$رۆژهەڵاتی کوردستان$=KTML_Embed_Begin=width:30%;height:20%;float:right;=KTML_Embed_Alt=بارەگاکانی حیزبی دێموکرات لە کۆیە بۆردوومانکران=KTML_Embed_Source=https://www.kurdipedia.org/files/relatedfiles/2018/153213/0001.MP4?ver=131808710908279302=KTML_Embed_End=
- کاتژمێر 4ی ئەم بایەنییە، #ڕامین حسێن پەناهی# لەسێدارەدرا.[2]
- بنەماڵەی زانیار مورادی لەسەر دواین دۆخی زانیار و لوقمان باس لەوە دەکەن، کە لە کاتژمێر 03:00ی بەرەبەیانی ئەمڕۆوە لە بەردەم زیندانی ڕەجائی شەهری کەرەج وەستاون، بەرپرسانی زیندانەکە زانیاری ڕوونیان پینەداون کە سزاکەی جێبەجێکراوە یاخود نا. ئاماژەیان بەوەشکردووە، کە بەرپرسانی زیندان یاری بە هەستیان دەکەن و جارێک دەڵێن لەسێدارە دراون و جارێکیش دەڵێن سزاکە جێبەجێنەکراوە، بەوەش لە گومان و دلەراوکێدا هێشتویاننەتەوە.[3]
- #زانیار موڕادی# و #لوقمان موڕادی# لەسێدارەدران.[2]
- بەهۆی لەسێدارەدانی هەر سێ لاوە کوردەکەی ڕۆژهەڵات و هێرشی داگیرکەری ئێران بۆسەر کۆیە، چالاکوانانی ڕۆژهەڵات کەمپینی من لە ماڵ نایەمەدەر و مانگرتنی سەرتاسەرییان بۆ ڕۆژی دووشەممەی داهاتوو لە هەموو شار و شارۆچکەکانی ڕۆژهەڵات ڕاگەیاند.[2]
$باشووری کوردستان$=KTML_Photo_Begin=https://www.kurdipedia.org/files/relatedfiles/2018/153213/0008.JPG=KTML_Photo_Alt=بریندارانی حیزبی دێموکرات لە بۆردوومانەکەی ئەمڕۆی کۆیە=KTML_Style=width:25%;height:20%;float:right;=KTML_Photo_Target_Link=https://www.kurdipedia.org/files/relatedfiles/2018/153213/0008.JPG=KTML_Photo_End=
- چەند بارەگایەکی #حیزبی دیموکراتی کوردستان#ی ئێران لە شارۆچکەی #کۆیە# لەلایەن داگیرکەری ئێرانەوە موشەک باران کرا و قوربانی لێکەوتەوە. =KTML_Red=سەرچاوەکان باس لە شەهیدبونی 14 کەس کە 6یان ئەندامی کۆمیتەی ناوەندین و برینداربوونی دەیان کەس دەکەن. هەریەک لە #مستەفا مەولودی# سکرتێری گشتی حزبی دیوکراتی کوردستان و #خالید عەزیزی# سکرتێری پێشوی ئه و حزبە بریندارن، موشەکبارانەکە لە کاتێکدا بووە کە حیزبی دیموکرات پلینیۆمی بەستووە و کۆبوونەوەیەکی جەماوەریی لایەنگرانی حزب لە ئارادابووە=KTML_End=.[2]
- داگیرکەری ئێران دیسان تۆپبارانی ناوچەکانی #سیدەکان# و #حاجی ئۆمەران#ی دەستپێکردەوە.[2]
- سەرۆکی فراکسیۆنی #بزووتنەوەی ئیسلامی# لە پەرلەمانی کوردستان، ڕایگەیاند لەسەر بۆردوومانەکەی کۆیە، پێویستە پەرلەمانی کوردستان کۆبوونەوەیەکی نائاسایی بکات.[5]
- هێزەکانی هاوپەیمانان بە پشتیوانی هێزەکانی کۆماندۆی سەر بە #پێشمەرگە# ناوچەی شۆراو لە نێوان #خورماتوو# - #کفری# بۆردومان دەکەن و ئۆپەراسیۆنێکی تایبەتیان بۆ لەناوبردنی #داعش# له و سنوورە دەستپێکردووە.[1]
- پاش هێرشەکەی ئێران بۆ سەر بارەگای هەردوو دیموکرات لە شاری کۆیە، تیمێکی تایبەتی شارەزایانی ئەمنیی ویلایەتە یەکگرتووەکانی ئەمریکا، بە مەبەستی لێکۆڵینەوە لەو هێرشە، چوونەتە کۆیە و شوێنی هێرشەکەیان لە نزیکەوە بینیوە.[7]
