$رۆژهەڵاتی کوردستان$
- بە پێی ڕاپۆرتی ڕێکخراوی مافی مرۆڤی هەنگاو، ئێوارەی ئەمڕۆ، هێزەکانی ڕژیم لە ناوچەی سنووری “ئەلەند” لە شاری خۆی ژمارەیەک لە #کۆڵبەر#انی ئەو ناوچەیەیان دایە بەر دەستڕێژی گوللە و لە ئاکامدا دوو کۆڵبەر گیانیان لە دەستدا. بە پێی ئەم ڕاپۆرتە، لەئەنجامی ئەم ڕووداوە دوو کۆڵبەر بە ناوەکانی “مۆحسین دەروێش زادە” و “ئیبراهیم جوردیزج” خەڵکی گوندی “کەرکووش“ی سەر بە شاری خۆی کرانە ئامانج و بەهۆیەوە گیانیان لەدەستدا. هەر لەم پێوەندەدا، ڕۆژی پێنجشەممە هێزەکانی ئینتزامیی ئۆستانی #لوڕستان# لە جادەی شاری برووجێرد، ماشینی کاسبکارێکی خەڵکی #سەقز#یان بە ناوی ” هادی گوڵابی” تەمەن 41 ساڵیان بە گومانی هەڵگرتنی شتومەکی قاچاخ دایە بەر دەستڕێژی گوللە و بە هۆیەوە ناوبراو گیانی لە دەستدا. جێگەی ئاماژەیە، لە ماوەی 10 ڕۆژی ڕابردوودا لانیکەم 11 کۆڵبەر بە تەقەی ڕاستەوخۆی هێزەکانی ئێران و تورکییە برینداربوون یاخود گیانیان لەدەستداوە.[7]=KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2020/382145/0007.JPG=KTML_ImageCaption_Title=گیان لەدەستدانی دوو کۆڵبەر بەتەقەی هێزەکانی ڕژیم لە خۆی=KTML_ImageCaption_CaptionStyle=000000=KTML_ImageCaption_Caption=گیان لەدەستدانی دوو کۆڵبەر بەتەقەی هێزەکانی ڕژیم لە خۆی=KTML_ImageCaption_End=
- سێ کاسبکاری کورد لە ئەنجامی تەقەی هێزە نیزامییەکانی حکوومەت لە بەرزاییەکانی سنووری #پیرانشار#، بەسەختی بریندار بوون. شوناسی ئەو سێ کاسبکارە، کامیل، کەماڵ گوهری تەمەن 23 ساڵ و ڕەسووڵ چەپلەک و خەڵکی پیرانشار ڕاگەیەندراوە. هێزە نیزامییەکانی حکوومەتی ئێران، ئەو سێ کاسبکارە کوردەیان بە گومانی هەڵگرتنی شتومەکی قاچاخ داوەتە بەر دەستڕیژیی گوللە. ئەو سێ کاسبکارە بۆ چارەسەریی پزیشکی ڕوانەی ناوەندی دەرمانیی #چۆمان# لە هەرێمی کوردستان کراون.[6]
- هاووڵاتییەکی کورد بە ناوی شارام مستەفاپوور خەڵکی گوندی ماوانەی ناوچەی تەرگەوەڕی #ورمێ# کرایە ئامانجی تەقەی ڕاستەوخۆی هێزە نیزامییەکانی حکوومەتی ئێران. بە وتەی سەرچاوەیەکی ئاگادار، هێزە نیزامییەکان پاش بریندارکردنی ئەو هاووڵاتییە کوردە، ناوبراویان دەسبەسەر کردووە.[6]
- لاوێکی کورد بە ناوی ئالان بەنگین تەمەن 21 ساڵ و خەڵکی گوندی کانی ڕەشی شاری #شنۆ#، لەلایەن دادسەرای نیزامیی شاری تەورێزەوە بە 5 مانگ زیندانیی تەعزیری مەحکووم کرا.[6]
$باشووری کوردستان$
