$باکووری کوردستان$
- #سەزای تەمەلی#، هاوسەرۆکی #هەدەپە# لە کۆنفراسێکی ڕۆژنامەوانیدا ڕایگەیاند، سەرۆک کۆماری تورکیا دژایەتی گەلی کورد گەلانی دیکە دەکات، بە دڵێکی ئارام وڵاتێکی دیکە داگیر دەکات. ئەو دەیەوێت مێژوو دووبارە بکاتەوە.[2]
- ئەمڕۆ پارێزەرانی #عەبدوڵڵا ئۆجەلان# ڕێبەری #پەکەکە#، ڕازیە تورگوت، سەربای کۆکلو و ڕێزان ساریجا و ئیبراهیم بیلمەز، بۆ دیدار لەگەڵ بریگرتەکەیان لە زیندانی ئیمرالی، داواکارییان پێشکەشی سەرۆکایەتیی داواکاری گشتیی شاری بۆرسا کرد.[4]
- حەسیبە مەنگیرکائون هاوسەرۆکی #دەبەپە#ی شاری مێردین لە چوارچێوەی لێپرسینەوەیەکدا کە بۆ وەرگرتنی وتەی چووبووە ئاسیش، دەستگیر کرا.[1]
$رۆژهەڵاتی کوردستان$
- تۆڕی مافەکانی مرۆڤی کوردستان ڕایگەیاند دوو لە ناوچە سنوورییەکانی خۆی دوو #کۆڵبەر# و کاسبکاری کورد لە ناوچە سنووریەکانی #سەردەشت# و خۆی بەهۆی تەقەی ڕاستەوخۆی هێزەکانی پاسەوانیی سنووری کۆماری ئیسلامی برینداربوون. “حامد عابد”، کاسبکاری کوردی خەڵکی شارۆچکەی “کۆتول”ی خۆی و “هیوا سەدیق زادە”، کۆڵبەری سەردەشتی لە ناوچە سنوورییەکانی ئەو شارانەدا دراونەتە بەر دەستڕێژی گوللە و برینداربوون.[1]=KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2019/374872/0008.JPG=KTML_ImageCaption_Title=کۆڵبەر! ژیانی ئەمڕۆی دەفرۆشێت بۆ کڕینی نانی سبەی!=KTML_ImageCaption_CaptionStyle=000000=KTML_ImageCaption_Caption=کۆڵبەر! ژیانی ئەمڕۆی دەفرۆشێت بۆ کڕینی نانی سبەی!=KTML_ImageCaption_End=
- کۆڵبەرێک بە ناوی عەزیز عەزیزی خەڵکی گوندی 'بەنەژاژی' سەربە شاری #بانە# لە پارێزگای #سنە#ی ڕۆژهەڵاتی کوردستان، لە ئاوایی گۆمانی سەر سنووری #چۆمان# بە تەقەی هێزە ئەمنیەکانی دەوڵەتی ئێران لە بە سەختی برینداربووە و گوازراوەتەوە بۆ نەخۆشخانەی شاری بانە. هەر ئەمڕۆ لە ناوچە سنوورییەکانی هەورامان، کۆڵبەرێک بە ناوی سەڵاح دەرزیانی لە بەرزاییەکانی کوێستانی تەتە لە ناوچەیەی 'قەتڵگا' کەوتووەتە خوارەوە و بە سەختی بریندار بووە.[4]
- #عەلی بەدرخانی# نووسەری کورد پاش کۆتاییهاتنی سزای 3 ساڵ بەندکرانەکەی لە بەندیخانەی ناوەندیی #ورمێ# ئازادکرا.[1]
$باشووری کوردستان$