- لەسنوری #خانەقین# لە پەلامارێکی چەکدارانی داعش بۆ سەر بازگەیەکی چەکدارانی #حەشدی شەعبی#، چەکدارێکی بازگەکە کوژرا کە کوردە.[1]=KTML_Photo_Begin=https://www.kurdipedia.org/files/relatedfiles/2018/153213/0031.JPG=KTML_Photo_Alt=بریندارانی حیزبی دێموکرات لە بۆردوومانەکەی ئەمڕۆی کۆیە=KTML_Style=width:25%;height:20%;float:left;=KTML_Photo_Target_Link=https://www.kurdipedia.org/files/relatedfiles/2018/153213/0031.JPG=KTML_Photo_End=
- فراکسیۆنی گۆڕان لە پەرلەمانی کوردستان ڕاگەیەنراوێکی بڵاوکردەوە، لەسەر بۆردومانکردنی بارەگای حزبی دیموکراتی کوردستانی ئێران داوای کۆبوونەوەی پەرلەمان دەکات.[1]
- بێگەرد تاڵەبانی جێگری دووەمی سەرۆکی پەرلەمانی کوردستان دەڵێت: تاوەکو ئێستا هیچ داوایەک ئاراستەی سەرۆکایەتی پەرلەمان نەکراوە بۆ کۆبوونەوە لەسەر بۆردومانکردنی بارەگاکانی حزبی دیموکراتی ئێران و دەشڵێت، بەڵام پەرلەمان بێ دەنگ نابێت.[1]
- هەردوو فراکسیۆنی #یەکێتیی نیشتمانیی کوردستان# و #پارتی دیموکراتی کوردستان# لە ئەنجومەنی نوێنەرانی عیراق، دوو بەیاننامەی هاوبەشیان بڵاوکردەوه و تێیدا پشتگیری خۆپیشاندەرانی شاری بەسڕەیان کردو ئیدانەی هێرشەکەی سەر کوردانی ڕۆژهەڵاتی کوردستانیان کرد لە شاری کۆیە کە چەندین کەس تێیدا شەهیدو برینداربوون.[6]
- دوانیوەڕۆی ئەمڕۆ لە بەردەم موزەخانەی ئەمنە سوورەکە لە شاری #سلێمانی# کۆمەڵێک لە ڕۆژنامەنووسان، چالاکوانان و چین و توێژەکانی گردبوونەوەکیان بۆ ئیدانەکردنی لەسێدارەدانی ڕامین حسێن پەناهی، زانیار و لوقمان مورادی لەشاری سلێمانی ئەنجامدا.[4]
- چالاکوانان و ڕۆژنامەنووسانی شاری #هەولێر#، دژی هێرشە موشەکییەکەی ئێران بۆ سەر بارەگاکانی حزبی دیموکراتی کوردستانی ئێران (حدکا) و حزبی دیموکراتی کوردستان (حدک) لە شاری کۆیە و لەسێدارەدانی هەریەکە لە ڕامین حسێن پەناهی و زانیار و لوقمان مورادی، زیندانیانی سیاسیی کورد، گردبوونەوەیەکیان ئەنجامدا و داوای داخستنی کۆنسوڵخانەی ئێران-یان کرد.[3]
- بۆ ماوەی 10 ڕۆژ بە بەردەوامیی هێزە ئاسمانییەکانی تورکیا بە بیانووی هەبوونی بارەگاکانی #پەکەکە#، چەند ناوچەیەک لە سنوری شارۆچکەی #ئامێدی# بۆردومان دەکەن، سەرچاوەیەکیش لە شارەدێی شێلادزێ ڕایدەگەیەنێت: دوێنێ و ئەمرۆ هەشت گوند لە دەڤەری ڕێکان و دوسکی ژۆری بۆردومان کراون و دارستانی ئەو ناوچانە ئاگری گرتووە.[1]
- هێزەکانی پۆلیسی ئیتیحادی لەمیانی هەڵمەتەکانی گەڕان و پشکنیندا بۆ ژمارەیەک لەگوندەکانی دەوروبەری پارێزگای #کەرکووک#، دەستگیرکردنی 27 کەسیان ڕاگەیاند، هاوکات 54 بۆمبی چێندراویش پوچەڵکراوەتەوە.[1]
- #هێرۆ ئیبراهیم ئەحمەد# و #شاناز ئیبراهیم ئەحمەد# بریندارەکانی حزبی دیموکراتیان لە نەخۆشخانەی شار لە سلێمانی بەسەرکردەوە.[6]
$رۆژئاوای کوردستان$