- فڕۆکە جەنگییەکانی دەوڵەتی تورک بۆردومانی گوندەکانی سنیان و بندێوانیان لە ناوچەی #برادۆست# و ناوچەی خواکورک لە سنوری پارێزگای #هەولێر# کرد.[2]
- ئێوارەی ئەمڕۆ، سوپای تورک تۆپبارانی گوندەکانی بێرکم و بیرکە و باسەکان و گۆڕ مەمک و کرچین-یان کرد لە دەڤەری برادۆست.[2]
- لە بەردەوامی پشکنینەکان و گەڕان بەدوای گومانلێکراوان، دوازدە تووشبووی دیکەی ڤایرۆسی #کۆڕۆنا#ی نوێ COVID-19 لە پارێزگای هەولێر دەستنیشانکران، پێنج پیاو و پێنج ئافرەت و دوو کچی گەنج، حەفت لە تووشبووان بەرکەوتووی تووشبووانی پێشوون، پێنج لە تووشبووان بەهۆی بوونی نیشانەکانی نەخۆشی سەردانی نەخۆشخانەیان کردووە.[3](بڕوانە فایلی پەیوەندیدار) =KTML_Photo_Begin=https://www.kurdipedia.org/files/relatedfiles/2020/382145/0006.JPG=KTML_Photo_Alt=لە مانشێتەکانی ئەمڕۆ: 28-05-2020=KTML_Style=width:30%;height:20%;float:left;=KTML_Photo_Target_Link=https://www.kurdipedia.org/files/relatedfiles/2020/382145/0006.JPG=KTML_Photo_End=
- لە بەردەوامیی پشکنینەکان و گەڕان بەدوای گومانلێکراوان و تووشبووان، 22 تووشبووی دیکەی ڤایرۆسی کۆرۆنای نوێ COVID-19 لە پارێزگای سلێمانی دەستنیشانکران، 12 پیاو، 9 ئافرەت و کوڕێکی گەنج.[3](بڕوانە فایلی پەیوەندیدار)
- وەزیری تەندروستی دۆخی ئێستای بڵاوبوونەوەی کۆرۆنا لە هەرێمی کوردستان مەترسیدارتر لە مانگەکانی سێ و چوار ناودەبات و دەڵێت، ئەگەر هاونیشتمانیان هاوکارنەبن دۆخەکە لە کۆنترۆڵ دەردەچێت. هەروەها گوتی سەرچاوەی تووشبووان لە 10 ڕۆژی ڕابردوو نادیارە و ئەوە مەترسییەکەی زیاتر کردووە.[5]
- ئەمڕۆ، بە بڕیاری شانەی قەیرانەکانی پارێزگای سەڵاحەدین و لیژنەی بەرەنگاربوونەوەی ڤایرۆسی کۆرۆنا، لە شارۆچکەی #خورماتوو#ی سەر بە پارێزگای سەڵاحەدین، ڕێگاکانی هاتووچۆکردن داخران.[2]
- ئەمڕۆ ئاگر لە دەغڵودانی جوتیارانی گوندەکانی عەبدوڵاغانم و تۆپزاوا لە سنووری شارۆچکەی #داقوق# لە شاری کەرکووک بەردرا، کە دوو گوندی کاکەیی نشینن.[2]
- پارتی تورکمان ئیللی کە لە ژێر چەتری #بەرەی تورکمانی# عێراقدایە، داوای لە مستەفا کازمی، سەرۆک وەزیرانی عێراق کرد، ڕاکان جبووری، پارێزگاری بەوەکالەت لە پۆستەکەی لاببات و لە شوێنی ئەو کەسێکی تورکمان بۆ پارێزگاری #کەرکووک# دابنێت.[2]
