$باکووری کوردستان$
- دووەمین دانیشتنی پێنجەمین دادگەی سزا قورسەکانی شاری #وان# دەربارەی دۆسیەی ڕۆژنامەوان #ئیدریس یڵماز# کە بە تۆمەتی (ئەندامەتیی ڕێکخستن) بۆی کرابوویەوە، بەڕێوەچوو. یڵماز لە بەندیخانەی خارپێت-ەوە لە ڕێی سیستەمی دەنگ و ڕەنگ (SEGBÎS) بەشداری لە دانیشتنەکەدا کرد. ڕۆژنامەوان ئیدریس یڵماز لە چێوەی بەرگری لە خۆکردندا هەمان قسەکانی یەکەمین دانیشتنی دادگەی دووبارە کردەوە. هەروەها پارێزەرانی ناوبراو جارێکی دیکە داوایان کرد گوێ لە شایەتحاڵەکان بگیرێت و کاتی زیاتریان پێبدرێت. دەستەی دادگە هەموو داواکارییەکانی ڕەتکردەوە و بە بیانووی (ئەندامەتیی ڕێکخستن) سزای 6 ساڵ و 3 مانگ زیندانی کردنی بۆ ڕۆژنامەوان ئیدریس یڵماز بڕیەوە.[5]
$رۆژهەڵاتی کوردستان$
- ژمارەیەک لە نوێنەرە کوردەکانی چوار پارێزگای ڕۆژهەڵات لە نامەیەکدا دەنگی نارەزایەتی خۆیان بەرامبەر بە هێرش و هەڕەشەکانی تورکیا بۆ سەر کوردانی ڕۆژئاوا دەگەیەننە سکرتێری #نەتەوە یەکگرتووەکان# و داوا دەکەن ڕێگری بکەن لە هێرشکردنی حکومەتی تورکیا بۆ سەر سوریا و کۆمەلًکوژکردنی بێ بەزەییانەی هاووڵاتیانی کوردی ئه و وڵاتە.[1]=KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2018/165053/0013.JPG=KTML_ImageCaption_Title=لە مەهاباد 70 سانتیمەتر بەفر باریوە=KTML_ImageCaption_CaptionStyle=000000=KTML_ImageCaption_Caption=لە مەهاباد 70 سانتیمەتر بەفر باریوە=KTML_ImageCaption_End=
- بەڕێوەبەری ڕێگاوبان و گواستنەوەی #مەهاباد# ڕایگەیاند، سەرلەبەیانیی ئەمڕۆ بارینی بەفر لە مەهاباد دەستیپێکردووە و نزیکەی 70 سانتیمەتر باریوە و بەفربارین بەردەوامیی هەیە.[5]
- کاروانێک لە #کۆڵبەر#ان لە شاخەکانی سنووری ناوچەی سۆمای برادۆستی #ورمێ# دەکەونە کەمینی هیزە نیزامییەکانی حکوومەتی ئێران و بە هۆی تەقەی ئەو هێزانە کۆڵبەرێکی کورد بە ناوی یەعقووب (کامیان) نیک سیرەت کوڕی ڕەزاق خەڵکی گوندی جۆجەهی سەر بە سۆمای برادۆست گیانی لە دەست داوە.[7]
$باشووری کوردستان$
- ماڵپەڕی پوک میدیا کە میدیای فەرمی یەکێتییە، ئەمڕۆ بڵاویکردوەتەوە، کاتژمێر 10:30 خولەکی شەوی ڕابردوو، لە گەڕەکی برایەتی #هەولێر# هێزێکی سەربە ئاسایشی پارتی هەڵیانکوتاوەتە سەر ماڵی 'پێشڕەو ویستی' کارگێڕی مەڵبەندی سێی هەولێری یەکێتیی و ڕفاندویانە. ئاماژەی بۆ ئەوەش کردووە، لەلایەکی دیکەوە له ‌گەڕەکی ڕۆشنبیری شاری هەولێر هێزی ئاسایشی پارتی هەوڵی ڕفاندنی کادیرێکی یەکێتی بەناوی 'لێزان بەکر'-یان دا.[2][3]
- بەڕێوەبەری ئاسایشی هەولێر ڕایدەگەیەنێت: بەهۆی ئەوەی هێزێکی یەکێتی کادیرێکی ئێمەیان دەستگیرکردوە، بۆیە ئەوانیش ئەو کادیرەی یەکێتیان دەستگیرکردوە.[1]=KTML_ImageCaption_Begin==KTML_StyleDiv=width:30%;height:20%;float:left;=KTML_ImageCaption_Target_Link=https://www.kurdipedia.org/files/relatedfiles/2018/165053/0009.JPG=KTML_ImageCaption_Title=چۆمان، بەفر ڕێگای لە سەدان کەس گرتووە=KTML_ImageCaption_CaptionStyle=000000=KTML_ImageCaption_Caption=چۆمان، بەفر ڕێگای لە سەدان کەس گرتووە=KTML_ImageCaption_End=
- بەهۆی بارینی بەفرێکی زۆرەوە، ڕێگای نێوان #حاجی ئۆمەران# – #چۆمان# گیراوە، ئەوەش بووەبەهۆی ئەوەی سەدان ئۆتۆمبێلی بارهەڵگر و تایبەت بووەستن.[3]
