- پێش نیوەرۆی ئەمرۆ زنجیرەیەک تەقینەوە ناوچەیەکی هەستیاری شاری #هەولێر#ی هەژاند. کەدەکەوێتە نزیک #وەزارەتی ناوخۆ#ی حکومەتی هەرێمی کوردستان و ئاسایشی هەولێر و ئاسایشی گشتی هەرێم. تەقینەوەکان لەڕێی چەند کەسێکی خۆکوژەوە بوون و ئامارە سەرەتاییەکان ئەوەیان ڕاگەیاند کە 6 کارمەندی ئاساییش کوژراون و نزیکەی 62 کەسیش برینداربوون.
بەهۆی تەقینەوەکانەوە، ڕێگاکانی چوونەناوەوە و چوونەدەرەوە بۆ هەولێر داخران. هەروەها ئاساییشی #سلێمانی#ش کەوتە ئامادەباشییەوە تاوەکو ڕێ لەهەر کارێکی تیرۆریستی بگرێت.
- هێڤیدار ئەحمەدی پەیامنێری ڕووداو لەکاتی ڕووماڵکردنی ڕووداوەکانی تەقینەوەکانی هەولێر، لەلایەن ئاساییشی هەولێرەوە لێیدراو بریندارکرا.
- لە ڕونکردنەوەیەکدا لە پەیجی تایبەتی خۆیان لە تۆڕی کۆمەڵایەتی فەیس بووک گروپی دەوڵەتی ئیسلامی لە ئێراق و شام بەرپرسیارییەتی تەقینەوەکانی هەولێریان گرتوەتە ئەستۆ و ئاماژە بە تەقینەوەی 5 سەیارەکە دەکەن لە بەرامبەر ئاسایشی هەولێردا.
- داگیرکەری تورک بڕیاری ئەوەیدا کە هەرچی ناوی شار، شارۆچکە، گوندەکانی باکووری کوردستان هەیە کە پێشتر کرابوونە تورکی، بکرێنەوە ناوە کوردییە ڕەسەنەکانیان.

ڤیدیۆ: چرکەساتی تەقینەوەکەی شاری هەولێر
ئەو ڕۆژەی هەموو هەولێر و کوردستان ڕەش پۆش بوون
ڕۆژ و ساڵ: #29-09-2013#
شوێن: #هەولێر# [1]
=KTML_Bold=تێبینی لەسەر ڤیدیۆکە نووسراوە 2014 هەڵەیە=KTML_End=

کاتژمێر 1:24 دوا نیوەرۆی ئەمڕۆ 29-9-2013، پەلامارێکی تیرۆریستی کرایە سەر بارەگای بەڕێوەبەرایەتی ئاسایشی هەرێم. لەسەرەتادا ئۆتۆمبێلێکی جۆری مینی پاسێک خۆکوژێکی تێدابووە ویستوویەتی بچێتە ناو بارەگای ئاسایش و لەوکاتەدا لەلایەن پاسەوانانی ئاسایش تەقەی لیدەکرێت و لە ئەنجامدا ئۆتۆمبێلەکە لەبەردەرگای سەرەکی دەتەقێتەوە و لەوکاتەدا 4 خۆکوژ بە چەک و ڕومانەوە هەول دەدەن بچنە ناو بارەگای ئاسایش هەولێر.
هەرچوار تیرۆریستە خۆکوژەکە لە لایەن پاسەوان و کارمەندانی ئاسایشەوە دەکوژرێن، لەدوای چەند خولەکێک تیرۆریستێک بە ئامبولانسێک لە بارەگای ئاسایش نزیک دەبێتەوە و دوای ئەوەی ڕادەگیرێت خۆی دەتەقێنێتەوە.

لە ئەنجامی ئەم کردارەدا 6 تیرۆریست کوژراون و بەداخەوە لە کاتی بەرگریکردنی قارەمانانەی کارمەندانی ئاسایشدا 6 کارمەندی ئاسایش شەهیدبوون و (42) کەس لە کارمەندی ئاسایش و پۆلیس و بەرگری شارستانی برینداربوون.

