هەستیار
لە ماوەی ڕۆژانی عارفه و یەکەم و دووەم ڕۆژی جەژنی قوربانەوە، نزیکەی 10 هەزار هاوڵاتی وەک گەشتیارو ئاوارە سەردانی ناوچە گەشتیارییەکانی هەرێمی کوردستان و شاری سلێمانیان کردوە، ئەمەش بەراورد بە چاو ساڵانی پێشوو ڕێژەکە بۆ نیوەی دابەزیوە.
ئارام شوانی، بەڕێوەبەری ڕاگەیاندنی گەشتوگوزاری سلێمانی بە خەندانی ڕاگەیاند: لەماوەی سێ ڕۆژی ڕابردودا هاتنی گەشتیارو ئاوارە، بۆ ناوچە گەشتیارییەکان نزیکەی 10 هەزار کەس بووە، چونکە هێشتا بۆیان جیاناکرێتەوە کێ گەشتیاربووه و کێش ئاوارە.
ئارام شوانی وتی: ڕۆژی هەینی (عارفە) لە بازگەی کەڵەوانانەوە 100 کەس، لە تاسڵوجە 890 کەس، عەربەت 613 کەس، فڕۆکەخانەی نێودەوڵەتی سلێمانی 622 کەس، مەرزی باشماخ هەزارو 275 کەس هاتوون.
ئاماژەی بەوەشدا، کە یەکەم ڕۆژی جەژنی قوربان لە تاسڵوجە 863 کەس، عەربەت 783 کەس، فڕۆکەخانەی نێودەوڵەتی سلێمانی 799 کەس، مەرزی باشماخ 730 کەس هاتوون
راشیگەیاند: ئەمڕۆ یەکشەممە دووەم ڕۆژی جەژنی قوربان، لە بازگەی کەڵەوانانەوە 42 کەس، لە تاسڵوجە 627کەس، عەربەت 642 کەس، فڕۆکەخانەی نێودەوڵەتی سلێمانی 629 کەس، مەرزی باشماخ 930کەس هاتوون.
05-10-2014

ڤیدیۆ: ئاهەنگی #جەلال سەعید# بەبۆنەی جەژنی قوربان
ساڵ: 1982
[1]

راگەیاندراوێک لە گوتەبێژی حکومەتی هەرێمی کوردستان سەبارەت بە ڕۆژانی پشووی جەژنی قوربان
جەژنی پیرۆزی قوربان لە ڕۆژی هەینی 31 تەموزی 2020 دەستپێدەکات و بەم بۆنەیەوە لە ڕۆژی یەکشەممەوە 2 ئاب تا ڕۆژی سێشەممە 4 ئاب لە تەواوی دامودەزگا فەرمییەکانی هەرێمی کوردستان پشووی فەرمییە و، ڕۆژی چوارشەممەش دەوام دەستپێدەکاتەوە.
داوا لە هاووڵاتییان دەکەین لە ڕۆژانی جەژندا لە پێناو پاراستنی تەندروستی هەموومان، پابەندی ڕێنماییە تەندروستییەکانی بەرەنگاربوونەوەی پەتای کۆرۆنا بن.
جەژنی قوربان لە هەموو لایەک پیرۆز بێت.
د. جوتیار عادل
گوتەبێژی حکومەتی هەرێمی کوردستان
#29-07-2020#

دەقی پەیامەکەی ئاراس محەمەد ئاغا:
بەبۆنەی هاتنەوەی جەژنی قوربانی پیرۆزەوە پیرۆزبایی خۆم ئاراستەی تەواوی موسوڵمانانی جیهان و بەتایبەت کوردستان دەکەم ئومێدەوارین ئەم جەژنە ببێتەهۆی بەرقەرار بوونی ئاشتی و ئارامی بۆ میللەتەکەمان،
لێرەوەش دەمەوێت بەناوی خۆم و هەڤاڵانم لە مەلبەندی حەوتی نەینەوا پیرۆزبایی لە خەلکی خۆشەویستی شاری موسڵ بکەم لە کەسوکاری شەهیدان و زیندانە سیاسیەکان و دۆست و لایانگرانمان ئەوانەی خۆینی خۆیان بەخشی بۆ ڕزگارکردنی شارەکە بۆ ئەوەی ئەمرۆکە بە ئارامی تیدا بژین.
دیارە جەژن بۆخۆی بەواتایی لێبوردەیی و تەبایی و گیانی یەکترقبوڵکردن دێت پێویستە لەو ڕوانگەیەوە لێبوردەبین و دەست لەناو دەست ئامانجمان پتەوکردنی پەیوەندی و دروستکردنی خۆشەویستی بێت لەنێوان یەکتردا،
دووبارە پیرۆزبێت ئەم بۆنە پیرۆزە و هەمیشە سەربەرزبن..
ئاراس محەمەد ئاغا
ئەندامی ئەنجومەنی سەرکردایەتی
لێپرسراوی مەلبەندی (7) نەینەوا[1]

⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!

