Birîndarên şer ên #Kobanê# êrişên kîmyewî yên #dagirkeriya Tirk# ên li dijî Herêmên Parastinê yên Medyayê şermezar kirin û destnîşan kirin ku Erdogan dixwaze Kurdan ji nasnameya wan qut bike û wan di beden û fikrî de qir bike.
Birîndarên Şer ji pêşiya konê sersaxiyê yê ku ji bo 17 şehîdên êrişa kîmyewî hatiye vegirtin daxuyaniyek da.
Daxuyanî bi beşdariya bi dehan endamên Saziya Birîndarên Şer û ji aliyê Omer Kobanê û Mamoste Kobanê ve hat xwendin.
Daxuyanî wiha ye:
“Em êrişên hovane yên dewleta Tirk a dagirker ên li dijî Herêmên Parastinê yên Medyayê û bikaranîna çekên qedexekirî hemwextî bêdengiya navneteweyî, bi tundî şermezar dikin.
Her kes dizane ku armanca AKP’ê qutkirina Kurdan ji nasnameya wan û qirkirina wan di aliyê bedenî û fikrî de ye. Lê belê em zarokên roj û agir in, neviyên Şêx Seîd, Kawayê Hesinkar û Qazî Mihemed in, em li ser şopa rêber Ocalan in û em ê rê nedin faşîzmê ku nêzîkî xaka me bibe.
Em bêdengiya aliyên navneteweyî ya li hember sûcên dagirkeriya Tirk şermezar dikin û bang li wan dikin ku xwedî li erka xwe derkevin û AKP û serokê wê Erdogan ceza bikin. Dîrok ji kiryar û sûcên wan re şahid e, ku gelek komkujî li dijî gelên Ermen, Suryan û Kurd pêk anîn. Îro jî ew dixwaze heman tiştî li çiyayên Kurdistan bike.
Em helwesta PDK`ê şermezar dikin ku karê şandeyên taybet ên lêpirsîna bikaranîna çekên qedexekirî asteng kir û wê wek hevkariyekê bi dewleta Tirk a dagirker dibînin.
Cîhan tevda dizane ku çekên kîmyewî li her derê qedexekirî ne, lê belê dagirkeriya Tirk dixwaze osmaniya nû pêk bîne. Ji ber wê jî divê hovîtiya dagirkeran were rawestandin, em careke din bang dikin ku hesab ji dagirkeriya Tirk di dadgehên navneteweyî de were pirsîn.”[1]
(mh)
ANHA

=KTML_Bold=​​​​​​​Di salvegera êrişa li ser Kobanê de şerê topyekûnê yê li dijî herêmê didome-2=KTML_End=
#KOBANÊ# - CUMA MIHEMED

