سەرۆکی ئەنجوومەنی سوارچاکەکانی پارێزگای سنە لەو بارەیەوە بە (باسنیوز)ی ڕاگەیاند: کۆتایی هەفتەی داهاتوو بۆ ماوەی دوو ڕۆژ باشترین جۆرەکانی ئەسپی ڕەسەنی کوردی لە فێستیڤاڵێکی نموونەییدا نمایش دەکەین کە چەندین بەشی وەک سەمای سوارچاک و پێشبڕکێ و دیاریکردنی جوانترین ئەسپ و چەند بڕگەیەکی تر لەخۆ دەگرێت.
فەیزوڵا پیری گوتیشی: ئەم فێستیڤاڵە لە هۆڵی وەرزشیی 22ی گوڵانی سنە بەڕێوە دەچێت و دەمانەوێ لەو ڕێگەیەوە هەم ئەسپی ڕەسەنی کوردی بە خەڵکی ئێران و جیهان بناسێنین، هەم کەرتی گەشتیاریی ناوچە کوردییەکانیش ببوژێنینەوە.
ئاشکراشی کرد: بۆ یەکەمجار ئەو فێستیڤاڵە بە شێوەی ڕاستەوخۆ لە تەلەفزیۆنەوە پەخش دەکرێت و خەڵکی ئێران و جیهان دەتوانن بینەری بن.
لە ڕۆژهەڵاتی کوردستان چەندین ناوەندی پەروەردە و بەخێوکردنی ئەسپی ڕەسەنی کوردی هەیە.[1]
03-09-2017
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 9,083 times
Write your comment about this item!