دەقی پەیامەکەی #بافڵ تاڵەبانی#:
بەڕێزان هەڤاڵان، کادران و ئەندامانی #یەکێتیی نیشتمانیی کوردستان#.
هەڤاڵان ئەندامانی مەکتەب، ڕاوێژکاران و ئەندامانی پشتیوانی مەکتەبەکان، جێگر و کارگێڕو ئەندامانی مەڵبەندەکان.
هەڤاڵانی کارگێڕ، ئەندام کۆمیتەکان و ئۆرگان جیاوازەکانی یەکێتیی نیشتمانیی کوردستان.
بەبۆنەی جەژنی قوربانی پیرۆزەوە پیرۆزباییەکی گەرم ئاڕاستەی ئێوە و کەسوکار و خانەوادە بەڕێزەکەتان دەکەم و هیوادارم جەژن لە خۆشی و کامەرانیدا بەسەربەرن.
هەڤاڵانی تێکۆشەر
دەمەوێت ئەم بۆنە پیرۆزە بکەمە دەرفەتێک تاوەکو سوپاس و پێزانینی خۆمتان ئاڕاستە بکەم لەبەرامبەر هەوڵ و ماندووبوونتان بۆ ڕاپەڕاندنی ئەرکەکانتان بە دڵسۆزییەکی یەکێتییانە و قارەمانانەوە.
دڵنیام بە هەوڵی بێوچان و ڕۆحی شۆڕشگێرانەی ئێوەوە گەشەی زیاتر بە حزبەکەمان دەدەین و درێژە بە سیاسەتی حەکیمانەی سەرۆک #مام جەلال# دەدەین کە خۆی لە پاراستنی یەکێتی ناو یەکێتی، گەیاندنی ئامانج و پەیامی حزبە تێکۆشەرەکەمان و خزمەتکردنی زیاتری کۆمەڵانی خەڵکی کوردستان دەبینێتەوە.
دووبارە جەژنتان پیرۆزبێت و هەر شاد و سەرفرازبن.
برا و دڵسۆزتان
بافڵ #جەلال تاڵەبانی#
سەرۆکی یەکێتیی نیشتمانیی کوردستان[1]

⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!

دەقی پەیامەکەی دەرباز کۆسرەت ڕەسوڵ:
بەبۆنەی هاتنەوەی جەژنی قوربانی پیرۆز، پیرۆزبایی گەرمی خۆم ئاراستەی سەرجەم موسڵمانانی کوردستان و جیهان دەکەم، ئاواتەخوازم ئەم جەژنە ببێتە مایەی خێرو خۆشی بۆ گەلەکەمان، ئەرکە لەسەر هەموومان لەهێزو لایەنە سیاسییەکان هەنگاوی جدی بنێین بۆ چارەسەرکردنی کێشە سیاسییەکان لە چوارچێوەی دەستوورو مافە نەتەوەییەکانمان.
دووبارە جەژنی قوربان لە پێشمەرگە قارەمانەکان و کەسوکاری سەربەرزی شەهیدان و سەرجەم گەلی کوردستان پیرۆز دەکەم.
دەرباز کۆسرەت ڕەسول
کارگێڕی مەکتەبی سیاسی
#یەکێتیی نیشتمانیی کوردستان#[1]

بەبۆنەی جەژنی پیرۆزی قوربان، گەرمترین پیرۆزبایی ئاراستەی موسڵمانانی هەرێمی کوردستان و عێراق و جیهان دەکەم ، بە تایبەتی پێشمەرگە قارەمانەکان و هێزەکانی ئاسایشی ناوخۆ و کەسوکار و بنەماڵەی سەربەرزی شەهیدان و ئەنفالکراوان. ئومێدەوارم لە کەشێکی ئارام و شادیدا، ڕۆژانی جەژن و پشوو بەسەر ببەن.
بەو هیوایەی جەژن ببێتە مایەی تەبایی و لێبوردەیی و خێر و خۆشی و پێشکەوتنی زیاتری نیشتمانەکەمان و دەستەبەربوونی ئاشتی و سەقامگیریی لە ناوچەکە و جیهان بە گشتی.
جەژنتان پیرۆز بێت و خوای مەزن کوردستان بپارێزێت. [1]

#مەسرور بارزانی#
سەرۆکی حکومەتی هەرێمی کوردستان
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

بەناوی خوای گەورە و میهرەبان
بەبۆنەی هاتنەوەی جەژنی پیرۆزی قوربان، پیرۆزبایی لە سەرجەم خەڵکی کوردستان و عێراق دەکەم. پیرۆزبایی گەرم ئاراستەی خانەوادەی سەربەرزی شەهیدان و #پێشمەرگە# قارەمانەکانی کوردستان دەکەم.
هیوادارم هەموولایەک جەژن بە خۆشی بەسەر ببەن و حاجییەکانمان بە سەلامەتی فەریزەی حەج بەجێ بگەیەنن و خوای گەورە حەج و پاڕانەوەکانیان قبوڵ بکات
#مەسعود بارزانی#
#20-08-2018#