- کاتژمێر 09:00 بەیانیی ئەمڕۆ هێزەکانی ڕژێمی سوریا لە نزیک فڕۆکەخانەی #قامیشلۆ# بە زۆر گەنجێکیان دەستگیرکردبوو و خواستبویان بیبەن بۆ سەربازیی زۆرەملێ. هێزەکانی ئاسایشی ناوخۆی خۆبەڕێوبەریی قامیشلۆ دەستیان لەو دۆخەکە وەرداوە و چوونە شوێنی ڕووداوەکە و لە ئەنجامدا بەهۆی ڕوودانی شەڕەوە بەلانیکەمەوە 13 سەربازی ڕژێم کوژران و ئەندامێکی هێزەکانی ئاسایشی ناوخۆی قامیشلۆ شەهید بوو و 2 ئەندامی تری ئاسایشی ناوخۆی قامیشلۆ بریندار بوون.[4]
- پارتی مارکسیست لنینیست، کۆمۆنیست (MLKP) لە ڕۆژئاوا بە مەراسیمێکی بەشکۆ 25هەمین ساڵی دامەزراندنی خۆی پیرۆزکرد.[4]
$دەرەوەی کوردستان$
- دوای ئەوەی 26-ەمین فێستیڤاڵی نێودەوڵەتیی کورد لە شاری دینسلانکەنای ئەڵمانیا قەدەغەکرا، ئەمرۆ بە بەشداربوونی دەیان هەزارهاووڵاتی گردبوونەوەی دۆسڵدۆرف دەستیپێکرد. دەیان هەزار هاووڵاتیی کورد لە شارە جیاوازەکانی ئەورو#پاوە# ئەمڕۆ خۆیان گەیاندە دۆسڵدۆرف و بەشداری گردبوونەوە بۆ ئازادیی ڕێبەر #عەبدوڵڵا ئۆجەلان# لە شاری دۆسڵدۆرفی ئەڵمانیا بوون.[4]=KTML_Photo_Begin=https://www.kurdipedia.org/files/relatedfiles/2018/153213/0032.JPG=KTML_Photo_Alt=گردبوونەوەی دۆسڵدۆرف بە بەشداربوونی هەزار هاووڵاتی بەڕێوە دەچێت=KTML_Style=width:30%;height:20%;float:left;=KTML_Photo_Target_Link=https://www.kurdipedia.org/files/relatedfiles/2018/153213/0032.JPG=KTML_Photo_End=
- وەزارەتی دەرەوەی ئێران باڵیۆزی عێراقی لە وڵاتەکەی بانگهێشت کردووه و پەیامێکی ناڕەزایی توندی پێداوە لەسەر ئه و ڕوداوانەی کە لەشاری بەسڕە ڕویداو بەهۆیەوە هێرشکرایە سەر کونسڵخانەی تاران لەوشارە، ئەوەش بەپێی هەواڵێک کە ئاژانسی ئاڕتی ڕوسی بڵاویکردووەتەوە.[1]
- ئاژانسی هەواڵی فارس نیوز ئەمڕۆ بڵاویکردەوە: بەتۆمەتی پەیوەندییان بە گروپە چەکدارییەکان و ئەنجامدانی کردەوەی تێکدەرانە لە ڕۆژئاوای ئێران زانیار و لوقمان مورادی و ڕامین حسێن پەناهی لەسێدارەدراون.[1]
- ڕێکخراوی ئەمنستی ئینتەرناشناڵ ڕایگەیاند حەپەساوین بە لەسێدارەدانی هەریەک لە زانیار و لوقمان مورادی و ڕامین حوسێن پەناهی لەلایەن دەسەڵاتی ئێرانەوە.[5]

$باکووری کوردستان$
- مەجلیسی ژنانی #هەدەپە# دەربارەی لەسێدارەدانی چالاکانی سیاسی کورد #ڕامین حسێن پەناهی#، #لوقمان مورادی# و #زانیار مورادی# کە لە لایەن ڕژیمی ئێرانەوە لە سێدارە دران بەیاننامەیەکی بڵاوکردەوە و لەسێدارەدانی ئەو 3 چالاکە کوردەی شەرمەزارکرد.[5]
- هاوسەرۆکایەتیی کۆنسەی بەڕێوبەری کۆما جڤاکێن کوردستان- #کەجەکە#، لەسێدارەدانی سێ چالاکوانی سیاسیی کورد و هێرش بۆ سەر کۆیەی شەرمەزارکرد و ڕایگەیاند، کە ئێران بەو کردەوانە کێشەکان قووڵتر دەکات.[3]
$رۆژهەڵاتی کوردستان$
- ئێران تەرمی شەهیدان لوقمان مورادی و زانیار مورادی ناداتەوە و لە تاران بەخاکیان دەسپێرێت.[4]=KTML_Photo_Begin=https://www.kurdipedia.org/files/relatedfiles/2018/153214/0007.JPG=KTML_Photo_Alt=پرسەی زانیار مورادی لە پێنجوێن بەڕێوەدەچێت=KTML_Style=width:30%;height:20%;float:right;=KTML_Photo_Target_Link=https://www.kurdipedia.org/files/relatedfiles/2018/153214/0007.JPG=KTML_Photo_End=