لەکاتێکدا سەرەخۆشیمان لە خانەوادەی شەهیدان دەکەین و ئاواتی هەرچی زووتر چاکبوونەوەی بریندارەکان دەخوازین؛ خەلکی کوردستان دڵنیا دەکەینەوە کە ئەم جۆرە هێرشانە لەرووبە ڕووبوونەوەی تیرۆریستان ڕژدتر و توندوتۆلترمان دەکەن.

ئەم هێرشە لەکاتێکدا ئەنجامدرا کە هەرێمی کوردستان لەتاقیکردنەوەیەکی مەزنی دیموکراسیدا سەرکەوت و ئەمەش نیشانەی ئەوەیە کە ناحەزانی کوردستان چاویان بەم سەرکەوتنانەی هەرێم هەڵنایەت.

دوای 6 ساڵ ئەمەیان یەکەم کرداری لەمجۆرەیە لە هەرێم ئەنجامدەدرێت، بەڵام بێگومان لەمیانەی ئەم 6 ساڵەدا چەندین جارە هەوڵی لەمجۆرەیان هەبووە کە بە وریایی هێزەکانی ئاسایش پوچەلکراون.

پێویستە لەبیرمان بێت کە هەرێمی کوردستان لەناوچەیەکی ئالۆزدایە و هەوڵی ناحەزان و مەترسیی تیرۆریستان بۆ تێکدانی سەقامگیریی کوردستان کۆتایی پێنەهاتووە، بۆیە داوا لەهاولاتیانی خۆشەویست دەکەین کە یارمەتیدەر و پشتیوانمانبن بۆ پاراستنی ئاسایش و سەرو مالیان.

داواتان لێدەکەین کە بنکەکانی ئاسایش لەهەر دیاردەیەکی نامۆ و گوماناوی بەزووترین کات ئاگادار بکەنەوە. هاوکارییتان گەورەترین فاکتەرە بۆ پوچەڵکردنی نیازی گڵاوی تیرۆریستان.

تیرۆریستان شیواز و پیلانی نوێ بەکاردێنن بۆ ئەنجامدانی هێرشەکانیان بەڵام دڵنیاتان دەکەینەوە کە بەهاوکاریی هاوڵاتیان هەموو تواناکانمان دەخەینەگەڕ بۆ قەلاچۆکردنی هەڕەشەکانی سەر ئاسایشی هەرێم لەهەرشوێنەکەوەبێت.

لەکۆتاییدا داوا لەهاولاتیانمان دەکەینەوە کە پابەندبن بەرێنماییەکانی ئاسایشەوە و هاوکارمان بن چونکە هاوکاریتان گەورەترین فاکتەری یارمەتیدەری پاراستن و بەردەوامیی سەرمایەی بەنرخی ئاسایشی وڵاتمانە.

دەزگای ئاسایشی هەرێمی کوردستان 29-09-2013

1/ عوسمان جەعفەر، پۆلیسی هاتووچۆ 2/ ملازم شادمان 3/ موقەدەم محسین پیرە 4/ محەمەد جەوهەر 5/ ئەکرەم عەلی 6/ عوسمان عومەر، ئاسایش 7/ گۆران حەسەن 8/ موقەدەم سیروان 9/ سەبور محەمەد 10/ سافی عەزیز، شوفێری ئەمبوڵانس 11/ کامل حەمید ئەحمەد 12/ عوسمان قادر 13/ محەمەد جاسم 14/سەیفەدین مەولود 15/ ئیسماعیل ساڵح 16/ ڕائید خەلیل 17/ عەبدوڵڵا مستەفا 18/ سەنگەر مەغدید 19/ هێمن عەبدولخالیق 20/ نزار عەبدولستار 21/ بایز نوری ئەحمەد