$باکووری کوردستان$
- سوپای تورکیای داگیرکەر لە چیای باگۆک و دەورووبەری دەستی بە ئەنجامدانی ئۆپراسیۆن کرد.[3]
$باشووری کوردستان$
- دەرچوانی بەشی پزیشکی گشتی و ددان و دەرمانخانە، لەبەردەم بینای پارێزگای #سلێمانی# خۆپیشاندانیان ئەنجامدا بۆ ناڕەزایی دەربڕین لەبەرامبەر دانەمەزراندنیان.[1]
- بەیانی ئەمڕۆ، لەبەردەم بینای پارێزگای #کەرکووک# بەشێک لە ئەنجومەنی گەڕەکەکانی کەرکووک خۆپیشاندانێکیان ئەنجامدا وەک ناڕەزایەتییەک بەرامبەر خەرج نەکردنی بڕی ئەو 250 هەزار دینارەی وەک مووچەی مانگانە بۆ هەریەکەیان تەرخانکراوە و دەبێت لەڕێگای قائیمقامیەتی کەرکووکەوە پێیان بدرێت.[2]=KTML_Photo_Begin=https://www.kurdipedia.org/files/relatedfiles/2018/152213/0009.JPG=KTML_Photo_Alt=دووەمین خەڵاتی وەدات بەخشرا=KTML_Style=width:30%;height:20%;float:right;=KTML_Photo_Target_Link=https://www.kurdipedia.org/files/relatedfiles/2018/152213/0009.JPG=KTML_Photo_End=
- بەبیانووی هەبوونی بارەگاکانی #پەکەکە#، هێزە ئاسمانییەکانی تورکیا چەند ناوچەیەکیان لە سنوری شارۆچکەی #ئامێدی# و #ئاکرێ#ی سەر بە پارێزگای #دهۆک# بۆردومانکرد.[1]
- بەهۆی بەرزی و نزمی دراوی کۆماری ئیسلامی ئێران، بازرگانان لە شاری سلێمانی توشی زیانبوون و بەشێکیشیان مەمەڵەکردنیان لەگەڵ بازرگانانی ئەو وڵاتە وەستاندووە.[1]
- دایکێک و چوار منداڵی کوردی ئێزدی لە دەستی #داعش# ڕزگارکران، دایکەکە ناوی غەزال عەلییە و منداڵەکانیشی ناویان حەبیب حوسێن، عەلی حوسێن، سامی حوسێن، دالیا حوسێنە.[4]
- پۆلیسی سلێمانی ڕایگەیاند، بەهۆی کێشەیەکی خێزانییەوە لە شارۆچکەی #پێنجوێن# کوڕێک دایکی خۆی کوشت.[4]
- دووەمین خەڵاتی وەدات حسێن، بەخشرایە هەریەکە لە ڕۆژنامەنووس و چالاکوان #نیاز عەبدوڵڵا# و ڕۆژنامەنووس #کاروان سالار#.[2]
- بە بەشداری ژمارەیەکی بەرچاو لەگەنجانی شارۆچکەی پێنجوێن، ماراسۆنێکی ماوە درێژ کە لەلایەن ناوەندی وەرزش و لاوان بەهاوکاری گروپی ژیانەوە ڕێکخرابوو لەبەردەم قایمقامیەتی قەزای پێنجوێن تا دەروازەی قەزاکە بەرێوەچوو.[1]
$دەرەوەی کوردستان$=KTML_Photo_Begin=https://www.kurdipedia.org/files/relatedfiles/2018/152213/0011.JPG=KTML_Photo_Alt=لە گاڵتەوگەپەکانی ئەمڕۆ: 13-08-2018=KTML_Style=width:25%;height:20%;float:left;=KTML_Photo_Target_Link=https://www.kurdipedia.org/files/relatedfiles/2018/152213/0011.JPG=KTML_Photo_End=
- بە بەشداری ژمارەیەک هاوڵاتی، کە زۆربەیان گەنج بوون، لە دورگەیەکی وڵاتی یۆنان یادی وەدات حسێن، پەیامنێری تیرۆرکراوی ڕۆژنیوز کرایەوە.[3]
- داواکاری گشتی تورکیا دەستیکرد بە گرتنەبەری ڕێوشوێنی یاسایی توند لە دژی ئه و کەس و لایەن و دامەزراوانەی بە وتەی ئەوان ڕۆڵیان لە دابەزاندنی نرخی لیرەدا هەبووە بەرانبەر بە دۆلاری ئەمریکی و بۆ کەمکردنەوەی کاریگەریی دابەزینی نرخی لیرەش ئەنقەرە مامەڵەی لەدۆلارەوە گۆڕی بۆ یۆرۆ.[1]
- ئەنگێلا مێرکڵ، ڕاوێژکاری ئەڵمانیا ڕایگەیاند، ناسەقامگیری ئابووری لە تورکیا لە بەرژەوەندی هیچ لایەنێک نییە.[4]
- دۆناڵد ترامپ سەرۆکی ئەمریکا پرۆژە یاسایی بودجەی ساڵی 2019ی پنتاگۆنی واژۆ کرد. بە واژۆکردنی ئەو پرۆژە یاسایە فڕۆکەی جەنگیی جۆری ئێف 35 (F-35) بە تورکیا نادرێت.[5]

ژووری چالاکییەکانی توڕەیی زەیتون ڕاگەیاندراوێکی لەبارەی چالاکیی هێزەکانیان لە ڕۆژی 11ی ئابی 2018دا لە گوندی دێر بەلوت لە ناوچەی جندرێسی #عەفرین# بڵاوکردەوە. لە ڕاگەیاندراوەکەدا هاتووە، 2 چەتەی فەیلەقی شامی سوپای تورکیای داگیرکەر کوژراون.
بەپێی ڕاگەیاندراوەکەی ژووری توڕەیی زەیتون، چەتەیەک بە ناوی خالد هایک لە گوندی زەکات لە دەورووبەری باکووری حەما و چەتەیەکی تر بە ناوی ئەحمەد خەتاب لە گوندی حوێزی سەر بە ناوچەی سەهل خاب کوژران.
راشگەیاندراوە، ئەو 2 چەتەیە لە سەرەتای هێرشی داگیرکردن بۆ سەر عەفرین دەستیانکردبوو بە تاڵانکردنی ماڵ و موڵکی هاووڵاتیانی عەفرین و چەندین کردەوەی دڕندانەیان لە دژی هاووڵاتییانی عەفرین ئەنجام دابوو.
لە کۆتایی ڕاگەیاندراوەکەی ژووری توڕەیی زەیتوندا هاتووە ئێمە وەک یەکینەکانی ژووری توڕەیی زەیتون بە هەموو ئەو گروپە چەکدارانەی کە خاکی پیرۆزیان داگیرکردووە دەڵێین؛ دەبێت زووترین کات لە خاکی پیرۆزی زەیتون بچنە دەرەوە. ئەگەرنا هەمووتان دەبنە ئامانجی یەکینەکانمان.[1]
#13-08-2018#