- سەرۆکی فیدراسیۆنی زیندانیانی سیاسی ڕۆژهەڵاتی کوردستان ڕایدەگەیەنێت: زیاتر لە 10 هەزار کەس لە کوردانی ڕۆژهەڵاتی کوردستان لە زینداندان و 15 زیندانی دیکەش سزای لەسێدارەدانیان بۆ دەرچووە.[1]
$باشووری کوردستان$
- تەرمی شەهیدانی کۆیە لە گۆڕستانی حیزبی دێموکرات لە کۆیە بەخاک دەسپێردرێن.[4]
- لە پێش نیوەڕۆی ئەمڕۆوە پرسەی شەهیدانی سێدارە زانیار مورادی لە ماڵی دایکی زانیار لە گەڕەکی قوڕە ڕەش لە شارۆچکەی #پێنجوێن#-ی سەر بە پارێزگای #سلێمانی# بەڕێوەچوو.[3]
- فڕۆکە جەنگییەکانی دەوڵەتی تورکیا چیاکانی دەرووبەری شارۆچکەی #ئامێدی# بۆردوومان دەکەن. لەم هەفتەیەدا سێیەم جارە تورکیا ناوچەکانی شارۆچکەی ئامێدی بۆردووماندەکات.[4]
- لە کاتژمێر 12:30 خولەکەوە تۆپخانەکانی ئێران ئەمڕۆبەچڕیی کوێستانی شیوەدز لە دەڤەری برادۆست-ی سەر بە پارێزگای #هەولێر# تۆپباران دەکات. بەهۆی تۆپبارانەکەوە چەندین دانیشتوانی ئەو ناوچەیە ماڵی خۆیان جێهێشتووە ئاوەرەی #سیدەکان# و گوندەکانی نزیک لە سیدەکان بوون.[5]
- فڕۆکەیەکی سیخوڕیی بە ئاسمانی شارۆچکەی کۆیەی سەر بە پارێزگای هەولێردا دەسوڕێتەوە، بەڵام دیار نییە، کە فڕۆکەی چ وڵاتێکە.[3]
- لە شاری سلێمانی بە گردبوونەوەیەکی جەماوەری ئیدانەی هێرشە موشەکییەکەی ئێران بۆ سەر بارەگاکانی حزبی دیموکراتی کوردستان (حدک) و حزبی دیموکراتی کوردستانی ئێران (حدکا) ل کۆیە و لەسێدارەدانی هەر سێ زیندانی سیاسی کورد ڕامین حسێن پەناهیی و زانیار و لوقمان مورادی کرا.[3]
- بۆرییەکی گواستنەوەی نەوت لەنێوان #کەرکووک# و شارۆچکەی دوبز (رۆژئاوای کەرکووک) تەقێندرایەوە، لەکاتی هەوڵدان بۆ کوژانەوەی ئاگرەکەیش بۆمبێکی دیکە بەکارمەندانی کۆمپانیای نەوتی باکور تەقیوەتەوە.[1]
- بەرپرسی مەڵبەندی 16ی حەمرینی یەکێتی لە #خورماتوو# ڕایگەیاند، هێزەکانی بەرپەرچدانەوەی خێرا خورماتوو جێدەهێڵن و لەجێگەی ئەوان لیوایەکی سوپای عێراقی جێگیردەبێت. گوتیشی: لەسەر ئەو باڵەخانەیەی هێزەکەی تێدا بووە، کێشە دەکەوێتە نێوان یەکێتی و لیوای 52ی عێراقی.[2]=KTML_Photo_Begin=https://www.kurdipedia.org/files/relatedfiles/2018/153214/0004.JPG=KTML_Photo_Alt=کەرکووک، بێبەشکردنی مامۆستایانی کورد لە زەوی نیگەرانیی لێدەکەوێتەوە=KTML_Style=width:30%;right:20%;float:left;=KTML_Photo_Target_Link=https://www.kurdipedia.org/files/relatedfiles/2018/153214/0004.JPG=KTML_Photo_End=
- بە نوسراوێکی هەڵواسراو لە ناو بەڕێوبەرایەتیی پەروەدەی کەرکووک، داوا لە مامۆستایان و فەرمانبەرانی حکومەتی عێراقی کراوە، کە مامەڵەی یاسایی بکەن بۆ وەرگرتنی زەوی، واتا زەوی تەنیا بەسەر ئەو مامۆستایانەدا دابەش دەکرێت، کە سەر بە #وەزارەتی پەروەردە#ی عێراق-ن و مامۆستایانی سەر بە وەزارەتی پەروەردەی حکومەتی هەریمی کوردستان لێی بێبەشن، ئەمەش نیگەرانیی مامۆستایانی خویندنی کوردیی لێکەوتووەتەوە.[3]
- دوای ئەوەی ئەمشەو ژمارەیەک دوکانی تەجاوز لە نزیک تێرمیناڵی #شارەزوور# لەلایەن شارەوانی سلێمانییەوە ڕوخێنران، دوکاندارەکان و کەسوکاریان خۆپیشاندانیان دەستپێکرد.[1]