- پەیوەندیەکانی بەڕێوەبەرایەتی پۆلیسی ڕاپەڕین، ڕاگەیەندراوێکی بڵاوکردەوە کە تێیدا هاتووە: ئێوارەی ڕۆژی 23-05-2020 کاتژمێر 5:30 خولەک ژنێک بەناوی (د. ئ. ح) لەدایکبووی ساڵی 1987 پیشەی ژنی ماڵ، دانیشتووی #قەڵادزێ# گەڕەکی ڕاپەڕین بە سوتای گەیەندرایە #سلێمانی#، پاش 5 ڕۆژ مانەوەی لە نەخۆشخانە بەهۆی سەختی برینەکەیەوە ئەمڕۆ لە سلێمانی گیانی لەدەستدا.[2]
$رۆژئاوای کوردستان$
- ئیدارەی دەروازەی سێملکان لەسنووری نێوان هەرێمی کوردستان و ڕۆژئاوای کوردستان لەنوسراوێکدا چەند ڕۆژێک مۆڵەت بەهاووڵاتیانی ڕۆژئاوای کوردستان دەدات هەرێمی کوردستان جێبهێڵن و بگەڕێنەوە ناوچەکانیان ڕۆژئاوای کوردستان.[1]
$دەرەوەی کوردستان$
- یازدەیەمن خولی پەرلەمانی ئێران لەدووەمین دانیشتیدا دەستەی سەرۆکایەتی هەڵبژاردو محەمەد باقر قالیباف کەسایەتی سیاسی موحافیزکارەکان و نەیاری سەرەکی حکومەتەکەی حەسەن ڕۆحانی سەرۆک کۆماری ئێران بەدەنگی 230 پەرلەمانتار بەسەرۆکی پەرلەمانی ئێران هەڵبژێردرا، لەخولی داهاتوودا جێگەی عەلی لاریجانی سەرۆکی پێشووی پەرلەمانی ئه و وڵاتە دەگرێتەوە.[1]
- کیانووش جیهانپوور وتەبێژی وەزارەتی ئێران لە کۆنگرەیەکی ڕۆژنامەوانیدا ئاشکرایکرد کە 2258 کەسی دیکە لەئێران تووشی کۆرۆنابوون و ژمارەی تووشبوان گەیشتە 143 هەزار و 849 کەس. وتیشی: تا ئێستا 7627 کەس بەهۆی ڤایرۆسی کۆرۆنا گیانیان لەدەستداوە و 112 هەزار و 988 کەسیش چاکبوونەتەوە.[1]
- بەرپرسانی دەوڵەتی تورکیا ڕایانگەیاند لە ماوەی 24 کاتژمێری ڕابردوودا لەو وڵاتە هەزار و 182 کەس تووشی ڤایرۆسی کۆرۆنا بوون و 30 کەسیش بەو هۆیەوە گیانیان لەدەستداوە. بە گشتی لە تورکیا 160 هەزار و 979 حاڵەتی تووشبوون بە ڤایرۆسی کۆرۆنا تۆمار کراون و 4 هەزار و 461 کەسیش تا ئێستا گیانیان لەدەستداوە.[4]

دوا بەدوای بەیانی ژمارە (37)ی #وەزارەتی ناوخۆ#ی حکومەتی هەرێمی کوردستان لە 2020.5.27، ئێوارەی ئەمڕۆ پێنجشەممە 2020.5.28، بەسەرپەرشتی د.فرسەت سۆفی پارێزگاری #هەولێر#، ژووری ئۆپەراسیۆنی پارێزگای هەولێر بۆ بەرەنگاربوونەوەی ڤایرۆسی کۆرۆنا کۆبووەوە و کۆبوونەوە گەیشتە ئەم بڕیارانەی لای خوارەوە:
یەکەم؛ بە پشتبەستن بە بڕیاری وەزارەتی ناوخۆی حکومەتی هەرێمی کوردستان، لە ڕۆژی یەکشەممە 2020.5.31 وە، شۆفێری ئۆتۆمبێلەکانی گواستنەوەی گشتی و تاکسی بەسەرنشینەکانییەوە، دەبێت پابەندبن بە بەستنی (دەمامک) و جێ بەجێ کردنی ڕێنماییە تەندروستیەکانی خۆپارێزی لە ڤایرۆسی کۆرۆنا، بەپێچەوانەوە سەرپێچی کاران ئەو سزایەیان بەسەردا دەسەپێ کە لە خاڵی (دەیەم)ی بەیانی ژمارە (37)ی وەزارەتی ناوخۆی حکومەتی هەرێمی کوردستان ئاماژەی پێدراوە.
