ئەڤرۆ نیوز , ڕەمەزان ھەرنی:
ل سپێدەھیا ڕوژا 31/7/1983 ل کومەلگەھا
قوشتەپەقوشتەپەیا سەر ب پارێزگەھا ھەولێرێ ڤە ڕژێما بەعسا وی دەمی یا عیراقێ دەست ب گرتن و
ئەنفالئەنفالکرنا توخمێ نێرینەیێ بارزانیان کرو ھەیا دوماھیک ڕوژا ئەنفالێ ھەشت ھزار بارزانی گرتن و بێ سەروشین کرن , ئەڤرۆ 34 سال درەباز دبن بسەر وێ تاوانا دەرھەق ب بارزانیان ھاتیە کرن و ھەتا نھا 596 شەش ڕوفاتێن وان ھاتینە زڤراندن بو جھێ باب و باپیران ل گورستانەکاتایبەت ب ناڤێ ئەنفالان ل بارزان ھاتیە ڤەشارتن ، و وەسا بریارە ئەڤرۆ ئێڤاری کارەساتا جینوسایدا بارزانیان ب چەند چالاکی و گوتارێن جودا ب ھێتە ساخکرن.
تاھر سالح کورە جینوسایدکریە و دبیرئانینا 34 سالیا ئەنفالکرنا بابێ خوە دا بۆ ئەڤرۆ نیوز گۆت : (بیرامن دھێت کو بابێ من ھاتیە گرتن و ئەنفالکرن سالا
1983 ێ ئەز قوتابیێ ڕێزا چارێ بوم ئەم درونشتی بوین سەربازێن عیراقێ دھاتنە دەردورێن مالێن مە پشتی بویە دەمژمێر 11 ێ ڕوژی بو دەنگە دەنگا ژنا دناڤ گەرەکان داو دگوتن گرتن گرتن ئێدێ ئەو گرتن بو ئەڤە ھەیاما 34 سالایە ئەز چاڤەرێ ڤەگەریانا بابێ خوە مە. مەنەزانی بوچی برن و بو کیرێ برن بەلێ یا کو مە دزانی برن و چون . من ژی گەلەک حەس دکر کو ئەو ژیێ من بوراندنی من بابەک ھەیا یان کەسەک لسەر مروڤی با وەک باب دا چەند خوش بیت من گازی کربا بابێ خوە مخابن ئەز بێ بەھر بوم ل سوز و دلوڤانیا بابێ خوە من نەدیت و چو)
زێدەتر گۆت: ( ئەم نەھ برا بوین مەچ خوشک نەبون برایەکێ مە بەرەڤ ئیرانێ چو دگەل 27 کەسان ئەو ڕزگاربون و نەھاتنە گرتن پشتی گرتنا بابێ من و کەس و کارێن مە ئەم بو ھەیاما سالەکێ ل قوشتەپە ماینەڤە بێ پارە و بێ ئاڤ و بێ کارەبا بێ قوتابخانە بێ ھەمو پێدڤیێن سەرەکی و دەست پێکێ یێن ژیانی مەسالەکا تژی نەخوشی دەربازکر , مە دوبرایێن بچویک ھەبون شیر نەبو ب دەینی ژیانەک بو تاما مرنێ لێدھات ھەرتشت بو بەس ژیان نەبو . دایکا من بومە کار دکر مەکەس نەبوکار بومە بکەت ھەیا بکاریت ب بھایێ دو دینارا تشتی بکرین دایکا من ڕوژانە سپێدێ زوی دچو کریکاریێ و مەزاختنا مەیا ڕوژێ پەیدا دکر .ئەو ژی خەلکی ھەولێرێ ب خیرَا خوە کار دایکێن مە , پشتی سالەکی ئەم ھەمو پێکڤە ھاتینە ھەولێرێ و سالەکی ژی پشتی گرتنا کەس و کارێن مە ئەم ل ھەولێَرێ ماینە ڤە . ھەروەسا نەخوشیەکا دی کو ب سەرێ مە دھات ئەو بو ئەو خانیێ ئەم تێدا کرێدار خودانی خانی دھات و ئەم دکرینە ژ دەرڤە و دا بێژیت ھوین زورن نابیت میننە دخانیێ من ڤە ئەم دکەتینە سەرجادەیان نەچاربوین بەرێ خوە بدەین خانیەکێ دی بو کری َگرتنێ .ھەیا سالا
1989 ئەم دبێ خانی بوین بابێ من و 10 کورمامێن من و کور خالێن من و ھەیا 30 کەسان ل بنەمالەیا مە ھاتیە ئەنفالکرن ل سالا
1983 ێ یێ )