- مینێک لە گوندی چالە دوانەی سەر بە شارەدێی قادر کەرەمی شارۆچکەی #چەمچەماڵ# تەقیوەتەوە و تێیدا گەنجێک بەناوی (ئ، ع، س) لەدایکبووی 1994 گیانی لەدەستداوە. بەپێی زانیارییەکانی پەیامنێرمان، گەنجەکە پیشەی شوان بووە و سەرقاڵی لەوەڕاندنی مەڕو ماڵاتەکەی بووە، کاتێک کە مینەکە پێیدا تەقیوەتەوە.[6]
- وتەبێژی کۆمسیۆنی باڵای سەر بەخۆی هەڵبژاردن و ڕاپرسی هەرێم ڕایگەیاند: کاتژمێر 12ی شەوی 11-09-2018، بانگەشەی هەڵبژاردن بۆ پەرلەمانی کوردستان دەستپێدەکات.[4]
- لقی سلێمانی سەندیکای ڕۆژنامەنووسانی کوردستان لەمەراسیمێکدا ڕێزی لە ڕۆژنامەنووس و نووسەر و ئەرشیڤیستی ناوداری کورد #جەمال خەزنەدار# گرت.[6]
$رۆژئاوای کوردستان$
- بە گوێرەی هەواڵی ئاژانسی ئانها، شەوی ڕابردوو چەتەکانی ئەحراری شام هەڵیانکوتاوەتە سەر گوندی کەفەر شلە-ی سەر بە ناوەندی شاری #عەفرین# و 10 هاوڵاتیی سیڤیلیان ڕفاندووە کە لەنێویاندا ژن و منداڵ هەیە. ناوی ئه و کەسانەی کە ڕفێنراون: حەسەن مانان مستەفا (45 ساڵان)، ئیسماعیک مەنان مستەفا (43 ساڵان)، سوبحی مەنان مستەفا (40 ساڵان)، مستەفا خەلیل عەبدولڕەحمان (25 ساڵان)، مەزڵووم ئەحمەد مستەفا (25 ساڵان)، عیسمەت ڕەشید مدەوەر (30 ساڵان)، فەرهاد مستەفا (17 ساڵان)، ئەحمەد حەسەن مستەفا (16 ساڵان)، مەنان ئیسماعیل (15 ساڵان) و عەبدۆ خەلیل عەبدولرەحمان (18 ساڵان).[5]
- بە گوێرەی هەواڵێکی ئاژانسی ئانها، ئەمڕۆ دانی نیوەڕۆ لە نزیک هۆڵی ژن لە شەقامی فل-ی ناوەندی شاری عەفرین تەقینەوەیەکی گەورە ڕوویداوە.[5]
$دەرەوەی کوردستان$
- ئەمڕۆ 34 ساڵ تێدەپەڕێت بەسەر کۆچی دوایی شۆڕشگێڕ و سینەماکاری ناوداری کورد یڵماز گونەی. به و بۆنەیەوە لەسەر گۆڕەکەی خۆی لە گۆڕستانی پێرلاشز لە پاریس مەڕاسیمێک بەڕێوەچوو.[5]=KTML_Photo_Begin=https://www.kurdipedia.org/files/relatedfiles/2018/153214/0010.JPG=KTML_Photo_Alt=لەسەر گۆڕەکەی خۆی یادی یڵماز گونەی کرایەوە=KTML_Style=width:30%;height:20%;float:left;=KTML_Photo_Target_Link=https://www.kurdipedia.org/files/relatedfiles/2018/153214/0010.JPG=KTML_Photo_End=
- بەگوێرەی میدیاکانی تورکیا، درەنگانی شەوی ڕابردوو کاروانێکی سەربازیی کە لە تانک، زریپۆش، چەکی قورس، ئۆتۆمبێل، ئامێر و کەرەستەی سەربازیی پێکهاتبوون، وەک هێزی پشتیوانی بۆ یەکەکانی سەر سنووری سووریا ڕەوانەکران و گەیشتنە پارێزگای کلیس. کاروانە سەربازییەکە لە شارە جیاوازەکانی تورکیاوە بەگرتنەبەری ڕێوشوێنی ئەمنی توند، گەیشتنە کلیس و ڕەوانەی دەروازەی سنووریی ئۆنجوپنار کران. پاشان پەڕینەوە ئەودیوی سنووری سووریا.[2]
- وەزارەتی دەرەوەی عێراق لەبارەی بۆردوومانەکانی دوێنی بارەگاکانی حیزبی دیموکراتی کوردستان (حدک) و حیزبی دیموکراتی کوردستانی ئێران (حدکا) لە #کۆیە#، بەیاننامەیەکی بڵاوکردەوە و ڕایگەیاند بەزاندنی سەروەریی عێراق ڕەتدەکەینەوە.[1][2]