9 sal di ser êrişên çeteyên DAIŞ′ê yên li ser Kobanê re derbas dibin, lê rewşa heyî nîşan dide bi hemû rê û rêbazan êriş şerekî topyekûnê li ser herêmê tê meşandin. Armanc ji van êrişan têkbirina QSD û Rêveberiya Xweser e.
Îro (15′ê Îlonê) 9 sal di ser destpêkirina êrişên çeteyên DAIŞ′ê yên li ser Kobanê re derbas dibin. Em ê di vê dosyaya duyemîn de behsa palanên piştî rizgarkirina Kobanê yên li ser herêmê û berxwedana gel a li hemberî van planan bikin.
=KTML_Bold=BIDAWÎBÛNA DAIŞ′Ê=KTML_End=
Piştî ku gund û bajarokên derdora bajarê Kobanê bi temamî hatin rizgarkirin, avakirina Hêzên Sûriya Demokratîk (QSD) li Bakur û Rojhilatê Sûriyeyê hat ragihandin. Di nav de Yekîneyên Parastina Gel (YPG) û Yekîneyên Parastina Jin (YPJ), teşkîleyên din ên leşkerî yên erebî û suryan di nava QSD′ê de cih digire an ku QSD′ê sîwana yekîne û meclisên leşkerî yên parastinê yên herêmê ye.
QSD′ê mîsyona rizgarkirina Bakur û Rojhilatê Sûriyeyê girte ser xwe û di vê çarçoveyê de Minbic, Reqa, Tebqa û gundewarê Dêrazorê rizgar kirin. Di Adara 2019′an de bajarokê Baxozê yê rojhilatê Dêrazorê rizgar kir ku nuqteya dawîn di destê çeteyan de mabû.
Piştî derdora sal û nîvekê ji rizgarkirina Kobanê, rizgarkirina bajarê Minbicê di Tebaxa 2016′an de derbeyeke xurt ji bo DAIŞ′ê bû. Minbicê ji çeteyên biyanî yên ku ji derve dihatin Sûriyeyê re wekî paytext bû, lew ra bi rizgarkirina Minbicê re herêmên di bin dagirkeriya çeteyên DAIŞ′ê de ji sînorê Tirkiyeyê qut bû çeteyên DAIŞ′ê roj bi roj hilweşiya û ji avakara xwe (rejîma Tirk) dûr ket. Ruxmî vê yekî xetereya DAIŞ′ê bi dawî nebû. Şaneyên wê yên veşartî heta roja me ya îro gefan li jiyana şêniyan dixwe û êrişî gund û bajarokên herêmê dikin. Êrişa Çileya 2022′yan a li ser girîgeha Sînaa ya bajarê Hesekê û hewla revandina bi hezaran çeteyên girtî mînak e. Ne ji berxwedana QSD′ê bûye, dê çeteyên DAIŞ′ê careke din xwe birêxistin kiribana û li Sûriye û Iraqê belav bûbana.
=KTML_Bold=ŞER BERDEWAM E=KTML_End=
Êrişa çeteyên DAIŞ′ê ya li ser Şoreşa Rojava-Bakur û Rojhilatê Sûriyeyê, xelek ji şerê topyekûnê yê li dijî herêmê û gelê wê yê berxwedêr e. Hemwextî têkoşîna têkbirina DAIŞ′ê rejîma Tirk kete wê ferqê ku şerê wê yê bi rêya DAIŞ′ê bi dawî dibe û DAIŞ têk diçe, lew ra bi xwe destwerdan kir û êrişên rasterast li dijî Rojava dan destpêkirin.
Rejîma Tirk di destpêka 2018′an de êrişên bejahî û asîmanî li dijî kantona Efrînê dan destpêkirin di 18′ê Adara heman salê de piştî berxwedana 58 rojan a QSD û şêniyan, kanton dagir kir.
Sal û nîvek piştî dagirkirina Efrînê, rejîma Tirk berî çeka xwe da Girê Spî û Serêkaniyê yên ji çeteyên DAIŞ û El Nusra hatibûn rizgarkirin û di Mijdara 2019′an de her du herêm dagir kirin.
Êdî aşkara bû ku Tirkiye li ser şopa DAIŞ′ê dimeşe û tişta ku DAIŞ′ê nedikarî pêk anîba kir, an ku tevahî xeta sînorê Sûriye-Tirkiye bi kurahiya 30 kîlometreyan dagir kir.
Dewleta Tirk a dagirker di 2016′an de bajarên Cerablus, Raî, Ezaz û Babê yên bakurê rojhilatê Helebê dagir kirin. Di 2018′an de Efrînê û di sala 2019′an de Girê Spî û Serêkaniyê dagir kirin. Niyetên wê yên dagirkirina herêmên din ên sînorê an ku herêma ewle wekî ku îdia dike, hene. Rejîma Tirk dixwaze Mîsaqî Millî pêk bîne ku li gorî xeta ji Heleb heta Musil û Kerkûkê milkê Osmaniyan dibîne. Ji bo pêkanîna vê armancê, li gel çeteyên DAIŞ′ê yên ku di şerê li hemberî QSD′ê berî dan Tirkiyeyê û herêmên dagirkir, êrişên xwe li ser Bakur û Rojhilatê Sûriyeyê nesekinandine.
=KTML_Bold=VÎNA GELAN BI SER DIKEVE=KTML_End=
Ne rejîma Tirk tenê, di heman demê de hikumeta Şamê, Îran û Rûsyayê jî şerê Şoreşa Rojava û destkeftiyên wê (QSD û Rêveberiya Xweser) dikin û dixwwazin rewşa Sûriyeyê vegerînin mîna beriya sala 2011′an.
Rewşa heyî ya li ser erdê nîşan dide ku şerê li dijî herêmê ji tevahî aliyan e û di çarçoveya êrişên çekdarî de sînordar nine, lê belê bi hemû cûreyên şerê taybet êrişî herêmê dikin da ku QSD û Rêveberiya Xweser lawaz bikin û tecrûbeya rêveberiyê têk bibin.
Yek ji rêbazên şerê taybet ku hêzên navborî li ser herêmê dimeşînin, hewldanên derxistina fitneyan di navbera pêkhateyan de ye. Bi taybetî hewl didin şerekî di navbera Kurd û Ereban de derxin. Bûyerên vê dawiyê yên li Dêrazorê û hewldanê sorkirina eşîrên Ereb li dijî QSD′ê îsbata vê yekê.
Ji wê zêdetir, ji hemû aliyan ambargo li ser herêmê ferz kirin. Girtina deriyê sînor ê Til Koçerê li pêşiya derbaskirina aliyên cîhanê ji bo Bakur û Rojhilatê Sûriyeyê xeleka herî mezin a vê ambaroyê ye, nemaze ku herêmên Bakur û Rojhilatê Sûriyeyê bi hezaran koçber û penaberên Sûriye û Iraqê dihewîne.
Ji rêbazên din ên şerê taybet, qutkirina avê ye. Dewleta Tirk a dagirker para Sûriye û Iraqê ya ava çemê Firatê qut dike. Tê zanîn ku çemê Firatê ji bo Bakur û Rojhilatê Sûriyeyê tamarê jiyanê ye û şêniyên Heleb, Reqa, Dêrazor, Kobanê, Tebqa û deverên ava vexwarinê ji çem digirin. Her wiha 3 bendav di bin kontrola Rêveberiya Xweseser de ku bi rêya va çem kehrebeyê derdixin. Ji vê zêdetir çemê Firatê bi sedhezaran hektar zeviyên çandiniyê avê dide û qutkirina avê bandoreke neyinî li çandinî û qadên din dike. Di heman demê de çeteyên dewleta Tirk ava stasyona Elok a li Serêkaniyê li ser milyon û nîv niştecihên li kantona Hesekê qut dike.
Rejîma Tirk û aliyên din ên dijberî Rêveberiya Xweser tevahî hewldanan dike da ku Rêveberiya Xweser ji civîn û nîqaşên navneteweyî yên bi armanca çareserkirina aloziya Sûriyeyê dûr bixin û komîteya destûrî mînak e. Dîsan jî rejîma Tirk û aliyên dijber şebekiyên ajan û sîxûran li herêmê belav kirin da ku tirs û tevliheviyan li herêmê belav bikin û baweriya gel bi Rêveberiya Xweser zîaf bikin. Di heman demê de hewl didin narkotîkê di nava civakê de belav bikin û di encamê de civakê têk bibin. Herî dawîn rejîmaTirk û hikumeta Şamê ji bo koçberkirina ciwanan û valakirina herêmê ji niştecihên wê propagandayan dikin û sînorê xwe li ber vê yekê vekirine.
Ev hewldan û geşedanên gelên herêmê li pêşberî du vebijêrkan dihêle, an berxwedan mîna ku dema şerê li Kobanê de hate raberkirin û pêkanîna serketinê an jî xwe radestkirin û binkeftin e.
Li vir divê em balê bikişînin ser vê xalê ku ji hêzên navneteweyî tê xwestin ku li hemberî hemû cûreyên êrişan destekê bidin herêmên Bakur û Rojhilatê Sûriyeyê, nemaze ku gelên vê herêmê beriya 9 salan li şûna cîhanê û tevahî mirovahiyê şerê DAIŞ kir û xetereya wê li ser cîhanê bi dawî kir.
Lê îro gelên herêmê yên ku beriya çend salan cîhan rizgar kir li pêşberî şerekî hebûnê ye. Lew ra erkekî exlaqî û mirovî her kes destekê bide vî gelê.
Gelê herêmê li hemberî tevahî cûreyên şerê topyekûnê li ber xwe dide û îradeya gelan a li hemberî despoiya dimin bi ser ket.
[1]