فاتما ب چاڤێن گری ڤە ب نالینەکا کویر جار جار دگوت من چ نەمایە بێژم پاشان گوت ژبیرکرنا ڕوژا ئەنفالکرنا کەس و کارێن مە مرنا منە و بۆ ئەڤرۆ نیوز گوت : (روژا کەس و کارێن من و ھەڤژینێ من ھاتیە گرتن مە چ ڕوژێن خوش دژیانا خودا نەدیتینە زارویێن خوە مەگەلەک ب زەحمەت ب خودان کرینە کارێ ژن و مێران مە دکر بو ب خودان کرنا زارویێن خوە ڕوژێن بێنڤە دان ژی مە ھەر کار دکر ھەر جارا دبیتە سال ڕوژا گرتنا کەس و کارێن من ھەست دکەم وێ گاڤێ لبەر چاڤێن من ڕاکرینەو ئەنفال کرینە چ جاران ھەست ب خوشیێ ناکەم دژیانا خودا مادەم چو کەس و کارێن خوە و ئەندامێن خێزانا خوە نەبینم ژیان بو من مرنە و چو ڕامانا نادەت لبەر ئەنفالکرنا کەس و کارێن خوە من چ جارا ن ھەست ب خوشیێ نەکریەو من نەڤێت ژی من چو خوشی ھەبن مادەم دویرم ل کەس و کارێن خوە ھێشتا ل بێ سەر و شوین کرنا وان بێ ھیڤی نەبویمە و ب ھیڤیمە ڕوژەکێ ب زرڤرنەڤە ئەو ھیڤیێن وێران ژناڤ بچن و خەونامن ببیتە ڕاستی)
واجیدا ھەڤژینا ئەنفالەکێ بارزانیە و دبێژیت من کارێ ژن و زەلامان دکر ھەیا بکارم زارویێن خوە ب خودان بکەم و زێدەتر بۆ ئەڤرۆ نیوز گوت : ڕوژا ھەڤژینێ من ھاتیە ئەنفالکرن سالا
1983 من چەندین زارو ھەبون لبەر شیری و شیر دخوار پشتی بابێ وان و مامی َزارویێن من ھاتیە گرتن ئەز بومە دایک و باب من کارێ دایکایەتی و بابایەتیێ دکر بەس بو وێ ئێکێ زارویێن خوە ب خودان بکەم ل وێ ڕوژا ڕەش دا,حکومەتا وی دەمی ئاڤ و کارەب لمە برین وان دڤیا ئەم بمرین بەلێ ئەم نەمرین . ھەیاما چەن سالان من کارێن زەلامان دکرو زارو ژی ب خودان دکرن , پشتی ئەم ل قوشتەپە ڕابوین ئەم بەرەڤ ئیرانی چوین ل دەمێ زڤرینێ ئەم ھاتیە گرتن بو ھەیاما 18 ڕوژان بێ خارن و ڤەخارن ئەم ژیان پاشی ئەم ھاتینە ئازادکرن کورێن من دبچویک بون ھاتنە گرتن , ئەو ڕوژا کەس و کارێن من ھاتیە گرتن چو جاران نەشێم ل بیربکەم یابویە ڕوژەکا ڕەش دژیانا مەدا ب تنێ مرن دێ ڕوژا گرتنا توخمێ نێرینەیێ بارزانیان ل بیرامن بەت مەچەندین جاران خانی دروست کرینە ب نەخوشی پشتی ھەیامەکێ ئەو خانێ لمە ھاتینە وەرگرتن و ل پێش چاڤێن مە ھاتینە خراب کرن)
حازم محەمەد کورە ئەنفالەکێ دی یێ بارزانیە جودا ل بیرەورەیا ئەنفالکرنا بابێ خوە داخوازی ژ لایەنێن سیاسی ل کوردستانێ دکەت پتر ئێک گرتی بن و بۆ ئەڤرۆ نیوز گوت: (دخازم ڕوژا ئەنفالکرنا ھەشت ھزار بارزانیان ببیتە فاکتەرەک بو ھەموو لایەنێن سیاسی ئێک دەنگ و ئێک ھەلوێست بن بو ڤێ قوناغا ئەڤرو کوردستان تێدا درەباز دبیت و بو وێ ئێکێ چو جارێن دی جینوساید و ئەنفال و لسەر کوردان دوبارە نەبیتەڤە , 31/7 ڕوژەکا ھند مێژویی یە دمێژوییا گەلێ کورد دا دڤێت ھەمو خەلکێ ڤێ ڕوژێ بلند ڕاگرن ژبیرنەکەت ژبەرکو ئەڤ ڕوژەبو کو ئەم گەھاندینەڤێ قوناغێ ئازادیا ئەڤرو بەرھەمێ خوینا ڤان شەھیدان و ئەنفالکریانە یا کێمایا باران و ئەنفال و وان نەخوشیانە یێن ب درێژا ھیا مێژویێ ببسەر گەلێ مە دا ھاتی .پێتڤیە ئەم ژی ھوشیارانەتر بەری َخوە بدەین ڤان کاودانێن بسەر گەل و وەلاتێ مە دا دھێن پێکڤە دەستێن خوەبکین تێدا بوسەرئێخستنا دوزا گەلێ کورد بەردەوام بزاڤێ بکەین بو سەرکەفتنا ھەمو کوردا بو وێ چەندێ بگەھینە وێ ئارمانجێ ئەوا باب و براو کەس و کارێن مە خوینا خوە بو ڕشتێ خوە گوری ڤی وەلاتی کری)
[1]