- سوپای پاسداران وردەکاریی هێرشەکەی سەر بارەگای حدک و حدکا بڵاودەکاتەوە و ڕایدەگەیێنێت لە هێرشەکەدا 7 مووشەکی زەمین بە زەمینی مەودا کورت بەکار‌هێندراوە و ئۆپەراسیۆنەکە بە سەرکەوتوویی کۆتایی هاتووە. سوپای پاسداران هەروەها هۆشداریی دەداتە گرووپەچەکدارەکانی دژی ئێران، ئەگەر چالاکییەکانیان دووبارەبکەنەوە، وەڵامێکی سەختترمان بۆیان دەبێت.[2]
- ڕاوێژکاری ڕێبەری باڵای کۆماری ئیسلامی ئێران بۆ کاروباری سەربازی ڕایگەیاند، ئەگەر سووریا بۆ ڕووبەڕووبوونەوەی ئەمریکا لە ڕۆژهەڵاتی وڵاتەکەی پێویستی بە هاوکاری بێت، ئێران هاوکاری سەربازی دەکات.[2]

بارەگاکانی حزبی دێموکراتی کوردستانی ئێران لە کۆیە، ئەمڕۆ لە ڕۆژی چوارشەممە لە ڕێکەوتی #28-09-2022# لە کاتژمێر: 10: 30ی بەیانی، لەلایەن کۆماری ئیسلامی ئێرانەوە بۆردومان و موشەک باران کران، کە بەهۆیەوە نائارامی لێ کەوتەوە و بارودۆخی شاری کۆیە شلەژا و فەرمانگەکانی شاری کۆیە کەوتنە ئامادەباشی بەتایبەت بەرگری شارستانی و نەخۆشخانەی گشتی شەهید دکتۆر خالید و بەڕێوەبەرایەتی گشتی تەندرووستی کۆیە، لەلایەکی تریشەوە بەڕێوەبەرایەتی پەروەردەی کۆیە، دەوامی دوای نیوەڕۆی ڕاگرت و زانکۆی کۆیەش دەوامی خۆی ڕاگرت.[1]
تەندرووستی #کۆیە# ڕایگەیاند: ئاماری بۆردومانەکەی ئەمڕۆی (28-09-2022) ی #حزبی دێموکراتی کوردستانی ئێران# لە کۆیە لە کەمپەکانی ئازادی و زەوییە سپی و قەڵای #هەرمۆتە#، تا ئێستا کاتژمێر 12:00ی نیوەڕۆ (8) هەشت بریندار و (2) دوو کەس گیانیان لەدەستداوە، هەروەها قائیمقامی کۆیە ڕایگەیاند: 22 مووشەک ئاڕاستەی بارەگەکانی حزبی دێموکرات کراوە، بەهۆیەوە (2) کەس گیانیان لەدەستداوە و (12) کەسیش برینداربوون.[2]
پەڕەی بەڕێوەبەرایەتی گشتی تەندرووستی کۆیە لە دوای نیوەڕۆی 28-09-2022 بڵاویکردەوە ژمارەی شەهیدانی بۆردومانەکانی کۆماری ئیسلامی ئێران بۆ سەر بارەگاکانی حزبی دێموکراتی کوردستانی ئێران بۆ (4) شەهید و بریندارەکانیش بۆ (18) بریندار بەرز بووەوە.[3]

دوڕۆژ، کۆچەر عەلی
بەڕێوەبەری گشتی ڕێگاوبانی هەرێم ئاشکرایدەکات، کۆمپانیایەکی ئەهلی داوایکردووە پڕۆژەی جوودسایدی #هەولێر# - #کۆیە# لەسەر ئەرکی خۆی بە قەرز قیرتاو بکات، دەشڵێت بۆ فراوانکردنی ڕێگای کۆنی کۆیە داوای چوار ملیار دیناریان لە ئەنجومەنی وەزیران کردووە و بەمزووانە پارەکە دابیندەکرێت.
هونەر نوری، بەڕێوەبەری گشتی ڕێگاوبانی هەرێم بە دواڕۆژی ڕاگەیاند، بەهۆی قەیرانی دارایی لەئێستادا حکومەت بڕی بودجەی پێویستی لەبەردەستدا نییە پڕۆژەی دروستکردنی جوودسایدی هەولێر- کۆیە تەواوبکات.
وتیشی، کۆمپانیایەکی ئەهلی خۆماڵی داوایەکی ئاڕاستە کردووین، کە لە سەر ئەرکی خۆی بەقەرز پڕۆژەی جوودسایدەکە تەواو دەکات، پێدەچێت لە ماوەیەکی نزیکدا دەست بە کارەکانی بکات.
هونەر نوری، ئاماژەی بەوەشکرد، بۆ کەمکردنەوەی ڕووداوەکانی هاتووچۆ لە ڕێگای کۆنی هەولێر – کۆیە بڕیاردراوە دوو مەتر لە هەردوو لای شەقامەکە فراوان بکرێت بۆ ئەمەش داوایەکیان ئاڕاستەی ئەنجومەنی وەزیران کردووە بۆ دابینکردنی بڕی چوار ملیار دینار کە بەمزووانە پارەکە دابیندەکرێت و دەستدەکرێت بە فراوانکردنی شەقامەکە.