- بڕیارە ئەمڕۆ ئەنجامی کۆنگرەی چوارەمی #یەکێتیی نیشتمانیی کوردستان# بڵاوبکرێتەوە. بەگوێرەی ئەنجامە بەراییەکان، لە بازنەی #سلێمانی# ئەم کەسانە دەرچوون، #شاناز ئیبراهیم ئەحمەد#، #ئاراس شێخ جەنگی#، سالار عومەر نوری، سەرکەوت زەکی، شوانەی نۆکان، وەستا حەسەن، تەلار لەتیف، هەڵۆ #پێنجوێن#ی، #مستەفا چاوڕەش#، ئاسۆس عەلی. لە بازنەی هەولێریش کوڕەکانی #کۆسرەت ڕەسوڵ# زۆرترین دەنگیان هێناوە. لە کەرکووکیش سەرچاوەکان باس لەوە دەکەن کە #بافڵ تاڵەبانی# و #لاهور شێخ جەنگی# زۆرترین دەنگەکانیان هێناوە. وتەبێژی کۆنگرەش ڕایگەیاند، لەبەرئەوەی دەنگەکان زۆرن ئەمڕۆ ناتوانین ئەنجامی هەڵبژاردنەکە ڕابگەیەنین و سبەینێ پاش تەواوبوونی هەژماردنی هەموو دەنگەکان، سەرئەنجامەکەی ڕادەگەیەنین[3]
- لە دانیشتنی ئەمڕۆی، #پەرلەمانی کوردستان# بە دەنگی 77 پەرلەمانتار، خولی پاییزەی بۆ ماوەی 30 ڕۆژ درێژ کردەوە. ئامانج لەمەش پەسەندکردنی پرۆژە یاسای چاکسازییە.[3]=KTML_ImageCaption_Begin==KTML_StyleDiv=width:30%;height:20%;float:left;=KTML_ImageCaption_Target_Link=https://www.kurdipedia.org/files/relatedfiles/2019/374872/0002.JPG=KTML_ImageCaption_Title=لە چالاکییەکانی ئەمڕۆ: 24-12-2019=KTML_ImageCaption_CaptionStyle=000000=KTML_ImageCaption_Caption=لە چالاکییەکانی ئەمڕۆ: 24-12-2019=KTML_ImageCaption_End=
- دەستەی دەستپاکی هەرێمی کوردستان ڕایدەگەیەنێت، لە ئەمساڵدا 75 دۆسیەی گەندەڵیی ڕەوانەی بەردەم دادگاکان کراون و یەکلا کراونەتەوە، هەروەها زیاتر لە دوومانگیشە پرۆژە یاسای هەموارکردنەوەی یاسای دەستەی دەستپاکی ئاراستەی پەرلەمان کراوە بەڵام تا ئێستا پرۆژەکە نەخراوەتە بەرنامەی کارەوە.[4]
- ئەمڕۆ کاتژمێر 10:00 دەرچوانی بەشی ئەندازیاریی کارەبا، نەوت و گاز و کیمیایی، لە زانکۆ و پەیمانگاکانی #کەرکووک#، لەبەردەم بینای ئەنجومەنی پارێزگای کەرکووک گردبوونەوە و ماوەی سێ کاتژمێر لەبەردەم بینای ئەنجومەن مانەوە. دەرچوانی بەشی ئەندازیاریی داوای دامەزراندن دەکەن و دەڵێن، لە ئەگەری جێبەجێنەکردنی داواکارییەکەیان، ڕێکاری تر دەگرنە بەر.[4]
- بەهۆی ڕووداوێکی تەقەکردن لە بانکی شیمالی شاری #هەولێر# کەسێک برینداردەبێت، تەقەکەرەکە بۆ شوێنێکی نادیار هەڵاتووە و گوتەبێژی پۆلیسی هەولێریش دەڵێت شەڕەکە بەهۆی کێشەیەکی تایبەتەوە بووە.[5]
- ئەمشەو چەکدارانی #داعش# هێرشیان کردووەتە سەر کێڵگەی نەوتی خەبازە لەسنوری شارۆچکەی دوبز و لە ئەنجامدا پۆلیسێک بەناوی (#وەلید حەمید#) بە ڕەگەز کورد کە خەڵکی شارۆچکەی #خورماتوو#ە شەهید بووە و دوو پۆلیسی دیکەش برینداربوون.[6]
