- هێزەکانی پێشمەرگە لە میحوەری داقوق هێرشێکی فراوانیان بۆ کۆنترۆڵکردنەوەی ناوچەکانی ژێر دەسەڵاتی چەکدارەکانی ڕێکخراوی تیرۆریستی داعش دەستپێکردووە و سەرچاوەیەکیش لە هێزەکانی پێشمەرگە ڕایدەگەیەنێت تائێستا گوندێکیان کۆنتڕۆڵ کردووەتەوە و زیانێکی زۆریان بە چەکدارەکانی ڕێکخراوی تیرۆریستی داعش گەیاندووە.
- گیراوی سیاسی کورد (بەهرۆز ئیلخانی) دوێنی سێ شەممە گواستبویانەوە ژوری تاکەکەسی زیندانی ورمێ، سەرلەبەیانی ئەمڕۆ لەگەڵ پێنج کەسی دیکەدا بەبەهانی بازرگانی کردن بە ماددەی هۆشبەر لە سێدارە دران.
- لەسەر ڕێگەی کەرکووک _ سلێمانی، لە نزیک بازگەی سلێمانی، ماتۆڕسکیلێک تەقییەوە، بەڕێوەبەری پۆلیسی قەزا و ناحییەکانیش ڕایدەگەیەنێت، مەبەست لەو کردەوە تیرۆریستییە، بەئامانجگرتنی کاروانی حاجیان بووە.
- لە ناوچەیەکی سەر بە قەزای داقوق، 60 خێزانی عەرەبی ژێر دەسەڵاتی ڕێکخراوی تیرۆریستی داعش، خۆیان ڕادەستی هێزەکانی پێشمەرگە کرد لە سنوری شارۆچکەی داقوق.
- پۆلیس و سەربازانی توک بە دەیان تانک و زرێپۆش کەوتنە گەڕەکەکانی ئۆرمان، کشلا و مەزەرلیک-ی سەربە پارێزگای جۆڵەمێرگی باکوری کوردستان و تۆپبارانیان کرد، بەگوێرەی زانیارییە سەرەتاییەکانیش لایەنی کەم سێ کەس کوژراون و بە دەیان کەسیش برینداربوون.