(با بتەقێتەوە)
ئەگەر جیهان بە نەمانی من
سەلامەت دەبێ
ها ئەوە لوولەی تۆپهاوێژەکانی ئێوە و
تونێڵی گەرووی من.
ها ئەوە گەرووی درێژی
زریپۆشەکانی ئێوە و
دەمارە پساوەکانی من.
ها ئەوە ساچمەی هەزار پارچەی
بۆمبەکانی ئێوە و
ئێسکی وردوخاشی من.
ها ئەوە خەنجەری درەوشاوەی ئێوە و
گۆشتی بێڕەونەقی من.
ها ئەوە خوێی خوایی ئێوە و
برینی پڕ لە شەیتانی من.
ها ئەوە خەونی گەرمی ئێوە و
خوێنی سەهۆڵبەندانی من.
ها ئەوە باڵی ئایندەی منداڵانی ئێوە و
مەرگی مناڵانی من.
ها ئەوە ژیانی تاهەتایی ئێوە و
قەبری تاهەتایی من.
ها..
دەی دەبا بڕووخێ حەزارەت
دەبا بتەقێتەوە ئەو جیهانە.
ناوی نووسەر: #زانا خەلیل# [1]
Dette produktet har blitt skrevet på et språk (کوردیی ناوەڕاست), klikk på ikonet
for å åpne elementet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 154 ganger
Skriv din kommentar om dette elementet!