دەقی پەیامەکەی مەکتەبی ڕێکخستنی #یەکێتیی نیشتمانیی کوردستان#:
بەبۆنەی هاتنی جەژنی قوربانی پیرۆزەوە، بەناوی لێپرسراو و تەواوی هەڤاڵانی مەکتەبی ڕێکخستنەوە درود وسڵاو بۆگیانی پاکی سەرۆک #مام جەلال# و تەواوی شەهیدانی ڕێگای ڕزگاری کوردستان دەنێرین و گەرمترین پیرۆزبای لە کەس و کاری سەربەرزی شەهیدان و پێشمەرگەو زیندانیانی سیاسی و تێکۆشەران دەکەین.و پیرۆزبایی ئەم جەژنە لە هەموو ئەندام و دۆست و لایەنگرانی یەکێتیەکەمان و کۆمەڵانی خەڵکی کوردستان دەکەین.
ئومێدمانە ئەم جەژنە ئاسودەی و شادی بۆگشت لایەک بهێنێت و هاندەر بێت بۆ باشترکردنی گوزەرانی کۆمەلانی خەلک و پێشکەوتن و دادپەروەری و بێتە مایەی بەدیهێنانی تەواوی مافەڕەواکانی گەلەکەمان، دووبارە پیرۆزە.
مەکتەبی ڕێکخستن[1]

⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!

جەژنی قوربان لە گەلی کوردستان و هەموو جیهانی ئیسلام پیرۆزبێت
بەیانی جەژنە، جەژنی قوربانە. بەداخەوە ئێمە ئەمجارەش لە ڕەوشێکی ئاڵۆزدا جەژن پیرۆزدەکەین. لە باکوری کوردستان هێرشی قەلاچۆکردن لە دژی گەلی ئێمە بەردەوامە. خەڵکی کودستان کۆمەڵکوژ ئەکرێن ژینگەی ئێمە وێران ئەکرێت. هەڕەشە گەفی نەیاران لەسەر ڕۆژاوای کوردستان لە زیادبووندایە. لە ڕۆژهەڵات گوشارو ه گوشارو هرشی دەوڵەتی ئێران لەسەر خەڵک بەردەوامە. کێشە و گرفتەکان و سەختی ژیانی خەڵک تا دێ قووڵتر ئەبن. لە باشووری کوردستان قەیرانی ئابووری و سیاسی و کۆمەڵایەتی درێژەیان هەیە. کێشەی ناوچە دابڕاوەکان چارەسەر نەکراون. سەرەڕی ئەوانەش هێرش و داگیرکاریی تورکیاشیان هاتۆتە سەر.
دەوڵەتی تورکیا نەکە تەنیا لە باکور، بەڵکو لە ڕۆژاواو باشووریش هێرش دەکاتە سەر گەلی ئێمە. دەوڵەتی تورکیا بەشێک لە خاکی ڕۆژاوای کوردستان و بەشێک لە خاکی باشووری کوردستانی داگیرکردووەو دەشیەوێ داگیرکاریەکەی فراوان بکات. گەلێ ئێمە و جەنگاوەرانی ئازادیش لە بەرامبەر ئەم هێرش و داگیرکاریانە بە هەموو شێوازێک بەرخۆدان دەکەن. بە قارەمانی و فیداکاریەکی زۆر شکست بەو هێرشانە دێنن.
سەیرە، ئەوەی لە جەژنی قورباندا هێرش دەکاتە سەرمان، نەک هەر خۆی بە #موسڵ#مان دەزانێ، بەڵکو خۆی وەک سەرکردەو ڕابەری موسوڵمانان دەناسێنێ. لە ڕۆژی جەژندا لەبەردەم میدیاو تەلەفزۆنەکان خۆی نمایش دەکات و دەڵێ موسوڵمانی ڕاست و خێرخواز ئێمەین. لەم ڕێگایەوە دەخوازێ هێرش و تاوانەکانی خۆی بەرامبەر گەلی ئێمە بشارێتەوە.
بێگومان نە لە هەرچوارپارچەی کوردستان و نە هیچ شوێنێکی تر، گەلی ئێمە ئەو گەلەی جارنە، بەڵکو لە ناو هۆشیاری و تێکۆشانێکی نەتەوەیی دیموکراتیکی سەردەمیانەدایە. ئیتر نە سواڵکەری بەر دەرگای داگیرکەرانەو نە ژێردەستییش قبووڵ دەکات. چونکە ئەو گەلە هیوای خۆی بە خۆی و تێکۆشانی خۆی ڕێبەریی خۆیەوە گرێداوە.
ئێمە بەو هیوا و بڕوایەین کە گەلی ئێمە لە داهاتوویەکی نزیکدا، بە ئازادی و ئارامی جەژن و ئاهەنگەکانی خۆی پیرۆز دەکات. بەو بۆنەیەوە ئێمە جەژنی قوربان سەرەتا لە زیندانیان و شەڕوانانی ئازادی، لە گەلی کوردستان و تەواوی جیهانی ئیسلامی پیرۆزدەکەین.