- ڕاکان جبووری، پارێزگاری بەوەکالەتی #کەرکووک# هێزێکی ئەمنی لەگەڵ ئەحمەد ڕەجەب داود عوبێدی ناردووە و چوونەتە نێو بەڕێوبەرایەتی وەرزش و لاوانی کەرکووک بۆ ئەوەی ڕەجەب داود عوبێدی وەک بەڕێوەبەری نوێی بەڕێوەبەرایەتی وەرزش لاوان لە شوێنی بەڕێوەبەری ئێستا کە کوردە، دەستبەکاربێت.[6]
- ئەمرۆ ژمارەیەک لە ڕێکخراوەکانی کۆمەڵگای مەدەنی هەولێر و #سۆران# لەبەردەم پەرلەمانی پەرلەمانی کوردستان گردبوونەوەیەکیان ئەنجامدا و لە گردبوونەوەکەدا یاداشتێکیان خوێندنەوە، یاداشتەکەشیان ڕادەستی پەرلەمان کرد. هاوار هەرکی، نوێنەری ڕێکخراوەکان، یاداشتەکەی خوێندوە، کە تیایدا هاتبوو: ئەمڕۆ هاتین بە پەرلەمانتاران بڵێین، کاربکەن بۆ ئەوەی چیتر ژنان نەبنە قوربانیی دەستی کۆمەڵگای بەبیانووی شەرف و هۆکاری تر.[3]
- بەشێک لە خوێندکارانی پۆلی 12ی شارۆچکەی #کەلار#، دژی جێبەجێکردنی سیستمی 50 بە 50 لە تاقیکردنەوەکانی وەرزیی یەکەم و دووەمی خوێندن، لە بەردەم بینای پەروەردەی #گەرمیان# گردبوونەوەیەکی ناڕەزایەتییان ئەنجامدا و داوای هەڵوەشاندنەوەی ئەو بڕیارەیان کرد.[3]
$دەرەوەی کوردستان$
- موهەنەد عيقابی، بەڕێوەبەری ڕاگەياندنی دەستەی #حەشدی شەعبی#، ئاشکرای کرد: ژووری ئۆپراسيۆنی ئەمنی فرياکەوتن، لە نێوان عێراق و سوريا دروستکراوە بۆ ڕووبەڕووبوونەوەی هەر حاڵەت و کەموکوڕييەکی ئەمنی کە بەهۆی پاشەکشەی هێزەکانی ئەمريکاوە دروستببێت، هێزی پێشمەرگەش له و ژوورەدا بەشدارە.[1]=KTML_ImageCaption_Begin==KTML_StyleDiv=width:30%;height:20%;float:left;=KTML_ImageCaption_Target_Link=https://www.kurdipedia.org/files/relatedfiles/2018/165053/0011.JPG=KTML_ImageCaption_Title=لە گاڵتەوگەپەکانی ئەمڕۆ: 03-01-2019=KTML_ImageCaption_CaptionStyle=000000=KTML_ImageCaption_Caption=لە گاڵتەوگەپەکانی ئەمڕۆ: 03-01-2019=KTML_ImageCaption_End=
- هەردوو سەرۆکی داگیرکەرانی ئێڕاق و تورکیا لە ئەنکەڕە کۆبوونەوە.[4]
- ڕۆژنامەی لوپاریزینی فەرەنسیی بڵاویکردەوە، ئیمانۆئێل ماکرۆن سەرۆک کۆماری فەرەنسا ڕۆژی چوارشەممە (دوێنێ) لەبارەی بڕیاری کشانەوەی دوناڵد ترامپ سەرۆکی ئەمریکا لە سوریا، بە تەلەفون قسەی لەگەڵ ڤلادیمیر پوتین سەرۆکی ڕووسیا کردووە. ڕۆژنامەی لوپاریزێنی فەرەنسی هەواڵەکەی لە کۆشکی ئیلیزێ وەرگرتووە و بەپێی ئەو هەواڵە، ماکرۆن لە پەیوەندییە تەلەفونییەکەیدا بە پوتینی وتوە، پێویستە کورد بپارێزێت.[5]
- سەرۆکی کۆمسیۆنی پەیوەندییەکانی دەرەوەی پەرلەمانی ئەڵمانیا داوا و پێشنیار دەکات، کە لەپێناو پاراستنی ڕۆژئاوای کوردستان و باکوری سوریا ناوچەی ئارام و دژە فڕین دروست بکرێت، بۆ ئەوەش داوا لە حکومەتی وڵاتەکەی و فەرەنسا دەکات پێشنیارەکە بدەنە نەتەوە یەکگرتووەکان.[3]
- کوردەکانی نیشتەجێی تارانی پێتەختی ئێران، بە مەبەستی ڕێزگرتن و دەربڕینی ئەمەگناسیی خۆیان بەرانبەر بە دوو هونەرمەندی نەتەوەییی کورد، #مریەم قازی# و #سمکۆ پاکزاد#، کۆڕیادێکیان لە نووسینگە کۆڕی کوردانی تاران بەڕێوە برد. ئەو کۆڕیادە کە لە لایەن لێژنەی نووسینگەی کۆڕی کوردانی تارانەوە ڕێکخرابوو، بە بەشداریی لێژنە ئەدەبیی کوردانی دانیشتووی تاران (ڕامان)، لێژنەی ژنانی کوردانی دانیشتووی تاران، ئەدیبان، هونەرمەندان، خوێندکارانی کوردی زانکۆوەکانی تاران، کەسایەتییە مەدەنی و ناسراوەکانی کورد و کوردانی دانیشتووی تاران، بەڕێوە چوو.[7]