- سەرچاوەیەک لە هێزەکانی پێشمەرگە لە سنوری شارۆچکەی #مەخموور# ڕایگەیاند: بەهۆی تەقینەوەی بۆمبێکی چێندراو بە ئۆتۆمبێلی هاوڵاتیەک لە گوندی عەتیرە لە سنوری شارەدێی سەرگەڕانی شارۆچکەی مەخمور، 3 کەس کوژراو 2ی دیکەش برینداربوون.[4]
$رۆژئاوای کوردستان$
- بە سەدان هاوڵاتیی ناوچەی دربێسی بە مەراسیمێکی شایستە تەرمی #شەڕڤان#ی هێزەکانی عەلەوی ناوخۆیی شەهید ئەیاز عومەریان لە ئەنجومەنی کەسوکاری شەهیدان-ی دربێسی وەرگرت و بە کاروانێک بەرەو گۆڕستانی شەهید ڕوستەم جودی بەڕێکرد.[1]=KTML_ImageCaption_Begin==KTML_StyleDiv=width:30%;height:20%;float:left;=KTML_ImageCaption_Target_Link=https://www.kurdipedia.org/files/relatedfiles/2019/374872/0011.JPG=KTML_ImageCaption_Title=تەرمی شەهید ئەیاز عومەر شەڕڤانی هێزەکانی عەلەوی ناوخۆیی بەخاک سپێردرا=KTML_ImageCaption_CaptionStyle=000000=KTML_ImageCaption_Caption=تەرمی شەهید ئەیاز عومەر شەڕڤانی هێزەکانی عەلەوی ناوخۆیی بەخاک سپێردرا=KTML_ImageCaption_End=
$دەرەوەی کوردستان$
- ڕوانگەی سووری بۆ مافەکانی مرۆڤ ڕایگەیاند، سوپای سووریا خاڵێکی چاودێری سوپای تورکیای لە گوندی سەرمانی باشووری ڕۆژهەڵاتی پارێزگای ئیدلب گەمارۆ داوە، ئەمەش دوای ئەوەی هێزەکانی سوپای سووریا لە چەند ڕۆژی ڕابردوودا بە هاوکاری هێزەکانی ڕووسیا پێشڕەوی له و ناوچەیە کردووە.[2]
- وێڕای هەڕەشەکانی سەرۆک کۆماری تورکیا بۆ داخستنی بنکەی سەربازی ئینجەرلیک - #ئامەد#، لە وڵاتەکەی کە لەلایەن هێزەکانی ئەمەریکاوە بەکاردەهێنرێت، وەزارەتی بەرگری ئەمەریکا پێنتاگۆن گرێبەستێکی بۆ درووستکردنی تەلارێک له و بنکەیە لەگەڵ ژمارەیەک کۆمپانیای تورکی واژۆ کرد.[2]
- فراکسیۆنە کوردستانییەکانی ئەنجوومەنی نوێنەرانی عێراق، بایکۆتی پرۆسەی دەنگدانیان لەسەر ماددەکانی 15 و 16ی پڕۆژه یاسای هەڵبژاردنەکانی عێراق کرد. بە گوێرەی ناوەڕۆکی ماددەی 15ی پڕۆژەیاساکە، بازنەی هەڵبژاردن لە پارێزگاوە بچووک دەکرێتەوە بۆ قەزا و تێیدا یەکەم و زۆرینە سەردەکەوێت و سەرجەم دەنگەکانی دیکە دەفەوتێن.[2]
- سوپای نیشتیمانی لیبیا ڕایگەیاند، فڕۆکە جەنگیەکانیان زرێپۆشێکی تورکیایان لە تەرابلوس تێکشکاندووە.[4]
- وەلید موعەلیم وەزیری دەرەوەی ڕژێمی سوریا ئاشکرایکرد، کە ئەوان چاوپێکەوتنێکیان لەگەڵ لایەنی تورک ئەنجامداوەو ڕاشیگەیاندووە: تورکیا لە باکورو ڕۆژهەڵاتی سوریا سوود لە ڕێککەوتنی لەگەڵ ڕووسیا وەردەگرێت و پاکتاوی ئەتنیکی پەیڕەو دەکات.[4]