕایگەیاند هەر هاونیشتمانییەک بەمەبەستی گەشت و سەیران لە ماڵ دەربچێت، دەست بەسەر ئۆتۆمبێلەکەیدا دەگیرێت. جگە لە دەستبەسەرداگرتنی ئۆتۆمبێلی ئەو هاونیشتمانیانە، وەزارەتی ناوخۆی هەرێمی کوردستان ڕایگەیاندووە، خاوەنی ئۆتۆمبێلەکانیش بە پێبژاردن سزا دەدرێن.[2]
- کۆلێژی ئەندازیاری #زانکۆی سەڵاحەدین#، لە ڕێگای بەکارهێنانی سیستمەکانی موودڵ و بۆلۆنیا، یەکەم تاقیکردنەوەی لەسەر خوێندنی ئۆنڵاین بە سەرکەوتویی ئەنجام دا.[4]
$دەرەوەی کوردستان$
- وەزارەتی تەندروستی تورکیا ئاشکرای کرد، 311 کەسی دیکە لەو وڵاتە تووشی #کۆرۆنا# بوون و کۆی گشتی تووشبووان گەیشتە 670 کەس. هەروەها پێنج کەسی دیکە گیانیان لەدەستدا و تا ئێستا کۆی گشتی مردوان لە تورکیا بە ڤایرۆسی کۆرۆنا 9 کەسە.[4]
- 176 خوێندکاری هەرێمی کوردستان کە بەمەبەستی خوێندنی ماستەر و دکتۆرا ڕوویان لە تورکیا و قوبرسی تورکی کردووە، داوا لە لایەنە پەیوەندیدارەکان دەکەن هاوکارییان بکەن بۆ گەڕانەوەیان، بەرپرسی فەرمانگەی پەیوەندییەکانی دەرەوەی هەرێمی کوردستانیش دەڵێ، بۆ ئەو مەبەستە لەگەڵ وەزارەتی ناوخۆ و تەندروستی قسە دەکەن.[2]

ڕاگەیاندراوی وەزارەتی تەندروستی
ژمارە (25)
سەبارەت بە نەخۆشی ڤایرۆسی کۆڕۆنای نوێ COVID-19 لە هەرێمی کوردستان، تیمەکانی تەندروستی بۆ دۆزینەوە و پشکنینی گومانلێکراوانی هەڵگری ئەم ڤایرۆسە ڕۆژانە بەردەوامن بەمەش :
1. ژمارەی هاوڵاتیان کە لە کەڕەنتینەکان بوون (4560) هاوڵاتین لە (26) شوێنی جیاواز، لەئێستادا تەنها (1592) هاوڵاتی لە کەرەنتین ماونەتەوە (828) لە #هەولێر#، (395) لە #سلێمانی#، (224) لە #دهۆک#، (37) لە #هەڵەبجە#، (38) لە #گەرمیان#، (45) لە ڕاپەرین، (25) لە کۆیە وە (2968) هاوڵاتی لە کەرەنتین دەرچوونە و گەڕانەوە ناو خانەوادەکانیان دوای تەواو بوونی ماوەی دوو هەفتە لەگەڵ کەڕەنتین کردنی ژمارەیەکی تری ئەمڕۆی کەرەنتین کراو کە کۆی گشتی بریتی بوو (12) هاوڵاتی.
2. لەماوەی 24 کاتژمێری ڕابردوو (191) پشکنین ئەنجامدرا کە (89) لە شاری هەولێر و (62) لە شاری سلێمانی و (40) شاری دهۆک، دەرەنجام (7) تووشبووی نوێ تۆمارکرا، یەکێکیان پیاو تەمەن)29(ساڵ لە شاری هەولێرە، شەش تووشبووەکەی تر لە شاری سلێمانی دەست نیشانکران کە یەکیێکیان پیاو تەمەن (37) ساڵ دانیشتووی شارەدێی سەنگەسەری دەڤەری ڕاپەڕین، دووەمیان پیاوێکی تەمەن (45) ساڵ دانیشتووی دەڤەری #دەربەندیخان#، تووشبووەکانی تر دانیشتووی شاری سلێمانین کە یەکیکیان ئافرەت تەمەن (38) ساڵ، ئەوانی تر پیاو تەمەنەکانی (28)، (62)، (48)ساڵن.لە کۆێ هەموویان چوار تووشبوو پێشتر گەشتی دەرەوەی ووڵاتی ئێران و ئەوروپان کردبوو وە سێ تووشبووەکەی تر گەشتی دەرەوەی ووڵاتیان نەکردبوو تەنها دوو لەوان بەرکەوتەی تووشبووی پێشوترن.
3. کۆی گشتی هەڵگرانی ڤایرۆسی کۆڕۆنای نوێ COVID-19 لە هەرێمی کوردستان (54) تووشبووە، لەنێویاندا (1) مردن هەیە و (13) نەخۆش بەتەواوی چاکبووەتەوە، و ئەوانی تر هەموویان لەژێر چاودێری پزیشکی دان.
وێڕای دەستخۆشی بۆتیمەکانی وەزارەتی ناوەخۆ و تیمەکانی پزیشکی کە لە کاردان وە سوپاس بۆ پابەندبوونی هاوڵاتیان بە مانەوەیان لە ماڵەکانیاندا جارێکی تر تکا دەکەین پابەندبن بە ڕێنماییەکانی تەندروستی و لە ماڵەکانیان بمێننەوە و نەیەنە دەرەوە و بەرکەوتەی کەسی تر نەبن وە لە کاتی پێویستدا پەیوەندی بکەبن بە هێڵی گەرمی ژمارە (122).
وەزارەتی تەندروستی.
حکومەتی هەرێمی کوردستان
21-03-2020