Hunermendên #Kobanê# êrişên dewleta Tirk ên bi #çekên kîmyewî# li dijî Herêmên Parastinê yên Medyayê şermezar kirin û got berxwedana gerîla li #çiyayên Kurdistanê# garatniya azadiya hunermendan e.
Têkildarî êrişên bi çekên kîyewî li dijî Herêmên Parastinê yên Medyayê ji hêla dagirkeriya Tirk ve, hewlên wê yên têkbirina vîna gelên azad, çanda wan û guhartina urf û adatên wê herêmê û herêmên din ku tê de pêkhate bi ewle dijîn, hunermendên li Navenda Baqî Xido ya Çand û Hunerê ya Kobanê axivîn
Şanoger Elî Îsa ji ajansa me re li ser mijarê wiha got: Şerê li dijî Kurdan li çiyayên Kurdistanê dimeşe şerê çandê ye. Dewleta Tirk a dagirker ji sedan sal ve li dijî Kurdan êrişên, bi hewlên rihên wan ên dîrokî bi rêya wêrankirina çanda wan û dûrxistina ji urf û adatan biqelîne, pêk tîne.
Îsa diyar kir ku ew di xebatên xwe yên şanoyê de girîngiyê didin çiyayên Kurdistanê, da ku balê bikişînin ser berxwedana lehengane ku Kurd li wir pêk tînin û wiha domand: Bi saya wan em îro bi zimanê xwe yê dayikê diaxivin û me xwe ji cîhanê re îsbat kir. Berxwedana gerîla li çiyayên Kurdistanê garantiya azadiya hunermendan e.
Îsa bang li hunermendan kir ku rola xwe li hember şerê li dijî Kurdan û pêkhateyên li herêmê tê meşandin, bi taybet li dijî çiyayên Kurdistanê pêk bînin. Gerîla şerê hebûna Kurdan dimeşîne.