دووەم؛ سەرجەم (مۆڵ، مارکێت، مینی مارکێت، دوکان، بازاڕ و شوێنە گشتیەکان) ئاگادار دەکەینەوە، پابەندبن بە جێ بەجێ کردنی گشت ڕێنماییە تەندروستییەکان بەتایبەتی بەستانی (دەمامک) بۆ کرێکاران و خاوەنی دوکان و فرۆشیاران و ئەو هاوڵاتییانەشی سەردانی ئەو شوێنانە دەکەن، بە پێچەوانەوە ڕێکاری یاساییان لە بەرمبەردا دەگیرێتەبەر.
سێیەم؛ ئەو هاوڵاتییانەی کە لە پارێزگاکانی تری عێراق و ناوچە کوردستانییەکانی دەرەوەی ئیدارەی هەرێم، دەیانەوێت بێنە پارێزگای هەولێر، چ هاوڵاتی سڤیل بن، یان هێزە ئەمنییەکان، بەپێی بڕیاری وەزارەتی ناوخۆی حکوومەتی هەرێمی کوردستان دەبێت پابەندبن بەوەی لەسەر ئەرکی خۆیان بۆماوەی (48) کاتژمێر کەرنتین بکرێن و دوای دەرچوونی پشکنینەکانی ڤایرۆسی کۆرونا کە تێچووی پشکنییەکە لەئەستۆی خۆیانە لە ماڵەکانی خۆیان بمێننەوە، یان بڕوانامەی تووش نەبوونیان لەگەڵدابێت کەپێش (24) کاتژمێر لەهاتنیان بۆ پارێزگای هەولێر دەرچووبێت، دەبێت لەماڵەوە خۆی کەرەنتین بکات، بەپێچەوانەوە هەموو ئەوانەی لەو پارێزگا و ئەو ناوچانەوە دەیانەوێت بگەڕێنەوە شاری هەولێر ڕێگەیان پێنادرێت.
چوارەم؛ بۆ هاتنی ئەو هاوڵاتییانەی کە لە پارێزگا و ئیدارە سەربەخۆکانی هەرێمی کوردستان دەیانەوێت بێنە پارێزگای هەولێر، بەپێی سیستەمی ڕێگەپێدانی ئەلکترۆنی دەبێت کە لەسەر وێبسایتی وەزارەتی ناوخۆی حکومەتی هەرێمی کوردستان بەناونیشانی (mio.gov.krd) دانراوە.
پێنجەم؛ هاوڵاتییان و هاوشاریانی خۆشەویستی سنووری پارێزگای هەولێر ئاگاداردەکەینەوە، ڤایرۆسی کۆرۆنا گەیشتووەتە قۆناغێکی مەترسیدار و ڕۆژ لە دوای ڕۆژ لە تەشەنەکردنی زیاتردایە و سەرچاوەی بەشێک لە تووشبوانی ئەم دواییەش نادیارە و بەشێکی ئەوانەشی لەم دواییەدا تووشی ڤایرۆسەکە بوونە باری تەندروستییان ناجێگیرە، بۆیە داواکارین لە هەموولایەک پابەندی ڕێنماییە تەندروستییەکان بن و خۆیان لەشوێنی قەرەباڵغ و هەر جۆرە بەریەککەوتن و کۆبوونەوەیەک بپارێزن و دەمامک ببەستن.
ژووری ئۆپەراسیۆنی پارێزگای هەولێر
#28-05-2020#