ناڤ: خدر
ناڤێ بابی: حەمەد خدر
ناسناڤ: خدر خۆشناو
خدر خۆشناو- ستران یبێژ
$ژیاننامە$
ساڵا 1961 ل تاخا خانەقا یا باژێڕێ #هەڤلێر# ێ ژدایک بوویە، هەیا پولا پێنجی یا سەرەتایی خوەندییە ل قوتابخانەیا سۆران ل هەڤلێرێ، ل قوتابخانێ ڕوژێن پێنجشەممێ ژبو بەرز کرنا ئاڵای سروود و ستران گوتینە ب ئالیکاریا ماموستایێ هونەرمەند چەتۆ حەسەن، کو وی دەمەی ل گوڕەپانا قوتابخانێ ئۆکۆردیۆن بو دژەنی، پشتڕە ل ساڵا 1973 تەڤی ماڵا خوەشکا دچیتە #حاجی ئۆمەران# و لوێرێ خوەندنا خوە دکەت و پشتڕە دگەل نسکۆیا شوڕەشا ئەیلولێ ئاوارەی ئیرانێ دەبیت و ل ئۆردوگایێ زێوە ژیانا ئاوارەیی بسەر دبەن و پولا 6 یا سەرەتایی لوێرێ تمام دکەت، پشتڕە ل ساڵا 1976 ڤەدگەڕێتە ئیراقێ، وی سەردەمەی ڕژێما بەعس ئەوێ کو ل ئیرانێ ڤەگەڕیابا ساڵەکا خوەندنێ ژبو هەژمار نەدکر، خدر خۆشناو لوی دەمەی ڕە خوەندنێ ناکەت و دەست ب کارکردنێ دکەت و پیشەیا ئاسنگەری هەلدبژێریت، ساڵا 1978 خوەلیایێ هونەر و ستران گوتنێ دبیت، ساڵا 1980 دچیتە سەربازیێ، ساڵا 1982 ژیانا هەڤژینیێ پێکدینیت و 3 کوڕ و 5 کەچێن خوە هەبوونە، ساڵا 1984 دگەل کومەڵەیا هونەر و وێژەیا کوردی/ هەڤلێر سترانا (ئەی دڵ یار ڕۆیی) ژبو تەلەڤزیۆنا #کەرکووک# تومار دکەت، تەڤی کومەڵەیا هونەر و وێژەیا کوردی ل ساڵێن هەشتێ یا و دگەل هونەرمەندان (کەریم بایز و پەروین شازادە) هەمی هەفتیا ل بەغدا ئاهەنگ دگێڕا، پشتڕە بەردەوام دبیت و پتر ل هونەرێ میللی ڕە مژویل دبیت، پشتی ڕاپەڕینێ ژی دەورەکا گرنگ هەبوویە ل هونەرێ شوڕەشگێری ب تومارکرنا چەندین سروود و سترانان، هونەرمەند (خدر خۆشناو) ئەندامێ تیپا هونەری یا میللی یا هەڤلێرێ بوویە، ئەندامێ دەستەیا کارگێڕیا کومەڵ و هونەر و وێژەیا -کوردی یا مەڵبەندا گشتی یا هەڤلێرێ بوویە، ب مخابنیڤە ل #27-08-2020# ب ئەگەرا تویشبوون ب نەخوەشیا کۆرۆنا ل نەخۆشخانەیا هەوار هاتنا ڕوژیاڤایا هەڤلێر – گیانێ خوە ژدەستدا و ماڵ ئاڤایی ل خزم و هەژێکەرێن خوە کر و ل گوڕستانا شێخ ئەحمەد ل هەڤلێر هات بخاک سپاردن. ئەڤ ژیاننامەیە ل (ئازاد) ێ برایێ وی هاتیە وەرگرتن ل#23-07-2021# [1]
Dette produktet har blitt skrevet på et språk (کرمانجی), klikk på ikonet
for å åpne elementet på originalspråket!
ئەڤ بابەت ب زمانا (کرمانجی) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Dette produktet har blitt sett 9 ganger
Skriv din kommentar om dette elementet!