ناونیشانی بابەت: ئایا پیاوانیش تووشی شێرپەنجەی مەمک دەبن؟
ناوی نووسەر: د. #کەژان کاوە تەها#

شێرپەنجەی مەمک تووشی پیاوانیش دەبێت بەهەمان شێوەی ئافرەتان، بەڵام بە ڕێژەیەکی کەمتر بۆیە کەمتریش باس ئەکرێت.
=KTML_Bold=نیشانەکانی بریتین لە:=KTML_End=
1- لووی زیادە لەناو سنگ کە لەکاتی دەست لێدان هەستی پێ ئەکرێت لەوانەیە ئازاری هەبێت یان بێ ئازار بێت.
2- دەردراوی مەمک کە لەوانەیە خوێنیشی لەگەڵ بێت.
3- هەڵاوسانی گرێ لیمفییەکانی ژێرباڵ.
4- سووربوونەوە و گۆڕانکاری لە شێوەی مەمک.
=KTML_Bold=هۆکارەکانی:=KTML_End=
-هەڵکشانی تەمەن.
-بوونی کەسێکی ناو خێزانەکە کە تووشبووی شێرپەنجەی مەمک بووبێت.
-بەرزبوونەوەی هۆڕمۆنی ئیسترۆجین.
-قەڵەوی و کێشی زیادە.
چارەسەری بەهەمان شێوەی چارەسەری شێرپەنجەی مەمکە لە ئافرەتان، لەوانەیە بە نەشتەرگەری یان چارەسەری کیمیایی یان تیشک بێت بەپێی قۆناغی شێرپەنجەکە. [1]

لەمانگی مایی 2007ەوە دامەزراوە و تاوەکو ئێستا پشکنینیان بۆ هەزاران ئافرەت کردووە.

ناونیشانی پەڕتووک: بنەماکانی شێرپەنجەی گەدە، ڕیخۆڵەیی تیرۆید و مەمک و پرۆستات
ناوی نووسەر: د. حەسەن شەتەوی - #کامەران ئەمین ئاوە#
دەزگای پەخش: ناوەندی غەزەلنووس

پەڕتووکی بنەماکانی شێرپەنجەی گەدە - ڕیخۆڵەیی، هەوڵێکی سەرەتاییە بۆ نووسینی پەڕتووکی پزیشکی بە زمانی کوردی. ئەم پەڕتووکە بەپێی کەڵکوەرگرتن لە زۆربەی سەرچاوە زانستییە تازەکانی جیهانی پزیشکی بە ئینگلیزی و ئەڵمانی، هەروەها ئەزموونی کاری نووسەران و بە تایبەتی کاری دەیان ساڵەی پزیشک حەسەن شەتەوی، سەرۆک و بەرپرسی پێشووی بەشی نەشتەرگەریی شێرپەنجە و کۆڵۆپرۆکتۆلۆژی کلینیکۆم نۆرد سەر بە زانستگای پزیشکیی شاری ئەسێنی ئەڵمان، ئامادە کراوە. دیارە ئەوەی لێرەدا خراوەتە بەرچاو، تەنیا بەشێکی تایبەت لە شێرپەنجەناسی لە خۆ دەگرێ. نووسینی کارێکی گشتگیرتر کە بەشەکانی دیکەی ئەم زانستە لە خۆ بگرێ، پێویستیی بە کاری هاوبەشی پسپۆڕانی بواری پزیشکی و پاڵپشتیی ڕێکخراوەیەکی دەوڵەتی یان مەدەنی هەیە.[1]