بەهۆی یەک سایدی شەقامی هەولێر- کۆیە بەنزيکەيی ڕۆژانە ڕووداوی هاتووچۆ ڕوودەدات و بەوهۆیەوە چەندین هاوڵاتی گیانیان لەدەستداوە.[1]
#11-07-2018#

چوارەم یەکەی کارگێڕییە (شارەدێ) ‌ لە شارۆچکەی #کۆیە#، دوای (شارەدێی سەنتەری کۆیە و #تەقتەق# و #شۆڕش-#دێگەڵە) دێت، چەقی گوندی (خرابە) لە4-2-1999 لەگەڵ کۆمەڵێک لە گوندەکانی ڕۆژهەڵاتی شارەدێی تەقتەق کراوە بە مەڵبەندی شارەدێکە، ڕووبەرەکەی (194) کیلۆمەتر چوارگۆشەیە و 23گوند و کەرتی کشتوکاڵی هەیە، لەوپەڕی ڕۆژهەڵاتی شارۆچکەی کۆیەی پارێزگای #هەولێر# هەڵکەوتووە، لە باکوورەوە زنجیرە چیای (#هەیبەسوڵتان#-#کەڵکەسماق#) دەوریداوە و لهرۆژهەڵات و ‌باشووریشەوە (#زێی بچوک) # و لەرۆژئاواشەوە (#دەشتی کۆیە#) شارەدێی سەنتەر و شارەدێی تەقتەق سنووریەتی.
ناو لێنانەکەی پەیوەندی بەرێکەوتنامەی نێوان #یەکێتیی نیشتمانیی کوردستان# و #پارتی دیموکراتی کوردستان#ەوە هەیە کە لە ساڵی 1998لە واشنتۆنی وڵاتە یەکگرتووەکانی ئەمریکا کۆتاییان بەشەڕێکی خوێناوی براکوژی نێوانیان هێنا و حکومەتی هەرێمیش وەک برە و دان بەو ئاشتی و تەباییە ناوی لەو شارەدێ تازەیە نا (ئاشتی) .[1]

ئاشی مام خدر بە یەکێک لە شوێنەوارە هەرە گرینگ و کۆن و جوانەکانی شاری #کۆیە# هەژمار دەکرێت، ئەم ئاشە نزیکەی سەدەیەکە لە کارکردن بەردەوامە.
ئاشی مام خدر لە #13-02- 1928# لە شاری کۆیە دامەزراوه و تاکو ئەمڕۆش لە کارکردن و خزمەتکردنی هاووڵاتییانی شارەکە بەردەوامە.
مام خدر ئەمین ساڵحی ناسراو بە (مام خدری ئاشەوان) لە ساڵی 1931 لە دایکبووە و 76 ساڵی تەمەنی لە سەرپەرشتیکردن و کارکردنی ئەم ئاشە بەسەربردووە کە لە باوکییەوە بۆی بەجێ مابوو، لە دوای مردنیشی لەلایەن کوڕەکانییەوە سەرپەرشتی دەکرێت.
ئاشەکەی مام خدر یەکەم ئاشی ئاگری بووە لە کوردستان و تەنانەت لە هەموو عێراقیش کە تاکو ڕۆژگاری ئەمڕۆش لە کاردایە و ئامێرەکانی لەکار نەکەوتوون.
هاووڵاتییان ئێستاش بۆ ئامادەکردنی خواردەمەنی هاڕاو لە دانەوێڵە ڕوو لەم ئاشە دەکەن و بەشێوەیەکی گشتیش ئاشەکەی مام خدر ئەم کارانە دەکات، هاڕینی گەنم بۆ ئارد، گەنمەکوتاو، ساوار، بڕووش، قەرەخەرمان، نیسک، ئاری نۆک، برنج و چەندانی دیکەش.