′ŞERÊ ÇANDÊ JI ŞERÊN XETERTIRÎN E′
Li aliyekî din jî hunermend û endamê Koma Botan a Stranan Henîfî Osman wiha got: Şerê çandê ji şerên xetertirîn li dijî gelan tê meşand. Dema dijmin hewl dide me wêran bike û vîna me têk bibe ji aliyê çandê ve dest pê dike. Tiştê îro ji komkujiyan li dijî Kurdan pêk tê, ne her kesî ve eşkere ye. planên Dewleta Tirk a dagirker ên qirêj in. Ji lew re bi çekên kîmyewî êrişî gerîlayên li çiyayên Kurdistanê dike.
Osman wiha domand: Têkçûnên dewleta Tirk a dagirker li çiyayên Kurdistanê ew ber bi dînbûnê ve bir û xwekontrolkirin ji dest da. Bi wê re hişt bi çekên kîmyewî êrişî çiyayên Kurdistanê bike, welatiyên li Bakur û Rojhilatê Sûriyê bi balfirên bêmirov hedef bigire. Ev yek nîşaneya serkeftina Kurdan e.
Osman wiha dawî li gotina xwe anî: Divê hunermend li hember komkujiyên dewleta Tirk a dagirker li Herêmên Parastinê yên Medyayê û her deverekê pêk tînin, dengê xwe bilind bikin. Ji ber rola hunermendan di şoreşên gel bi rê ve dibin de pêşengî ye. Şoreşa gelê Kurd jî şoreşeke rewa ye, ji lew re divê em bi gerîlayan re bisekinin û şerê dijmin bikin.[1]

​​​​​​​Yekitiya Jinên Ciwan a Minbic û Kobanê bi vêxistina mûman şehîd Bêrîtan bi bîr anîn.
Endamên Yekitiya Jinên Ciwan a Minbic û gundewarên wê îro li qada El Sae ya li navenda bajêr, mûm vêxistin û şehîd #Gulnaz Karataş# (Bêrîtan) bi bîr anîn û daxuyanî da.
Endama Yekitiya Jinên Ciwan a Minbic Şêrîn Ehmed daxuyanî xwend û bi navê Yekitiya Jinên Ciwan a Minbic û gundewarên wê, tevahî şehîdên azadiyê di şexsa şehîd Bêrîtan de bi bîr anîn.
Şêrîn Ehmed diyar kir ku şehîd Bêrîtan tev li fikrê rêber Abdullah Ocalan bû, ji ber ku wê rastiya modernîteya kapîtalîst eşkere kir ku hewl dide veşêre.
Şêrîn Ehmed wiha domand: Şehîd Bêrîtan qebûl nekir ku xwe teslîm xayin û dijmanan bike û heta guleya dawîn şer kir. Her wiha piştî çeka wê xelas bû û ji bo ku nekeve destê dijmin, xwe ji serê çiya avêt.
Di dawiya daxuyaniyê de Şêrîn Ehmed soz şopandina rêya şehîd Bêrîtan hera rizgarkirina hemû jinan û belavkirina fikr û felsefeya rêber Ocalna da.
Paşê sînefizyonek li ser berxwedana şehîd Bêrîtan hat pêşandan.
Li Kobanê jî li ser gorên şehîdan ên li Goristana Şehîd Dîcle de, mûm hatin vêxistin û şehîd Bêrîtan hat bibîranîn.[1]
ANHA

