ئەندامی پەرلەمانی کوردستان و سەرۆکی فراکسیۆنی چاکسازی و پێشکەوتنی تورکمان.

#مونا قەهوەچی#، سکرتێری پەڕڵەمانی کوردستان لە لاپەڕەی خۆی نووسیویەتی:
ئەمڕۆ دووشەممە ڕێکەوتی #26-06-2023#، وەک سکرتێری پەڕڵەمان و سەرجەم ئەندامانی فراکسیۆنە جیاوازەکانی پێکهاتەی تورکمان کۆتاییمان بە ئەرکی پەڕڵەمانی هێنا و بەنووسراوی فەرمی ئاڕاستەی دیوانی پەڕڵەمانی کوردستانمان کرد بە مەبەستی ئەنجامدانی ڕێکاری یاسایی بە گوێرەی یاسای ژمارە 2ی ساڵی 2020، یاسای چاکسازی لە مووچە و دەرماڵە و بەخشین و ئیمتیازاتەکان و خانەنشینی لە هەرێمی کوردستان - ئێراق. [1]

#مونا قەهوەچی#، سکرتێری خولی پێنجەمی پەڕڵەمانی کوردستان ڕای گەیاند کە هاووڵاتییان بە بەرچاویان ڕوونە و دەزانن کێ دەتوانێت حکومڕانی #هەرێمی کوردستان# بکات و خزمەتی هاووڵاتییانی خۆی بکات.
مونا قاوەچی، سکرتێری خولی پێنجەمی پەڕڵەمانی کوردستان ڕایگەیاند: لە 32 ساڵی ڕابردووی حکومرانی هەرێمی کوردستاندا، زۆر قۆناغی گرنگی حکومرانی و دەسەڵاتداریمان بڕیوە، خاوەنی پەڕڵەمان و حکوومەتی خۆمانین، سەڕەرای هەموو لەمپەڕ و هەوڵ و ڕێگرییەک لەلایەن ناحەزان و دوژمنانی گەلەکەمان بۆ شکست و هەڵوەشاندنەوەی کۆی پڕۆسەی سیاسی و حکومرانی هەرێمی کوردستان، بەڵام بەڕێبەرایەتیی جەنابی #مەسعود بارزانی# و حزبە دەسەڵاتدارە پێکهێنەرانی حکوومەت هەموو ئەو هەوڵانە شکستیان پێهێندراوە و تواندراوە قەوارەی دەستووری و سیاسیی هەرێمی کوردستان بپارێزرێت.

وتیشی: وەک پێکهاتەی تورکمان هەموو کات بەشدارییەکی کارا و چالاکمان لە کۆی پڕۆسەی حکومرانیدا هەبووە، بە هاوپەیمان لەگەڵ حزبەکانی تر توانیومانە ئەرکی سەرشانی خۆمان بەرانبەر بە خەڵکی خۆشەویستی هەرێمی کوردستان و پێکهاتەی تورکمان جێبەجێ کردووە.
ئەوەشی خستە ڕوو: چوار ساڵی داهاتوو و هەڵبژاردنی خولی شەشەمی پەڕڵەمانی کوردستان چارەنووسسازە و گرنگە خەڵکی هەرێمی کوردستان بە تێروانینێکی زۆر و هەستیارەوە لەم هەڵبژاردنە بڕوانن، نەکەونە ژێر کاریگەریی هەندێ لێدوان و قسەی بریقەدار و بەڵێنی پوچەوە، پێویستە پاراستنی هەرێمی کوردستان لە ترۆپکی بەرنامە و ئەولەیەتی حزبەکاندا بێت و هاووڵاتییانیش بەرچاویان ڕوونە و دەزانن کێ دەتوانێت حکومڕانی هەرێمی کوردستان بکات و خزمەتی هاووڵاتییانی خۆی بکات. [1]