هاونیشتیمانیانی بەڕێز ئەم کاتەتان باش
لەماوەی ڕابردودا و لەسەر پرسی دیاریکردنی سەرۆک کۆماری عێراق، و چوونی ئێمە بۆ بەغداد چەند قسەو باسێکی بەدوای خۆیدا هێنا، بەندە لێرەوە دەیەوێت لەم ڕونکردنەوەیەدا تەواوی ڕاستیەکان بخەینە ڕوو بۆ ئەوەی کۆتایی بەو بوهتان و قسانە بهێنرێت کە لە چەند ڕۆژی ڕابردوودا کرایە سەرمان
یەکەم: ئێمە بە فڕۆکەی تایبەتی #نێچیرڤان بارزانی# نەچووینەتە بەغداد بەڵکو بە فڕۆکەی کۆمپانیای فلای #هەولێر# چووین بۆ بەغداد کە سەر بە نێچیرڤان بارزانیە، بۆیە من لێرەوە تەئکید دەکەمەوە کە ئەو فڕۆکەی تایبەتی نێچیرڤان بارزانی نەبووە.
دووەم: ئێمە ئۆرگانی سیاسیمان هەیە و بە پێی پەیڕەوی ئەو ئۆرگانانە کار دەکەین، جەنابی ڕێکخەری گشتی بزوتنەوەی گۆڕان پێی ڕاگەیاندین کە ئێمە بچینە بەغداد و سوێندی یاسایی بخۆین و پێی وتین ئێوە ئازادن دەنگ بە کێ دەدەن سەبارەت بە پۆستی سەرۆک کۆمار، بۆیە ئێمەش بڕیارماندا ئازاد بین دەنگ بە کێ دەدەین و پێمان وایە ئازادین نهێنی دەنگدانەکەمان بپارێزین و ئەو مافەمان هەیە.
سێیەم: ئێمە بە هیچ شێوەیەک 200هەزار دۆلار کە دەکاتە 20دەفتەرمان لە نە لە پارتی و نە لە هیچ پارتێک وەرنەگرتووە، بەڵکو ئەوەی وەرمانگرتووە، 49هەزار دۆلارە، واتا چوار دەفتەر و 90وەرەقە ئەوەش بۆ کڕینی ئەساسی نێو ماڵەکەمان لە بەغداد کە ماوەی چوار ساڵ لێرە دەمێنینەوە
#یوسف محەمەد سادق#
ئەندامی پەرلەمانی عێراق
#06-10-2018#
Dette produktet har blitt skrevet på et språk (کوردیی ناوەڕاست), klikk på ikonet
for å åpne elementet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 3,013 ganger
Skriv din kommentar om dette elementet!