ئەم ئاشە دەکەوێتە ناو چەقی شاری کۆیە بەرامبەر قشڵەی کۆیە لەسەر ڕووبەری (801) مەتر دووجا دروستکراوە، ئامێر و کەلوپەلەکانی ئەم ئاشە لە مارکەی ئینگلیزین و لە شاری لینکۆڵن لە وڵاتی بەریتانیا هێنراوەتە کوردستان.[1]

کارمەندانی بەڕێوەبەرایەتی گشتی تەندروستی #کۆیە# لە کاتی بۆردومانەکانی سوپای پاسدارانی ئێران بۆ سەر بارەگاکانی #حزبی دێموکراتی کوردستانی ئێران# لە بنکە و بارەگاکانیان و نشینگەکانی (کەمپی ئازادی) و (زەوییە سپی) و بارەگای (قەڵای دێموکرات) لە #هەرمۆتە# و دەوروبەری شاری کۆیە لە #28-09-2022# دا، زۆر لێ نەبڕاوانە و ماندوونەناسانە پەیوەندیان بە نەخۆشخانەی شەهید دکتۆر خالید و بەشی فریاگوزارییەوە کرد و دڵسۆز و خەمخۆرانە هاتنە دەست بۆ چارەسەرکردنی بریندارەکان و بەخشینی خوێن و تیمارکردن و پەرستاری کردنی زامدارەکان. [1]

خەندان- دانا جلال
بەپێی ئامارێک کە لە شوێنە گەشتیاریەکانی سنوری شارۆچکەی کۆیە وەرگیراوە تەنها لەم سێ ڕۆژەی جەژندا زیاتر لە 15 هەزار گەشتیار ڕویان لە شوێنە گەشتیاریەکانی سنوری شاری کۆیە کردووە.
شاری کۆیەش چەند جێگایەکی هەیە بۆ ئاسودەبونی گەشتیاران و بەسەربردنی کاتێکی خۆش
جێگاکانیش بریتین لە: هاوینەهەواری کۆسار لەسەر چیای هەیبەت سوڵتان،پارکی مەڕبێنە قەدیشە، هاوینەهەواری چنارۆک، پارکی گەشتیاری سایە لە تەق تەق، کەپرە گەشتیاریەکانی کڵێسەوبۆگد.
ماوەیەکە کۆیە لەڕووی گەشتیاریەوە گرنگیەکی زۆری پێدەدرێت ئەم ڕێژەیەش لەچاو ساڵانی ڕابردوو زۆر زیادی کردوە خەڵکیکی زۆر بۆ شوێنە گەشتیاریەکان ڕووی تێدەکەن
- 11-08-2013

بەرێوەبەرایەتی بەرگری شارستانی #کۆیە# ئاماری ڕووداوەکانی شەش مانگی ڕابردووی بڵاوکردەوە.
ڕۆژی #3-7-2019، # لە کۆنگرەیەکی ڕۆژنامەوانیدا، بەرێوەبەرایەتی بەرگری شارستانی کۆیە ئاماری ڕووداوەکانی شەش مانگی ڕابردووی خستەڕوو و ڕایگەیاند: لەماوەی شەش مانگی ڕابردووی ئەمساڵدا، 24 ڕووداوی لافاو و 270 ئاگر کەوتنەوە لە سنووری بەڕێوەبەرایەتی بەرگری شارستانی کۆیە تۆمارکراوە.
راشیگەیاند: سەرجەم ڕووداوەکان لە لایەن تیمەکانیانەوە خەمڵاندنی ماددیان بۆ کراوە و دووسەد و سی ملیۆن دینار زیان لە دانەویڵە و ڕەز و باخی هاوڵاتیان کەوتووە بەهۆی کەوتنەوەی ئاگر.[1]

داناجەلال
لەشەش مانگی ڕابردوو (267) ڕووداوی‌ ئاگر کەوتنەوە لە کۆیە ڕوویانداوه و بەوهۆیەوە پێنج هاوڵاتی‌ و سوتاون و (515) دۆنم زەوی‌ لە پوش وپاوان سووتاون و زیانەکانی ئه و ئاگرانەش بەزیاتر لە 120 ملیۆن دینار مەزەندە دەکرێن.
عەمید محەمەد سەعید، بەڕێوبەری‌ بەرگری‌ شارستانی‌ قەزای‌ کۆیە ڕایگەیاند، " لە سەرەتای ئەمساڵەوە تا کۆتایی مانگی شەش، لەسنوری‌ قەزای‌ کۆیە (267) ڕووداوی‌ جۆراوجۆری ئاگرکەوتنەوە ڕوویانداوە کە (19) هاوڵاتی‌ به و هۆیەوە گیانیان لەدەستداوه و بریندار بوون.
وتیشی: پێنجیان گیانی‌ لەدەستداوە کەیەکیان ئافرەت بووە ئەوانی دیکەش برینداربوون بەهۆی ڕووداوەکانی ئاگرکەوتنەوە.
عەمید محەمەد سەعیدئەوەشی ڕاگەیاند، "بەهۆی‌ ئاگرکەوتنەوەکان (515) دۆنم زەوی‌ لە پوش وپاوان سوتاون، هەروەک زەرەری ئاگرکەوتنەوەکان بە (118) ملیۆن و 215 هەزار دینار لەگەڵ (105) هەزارو 700 دۆلار مەزەندە کراون.
بەڕێوبەری‌ بەرگری‌ شارستانی‌ قەزای‌ کۆیە ئەوەشی خستەڕوو، "لەشەش مانگی‌ ڕابردوو زۆرترین ڕوداوەکان لەمانگی‌ شەشدابوون کە ژمارەیان گەیشتۆتە (112) ڕووداوی‌ جۆراوجۆر.
- 09-07-2014