Zanîngeha #Kobanê# ji bo 32 xwendekarên derçûne, şahiyek li dar xist. Di şahiyê de berxwedana gerîla ya li çiyayên Kurdistanê hate silavkirin.
Şahî li Navenda Baqî Xido ya Çand û Hunerê hate lidarxistin.
Hevserokê Meclisa Rêveber a Herêma Firatê Mihemed Şahîn beşdarî şahiyê bû. Mihemed Şahîn di şahiyê de axivî û wiha got: Em îro di kêliyên dîrokî re derbas dibin, divê saziyên me yên perwerdeyê û xwendekarên derçûyî baş bizanin ku wergertina bawernameyê ne ku ji bo berjewendiyên xwe yên madî bixebitînin, lê belê divê xebata li ser avakirina civaka exlaqî xwedî nirx û prensîbên bilind bin.
Hevserokê Zanîngeha Kobanê Şervan Mislim jî got: Derçûna xwendekarên zanîngehan li gel van rewşên zehmet ku herêm tê re derbas dibe, li dijî aliyên şerê Rêveberiya Xweser a Demokratîk û aliyên şerê perwerdeyê li Bakur û Rojhilatê Sûriyê dikin, bersiva herî guncaw e.
Mislim wiha domand: Ew hewl didin me qir bikin. Ha li çiyayên Kurdistanê dewleta Tirk a dagirker li dijî vîna gelê Kurd bi çekên kîmyewî li dijî gerîlayan azadiyê disekinin. Divê em li wan bifikirin. Em ê bi xebateke cidî ragihînin ku deynê wan didin.
Cîgira Hevserokatiya Zanîngeha Rojava Şînda Dawûd jî wiha got: Me ev xew bi vekirina dibistan, zanîngeha û derçûna xwendekaran bi zimanê dayikê pêk anî. Ev yek bi saya fedakariyên şehîdan, Şoreşa 19’ê Tîrmehê, vîn û israra gelê me ye. Em ê bi vê têkoşînê di dibistan û zanîngehên xwe de dewam bikin û siberojeke geş ji zarokên xwe re pêk bînin.
Her wiha hevserokê Zanîngeha Şerq a Reqayê Hesen El Îsa jî got: Em îro bi sed metreyan ji goristana şehîdan ku tê de bi sedan lehengên ji bo pêkanîna xewnên me canê xwe daye, nêz in. Em kêfxweş in ku tiştê wan şehîdan daye destpêkirin, ava bikin.
Di şahiya derçûnê de peyama fermandarê giştî yê Hêzên Sûriya Demokratîk (QSD) Mezlûm Ebdî li ser ekraneke mezin hate pêşandan. Ebdî xwendekarên derçûyî û kadroyên her sê zanîngehên li Bakur û Rojhilatê Sûriyê pîroz kirin û wiha got: Em bi vê derçûnê pir kêfxweş in ku hûn ê xewna me pêk bînin û hûn encamên ked û israra xwe li ser xwendina di rewşên dijwar ên dirêjahiya 10 salên şer de wergirin. Hûn teqez dikin ku fedakariyên mezin bi encamên erênî bi dest ketin. Em bawer in ku hûn ê roleke girîng di pêvajoya bê de ji dîroka gelê me re bilîzin.
Li dawiyê, hunermend Ehmed Dalî, Koma Vejîn û Koma Ararat konser dan.[1]
ANHA

Navê Tevgerî: Redûr Kobanê
Navê Rast: Delîl Musa
Navê Dayikê: Fatma
Navê Bav: Mihemed Elî
Cihê Ji Dayikbûnê: Kobanê
Cih Û Dîroka Şehadetê: Heske – Hol #05-11-2015#

Navê Tevgerî: Dîno Kobanê
Navê Rast: Rêbîn Tahir
Navê Dayikê: Tirko
Navê Bav: Emer
Cihê Ji Dayikbûnê:Dirbêsiyê
Cih Û Dîroka Şehadetê: Serêkaniyê – Mebruka #12-11-2015#

Navê Tevgerî: Sîdar Kobanê
Navê Rast û Paşnav: Ebdullah Dînç
Navê Dayik: Selîme
Navê Bav: Beşîr
Cihê Ji Dayikbuyînê: Mardîn
Cih û Dîroka Şehadetê: Şedadê, Gundê Mekmen / #07-07-2016#

Nav Û Paşnav: Ehmed Kobanê
Navê Rast: Ehmed Nebo
Navê Dayikê: Şemse
Navê Bav: Xelîl
Cihê Ji Dayikbuyînê: Kobanê
Cih Û Dîroka Şehadetê: Bakurê Reqa #04-12-2016#

Nav Û Paşnav: Serhed Kobanê
Navê Rast: Husên Reşo
Navê Dayikê: Necah
Navê Bav: Ehmed
Cihê Ji Dayikbuyînê: Kobanê
Cih Û Dîroka Şehadetê: Bakurê Reqa #04-12-2016#