$باکووری کوردستان$
- لە 81هەمین ساڵیادی لەسێدارەدانی ڕێبەری ڕاپەڕینی دێرسم #سەید ڕەزا# و هاوڕێکانی کە لە 15ی تشرینی دووەمی 1937 لە لایەن دەوڵەتی تورک لەسێدارەدران، لە مەیدانی سەید ڕەزا مەڕاسیمێکی یادکردنەوە بەڕێوەچوو. مەڕاسیمەکە لە لایەن هێزە دیموکراتییەکانی دێرسم ڕێکخرا. هاوسەرۆکی گشتیی #هەدەپە# سەزای تەمەللی، پەرلەمانتارانی هەدەپە عەلیجان ئۆنلو، دڵشاد جانباز، عەلی کەنانئۆغلوو، کەمال بولبول، سەرۆکی گشتیی PSAKD غانی کاپڵان، هاوسەرۆکانی گشتیی کۆمەڵەی عەلەوییە دیموکراتییەکان (DAD) سەلدا گونەش و مووسا کوولوو و زۆر هاوڵاتی بەشدار بوون.[6]=KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2018/156684/0010.JPG=KTML_ImageCaption_Title=لە دێرسم یادی سەید ڕەزا و هاوڕێکانی کرایەوە=KTML_ImageCaption_CaptionStyle=000000=KTML_ImageCaption_Caption=لە دێرسم یادی سەید ڕەزا و هاوڕێکانی کرایەوە=KTML_ImageCaption_End=
- بەهۆی ئەو شەپۆلی بەفربارینەی لە سنووری پارێزگاکانی ئەرزینگان، قەرس، مووش، ئەردەخان و #ئاگری# باریوە، ڕێگای هاتووچۆی نێوان 270 گوند لەگەڵ ناوەندی شار و شارۆچکەکان داخراون.[4]
$رۆژهەڵاتی کوردستان$
- هێزەکانی سپای پاسداران جێگر لە گوندی نێی #مەریوان#، چەند هاووڵاتییەکی دانیشتووی ئەو گوندی بە ناوەکانی ڕەحمەت ئەفرا، عەبوڵلا ئەفرا، سەلاح ئەفرا، ئەحمەد ئەفرا و سەردار ئەفرا بانگهێشت کرد. یەکێک لە دانیشتووانی گوندی نێ لەم بارەیەوە بە ئاژانسی کوردپا ڕایگەیاند: باغی هاووڵاتییانی بانگهێشت کراو لە نزیک پایگای سپای پاسداران هەڵکەوتووە و هێزەکانی سپای پاسداران هەڕەشەیان لەو هاووڵاتییانە کردووە کە بیئیزنی سپا مافی هاتن بۆ ناو باغەکانی خۆیان نییە.[5]
- هاووڵاتییەکی کورد خەڵکی گوندی نێی شاری مەریوان بە ناوی بێهزاد بامداد لە لایەن هێزە ئیتلاعاتییەکانەوە دەسبەسەر کرا.[5]
- لە دێهیاری #سەوڵاوا#ی شاری #سنە#، خولێکی زمانی کوردی و فێرکردنی دەف و سێ تار، بۆ فێرخوازانی زمان و هونەری کوردی بە ڕێوە چوو. لەو ڕێوڕەسمەدا، کە ژمارەیەکی بەرچاو لە چالاکانی فەرهەنگیی شاری سنە و هاووڵاتییانی خەڵکی شاری سەوڵاوا، بەشداربوون و لەوحی کۆتایی خولی زمانی کوردی و دەف و سێ تار بەخشرایە فێرخوازان.[5]
- دوو لاوی کورد بە ناوەکانی شیروان ڕۆستەمی کوڕی بارام و حەمدی ڕەزایی کوڕی مەحموود، خەڵکی گوندی دزڵی شاری مەریوان لە لایەن هێزە ئیتلاعاتییەکانەوە دەسبەسەر کران.[5]
$باشووری کوردستان$
- شەوی ڕابردوو، بەهۆی بۆردوومانی فڕۆکە جەنگییەکانی تورکیا، سێ هاووڵاتیی کۆمەڵگەی قەدشی سەر بە شارۆچکەی #ئامێدی# گیانیان لەدەستدا.قوربانییەکان ناویان (#ڕەمەزان محەمەد#، #ئیسماعیل حەسەن# و #دلۆڤان ساڵح#)ە. پاش نیوەڕۆی ئەمڕۆ تەرمی هەر سێکیان لە گۆڕستانی کۆمەڵگای قەدش خاک سپێردران.[1]=KTML_ImageCaption_Begin==KTML_StyleDiv=width:30%;height:20%;float:left;=KTML_ImageCaption_Target_Link=https://www.kurdipedia.org/files/relatedfiles/2018/156684/0018.JPG=KTML_ImageCaption_Title=دەوڵەتی تورک لە ئامێدی کۆمەڵکوژیی پێکهێنا=KTML_ImageCaption_CaptionStyle=000000=KTML_ImageCaption_Caption=دەوڵەتی تورک لە ئامێدی کۆمەڵکوژیی پێکهێنا=KTML_ImageCaption_End=
- توبا سەید قادر کە خەڵکی عەبابەیلێ بوو، یەکێک بوو لە بەرکەوتووانی کیمیابارانی #هەڵەبجە# لە ساڵی 1988. پاش چەندین ساڵ گیرۆدەبوونی بە کاریگەرییەکانی چەکەکە، ئەمڕۆ کۆچی دواییکرد.[4]