ناونیشانی بابەت: بۆ خۆپاراستن لە شێرپەنجەی مەمک
ئامادەکردن: د. #کامەران ژاژڵەیی#
ساڵانە ژمارەی ئەو خانمانەی تووشی شێرپەنجەی مەمک دەبن لە جیهان دا زیاتر دەبێت بەڵام ڕێژەی چاک بوونەوە بە هەمان شێوەیە بەرز دەبێتەوە بەهۆی پێشکەوتنی شێوازی دەست نیشانکردن و ڕێگاکانی چارەسەرکردن و زوو دۆزینەوەی.
$باشترین جۆرەکانی خۆراک:$
1- گوێزەر و بڕۆکلی.
2- سیر.
3- سپێناخ و کەلەرم.
4- قارچک.
5- هەنار.
6- تووتڕک و شاتوو و تووتی کێوی.
7- بادام و گوێز.
8- ماسی سەلموون، پەتاتەی شیرین.
9- تەماتە و چەوندەر.
10- زەنجەبیل و زەردەچەوە.
11- چای سەوز.
12- شووتی، پیاز، گەنمە کووتاو، نیسک.
13- ماستی کەم چەوری، هێلکە بە کوڵاوی.
$گرنگترین ڕێنمیایی یە پزیشکیەکان:$
1- خۆپاراستن لە زۆری کێش و قەڵەوی.
2- وەرزش: ڕۆژانە بۆ ماوەی نیوکاتژمێر یان زیاتر.
3- دوور کەوتنەوە لە شەونخوونی و نووستن شەوانە بۆ ماوەی (6 8 کاتژمێر).
4- خواردنی بڕێکی باش لە سەوزە و میوەی ڕەنگ جیاواز ڕۆژانە دوو بۆ سێ جار.
5- پێدانی شیری خۆت بەمناڵ.
6- چوونە بەر خۆر ڕۆژانە بۆ ماوەی (15 - 30 خولەک) باشترین کات نێوان (9 - 10 بەیانی)؛ ئەو کاتانەی سوودی هەیە بریتی یە لە (9ی بەیانی بۆ 3ی عەسر) لەگەڵ زۆر خواردنی ئەو خۆراکانەی دەوڵەمەندن بە ڤیتامین دی وەک جگەری نەهەنگ و ماسی و شیر و هێلکە و قارچک.
7- کەم کردنەوەی خواردنی گۆشتی سوور، چەوری ئاژەڵ، شیرینی، ڤاست ڤوود، خواردنەوە گازیەکان، گۆشتی برژاو لەگەڵ خواردنەوەی بڕی پێویست لە ئاو ڕۆژانە.
8- ئەنجام دانی ئەشیعەی مامۆگراڤی لە سەر ڕێنمیایە پزیشکیەکانی کۆمەڵەی شێرپەنجەی ئەمریکی و ڕێکخراوی تەندرووستی جیهانی. [1]

رێباز فاوەندەیشن بە هەمئاهەنگی لەگەڵ تۆڕی هاوبەشی ڕێکخراوەکانی ژنان چالاکییەکی هۆشداری لەبارەی نەخۆشی شێرپەنجەی مەمک بۆ ژنانی بەندیخانەی چاکسازی ژنان لە سلێمانی کردەوە. لە میانەی چالاکییەدا، لەپاش پێدانی ڕێنمایی و زانیاری لەبارەی نەخۆشییەکەوە، ژنانی ئەو بەندیخانەیە پشکنینی جەستەییان لەلایەن پزیشکێکی پسپۆڕی ژنەوە بۆ ئەنجامدرا بەمەبەستی زانینی هەر نیشانەیەک کە ڕەنگە سەرکێش بکات بۆ ئەو نەخۆشییە. هەروەها بەشداربووان نامیلکەیەکی تایبەتیان پێبەخشرا کە تێدا چۆنێتی ئەنجامدانی خود-پشکنین بۆ نیشانەکانی نەخۆشییەکە ڕوونکراوەتەوە. سوودمەندانی چالاکییەکە 37 ژن بوون[1]
22-11-2017

بەگوێرەی بابەتێکی گۆڤاری زانستیی نەیچەر، زاناکانی پەیمانگای پزیشکیی هاری پێرکنز لە ڕۆژاوای ئوسترالیا گەیشتوونەتە ئەو ئەنجامەی، یپێکهاتەیەک لەناو هەنگویندا هەیە کە دەتوانێت لەماوەی 60 خولەکەدا خانەکانی شێرپەنجەی مەمک لەناوبەرێت.
زانا ئوسترالییەکان باسیان لەوەکردووە، هەنگوینی زیاتر لە300 هەنگ و شەهەنگیان لە دژی دوو جۆر شێرپەنجەی مەمک تاقیکردەوە کە ئەوانیش بریتین لە سیانەی نێگەتیڤ و وەرگری فاکتەری گەشەی سەر پێستی مرۆڤ2 (HER2) .

