[1]

بەشی راگەیاندنی #زانکۆی سلێمانی# بۆ کۆچی دوایی #وریا حەمەکەریم# رایگەیاند، پرسە و سەرەخۆشی خۆمان ئاراستەی بنەماڵە و هاورێیانی کەناڵی ئێن ئاڕ تی دەکەین
ئەمرۆ هەینی #07-02-2025#، بەناوی سەرۆکایەتی و سەرجەم مامۆستایانی بەشی راگەیاندنی کۆلێژی زانستە مرۆڤایەتییەکان لە زانکۆی سلێمانی، پرسەو سەرەخۆشی خۆمان ئاراستەی بنەماڵە و هاوڕێیان و کەناڵی ئێن ئاڕ تی دەکەین.
ئاماژە بەوەشکرا، بەبۆنەی گیان لەدەستدانی رۆژنامەنووسی دیاری بواری میدیا (وریا حەمە کەریم)، داواکارین لە یەزدان رۆحی کاکە وریا شاد و ئاسودە بکات، زۆر بەداخین کۆچی لەناکاوی لە ناخەوە دڵگرانی کردین. [1]

=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

پارێزگاری #کەرکووک# بۆ کۆچی دوایی #وریا حەمەکەریم# رایگەیاند، پرسەو سەرەخۆشی خۆمان ئاراستەی خانەوادە بەرێزەکەی و سەرجەم رۆژنامەنووسان دەکەین.
ئەمڕۆ هەینی #07-02-2025#، #ڕێبوار تەها#، پارێزگاری کەرکوک رایگەیاند، بە داخ و پەژارەیەکی زۆرەوە هەواڵی کۆچی دوایی ڕۆژنامەنووس وریا حەمە کەریم پەیامنێری کەناڵی ئێن ئاڕ تیمان پێگەیشت کە دوێنێ بە ڕووداوێکی هاتووچۆی دڵتەزێن کۆچی دوایی کرد.
ئاماژەی بەوەشکرد، پرسە و سەرەخۆشی لە خانەوادە بەڕێزەکەی و سەرجەم رۆژنامەنووسان دەکەین و لە خودای گەورە داواکارین بە بەهەشتی بەرینی شادبکات و سەبووری بە بنەماڵە و هاوکارانی بدات. [1]

=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

#حزبی زەحمەتکێشانی کوردستان# رایگەیاند، #وریا حەمەکەریم# ناوێکی دیاری ناو فەزای رۆژنامەگەری کوردی بوو بەو کۆچەی کەلێنێکی گەورەی لە ناو دونیای میدیا و رۆژنامەگەری دروست کرد و هەواڵی ماڵئاواییەکەی نیگەرانی کردین.
ئەمرۆ هەینی #07-02-2025#، مەکتەبی راگەیاندنی حزبی زەحمەتکێشانی کوردستان رایگەیاند، هەواڵی ماڵئاوای رۆژنامەنوس مدیاکاری دیار و بە ئەزموون وریا حەمەکەریم نیگەرانی کردین.ئاماژەی بەوەشکرد، بەو بۆنە خامناکەوە پرسە و سەرەخۆشی خۆمان لە خۆمان و کەسوکار و هاوکارانی دەکەین.
باسی لەوەشکرد، ئاشکرایە کە وریا حەمەکەریم ناوێکی دیاری ناو فەزای رۆژنامەگەری کوردی بوو بەو کۆجەی کەلێنێکی گەورەی لە ناو دونیای میدیا و رۆژنامەگەری دروسکرد.
لەکۆتایشدا دەڵێت، جارێکی دیکە پرسە و سەرخۆشی خۆمانتان پێ رادەگەیەنین و سەبووری و بۆ دایکی و کەسوکاری و هوپیشەکانی دەخوازین. [1]

=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

شاندی پەڕڵەمانی ئێراق لەسەر داوای نەوەی نوێ ئەمڕۆ سەردانی مانگرتووانی #سلێمانی#یان کرد و لەگەڵیاندا کۆبوونەوە.
ئەمڕۆ هەینی #07-02-2025#، شاندی پەڕڵەمانی ئێراق، دوای کۆتای هاتنی کۆبوونەوەکە شاندی پەڕڵەمانی ئێراق لە کۆنگرەیەکی ڕۆژنامەنووسیدا ڕایگەیاند، داواکاریەکانی مانگرتووان دەگەیەنینە سەرۆکایەتی پەڕڵەمانی ئێراق و حکومەتی ئێراق و دادگای فیدڕاڵی، لیژنەیەکیش بۆ جێبەجێکردنی داواکاریەکانیان پێکبهێنرێت.
هاوکات، دوای کۆتاییهاتنی کۆبوونەوەی شاندی پەڕڵەمانی ئێراق و مانگرتووانی سلێمانی، لە کۆنگرەیەکی ڕۆژنامەنووسیدا، #هەرێم کەمال ئاغا#، سەرۆکی فراکسیۆنی یەکێتی لە پەڕڵەمانی ئێراق داوای لە مامۆستایان کرد مانگرتنەکەیان بشکێنن.
بەوهۆیەشەوە، دەمەقاڵێ لەنێوان #سروە عەبدولواحید#، سەرۆکی فراکسیۆنی #نەوەی نوێ# و سەرۆکی فراکسیۆنی یەکێتیدا درووستبوو بەرپەرچی یەکترییان دایەوە.
سەرۆکی فراکسیۆنی نەوەی نوێش ڕایگەیاند، شکاندن و نەشکاندنی مانگرتن لە دەستی مامۆستایان خۆیاندایە و بە هەموو شێوەیەک پشتیوانیان دەکەن.
وتیشی، دەستخۆشی لە ئازایەتی مانگرتووان دەکەن و ئەو کارەی مانگرتووان دەیکەن کارێکی بوێرانەیە. [1]