- شەوی ڕابردوو، لە شارۆچکەی #خورماتوو#ی سەر بە پارێزگای سەلاحەدین، سێ تەقینەوە ڕوویانداوە. تەقینەوەی یەکەم لە گەڕەکی عەسکەری شارۆچکەکە بووە. هەروەها تەقینەوەی دووەم، لە نزیک مەزارگەی فاتما ئەلزەهرا لەهەمان گەڕەک، ماڵێکی چۆڵ تەقێندراوەتەوە. هاوکات کۆگایەکی مادە کهولییەکان، تەقێندراوەتەوە.[2]
- سەرۆکی لیژنە هاوبەشەکانی قایمقامیەت ڕەتیدەکاتەوە لە شاری #سلێمانی# گۆشتی #گوێدرێژ# فرۆشرابێت و دەڵێت: داوای یاسایی لەسەر ئه و کەناڵە تۆماردەکەین کە ئەو لێدوانێکی ئێمەی شێواندووە.[3]
- پێشنیوەڕۆی ئەمڕۆ، کۆنفرانسێک لەلایەن زانکۆی لوبنانی فەرەنسی، کۆنفرانسێکی تایبەت بە کاریگەری دراما بیانییەکان لەسەر کۆمەڵگای کوردی، لە زانکۆی لوبنانی فەرەنسی لەشاری #هەولێر# بەڕێوەچوو. لە کۆنفرانسەکەدا، چەندین پسبۆڕی بواری کۆمەڵایەتی و ئابوری ئامادەبوون و چەندین بابەت لەبارەی کاریگەری دراما بیانییە دۆبلاژکراوەکان لەسەر کۆمەڵگای کوردی پێشکەشکرا و باس لە ڕێگاچارەی کەمکردنەوەی کاریگەری خراپی ئەو دراما بیانییانە کرا لەسەر کۆمەڵگا.[2]
- ئێوارەی ئەمڕۆ ڕووداوێکی هاتوچۆ لە نزیک گوندی ئەڤریکێ کە دەکەوێتە ڕۆژهەڵاتی پارێزگای #دهۆک# لەنێوان دوو ئۆتۆمبێلدا لە جۆرەکانی کۆستەر و شۆفرلێت ڕوویداوە، لە ئەنجامدا ژنێک و دوو پیاو گیانیان لەدەستداوە و 18ی تریش برینداربوون.[3]=KTML_ImageCaption_Begin==KTML_StyleDiv=width:30%;height:20%;float:left;=KTML_ImageCaption_Target_Link=https://www.kurdipedia.org/files/relatedfiles/2018/156684/0012.JPG=KTML_ImageCaption_Title=هێرۆ ئیبراهیم ئەحمەد کەنیسەی ماریوسف و مەرقەدی کاک ئەحمەدی شێخ بەسەردەکاتەوە=KTML_ImageCaption_CaptionStyle=000000=KTML_ImageCaption_Caption=هێرۆ ئیبراهیم ئەحمەد کەنیسەی ماریوسف و مەرقەدی کاک ئەحمەدی شێخ بەسەردەکاتەوە=KTML_ImageCaption_End=
- #هێرۆ ئیبراهیم ئەحمەد# کڵێسەی ماریوسف و مەرقەدی #کاک ئەحمەدی شێخ# لە سلێمانی بەسەردەکاتەوە.[7]
- بەڕێوەبەری بەشی پاراستنی کۆمەڵایەتی تەندروستی شارۆچکەی #شەقڵاوە# ڕایدەگەیەنێت: لە خوێندنگایەکی قەزاکە 32 خوێندکار بەهۆی بەرکەوتیان بە جۆرە کرمێکەوە تووشی حاڵەتێکی مەترسیدار بوون.[3]
- شارەوانیی سلێمانی، هەڵمەتی ساڵانەی پاککردنەوەی شەقام و باخچە و شوێنە گشتییەکانی ئەنجامدا، ژمارەیەک خۆبەخش و ژینگەپارێز و کۆمپانیاکانی تایبەت بە پاککردنەوە بەشداربوون.[2]
- خالید کوڕی عەبدولکەریم خزر مەفرەجی سەرۆکی دادگای #کەرکووک# لەلایەن هێزە ئەمنییەکانەوە لەبەغدا دەستگیرکرا. ناوبراو بەتۆمەتی مامەڵەکردن بەمادەی هۆشبەرەوە دەستگیرکراوە و بۆ دادگاییکردنیشی ڕەوانەی دادگای کەرکووک کرایەوە.[3]
$دەرەوەی کوردستان$
- دادگای دادی ئەوروپی ئەمڕۆ لە بڕیارێکی نوێدا ڕایگەیاند لەنێوان 2014 بۆ 2017 هێشتنەوەی پارتی کرێکارانی کوردستان لە لیستی تیرۆر ناحەقی بووە. بەپێی حوکمەکەی دادگای یەکێتیی ئەوروپا، ئەنجوومەنی وڵاتانی ئەندام بۆ بڕیار و ڕێکاری دەرکراو، هۆکاری پێویستیان نەخستووەتەڕوو، کە #پەکەکە#یان لەو ساڵانەدا لە لیستی تیرۆردا هێشتووەتەوە.[4]
- لە شاری بەرلینی پایتەختی ئەڵمانیا یادی 81هەمین ساڵیادی لەسێدارەدانی سەید ڕەزا و هەڤاڵەکانی کرایەوە و یادیان بەرز ڕاگیرا.[7]