ئەوەش باس کراوە، لەئەنجامدا دەرکەوتووە کە پێکهاتەیەکی ناو هەنگوین کە پێیدەوترێت میلیتین لە ماوەی تەنیا کاتژمێرێکدا دەتوانێت خانەکانی شێرپەنجەی مەمک لەناوبەرێت، بێ ئەوەی هیچ زیانێکیش بۆ خانە ساغەکان هەبێت.
میلیتین پێکهاتەیەکی کارای هەنگوینە، پیپتایدێک کە 26 ترشی ئامینەی بە ئەرێنی بارکراوە لەخۆ دەگرێت.
توێژەران ئاماژەیان بەوەکردووە، ئەم پێکهاتەیە توانای ئەوەی هەیە خانە شێرپەنجەییەکان بکاتە ئامانج، دەشڵێن، کاتێک لەگەڵ دەرمانی چارەسەری کیمیاییدا بەکاردەهێنرێت، مێلیتین یارمەتیی درووستبوونی کونیلەکانی پەردەی خانە شێرپەنجەییەکان دەدات، کە ڕەنگە ڕێگەبدات چارەسەرەکان باشتر بچنە ناو خانە شێرپەنجەییەکانەوە.

لەوبارەیەوە ماریلێنا تاورۆ خانمە توێژەری بواری شێرپەنجەی مەمک لە سەنتەری شێرپەنجەی مۆفیت لە ئەمریکا وتویەتی: هەرچەندە ئەم دۆزینەوە سەرنجڕاکێشە، بەڵام پێویستە لێکۆڵینەوەی زیاتری لەبارەوە بکرێت پێش ئەوەی وەک چارەسەرێکی بەردەوام بەکاربهێنرێت. [1]

پشکووژامەمکا، تک‏ مەمک، چڵ، چڵی گوان، چیجک، چیچک، چیچە، چێچە، چیلک، چیلکە، چینچکی‏گوان، سەرتیر، سەر چیچک، سەرگۆی مەمک، آبلەی پستان [1]

پشکووژامەمکا، تک‏‌‌مەمک، چڵ، چڵی‌ گوان، چیجک، چیچک، چیچە، چێچە، چیلک، چیلکە، چینچکی‏گوان، سەرتیر، سەر چیچک، سەرگۆی‌‌مەمک، آبلەی پستان [1]

ناونیشانی بابەت: چۆن مەترسی تووشبوون بە شێرپەنجەی مەمک کەمبکەینەوە؟
ناوی نووسەر: د. #کەژان کاوە تەها#

نەخۆشی شێرپەنجەی مەمک بڵاوترین جۆری شێرپەنجەیە لە خانماندا و زانیاری پێویست بۆ خۆپاراستن لە تووشبوون بە نەخۆشی شێرپەنجەی مەمک گرنگە.
کۆمەڵێک ڕێگا بۆ کەمکردنەوەی مەترسی تووشبوون لەوانە:-
- پاراستنی کێشێکی تەندرووست.
- چالاکی و بوونی جووڵەی باش.
- شیردان.
- دوورکەوتنەوە لە بەکارهێنانی بەردەوامی هۆرمۆنەکان.
- نەخواردنەوەی مادە کحولییەکان و دوورکەوتنەوە لە جگەرەکێشان و دووکەڵی جگەرە.
- دوورکەوتنەوە لە بەرکەوتنی تیشکە ڕادییەشنەکان وەک تیشک. [1]

دوو مەمک لە باخەڵێکدابن، هەڵئەتەقێن بەیەکدا.
هەموو کەسێک لە کۆمەلگەدا لە دوای کامڵبوونی هۆش و جەستەی خۆی بڕیاردەدات کە پەیوەندی چۆن درووستبکات و لەگەڵ کێدا بژیی، پێکەوە ژیانی کەسەکانیش بۆ کاتێکی درێژ، هەندێکجار بەریەککەوتن درووستدەکات، پەندەکە بۆ دوو کەس بەکاردێ کە لە ماڵێکدابن، بەهۆی زۆر نزیکییانەوە لەسەر بابەتێک بەیەکدا بتەقنەوە. [1]