$رۆژهەڵاتی کوردستان$
-حزبی دیموکراتی کوردستانی ئێران (حیزبی دێموکراتی کوردستانی ئێران) بڵاویکردەوە، 2 #پێشمەرگە#یان لە ناوچەی #پیرانشار# لەشەڕێکدا لەگەڵ هێزەکانی سوپای پاسداران شەهیدبوون. حیزبی دێموکراتی کوردستانی ئێران ڕاشیگەیاندووە، لەو شەڕەدا 4 پاسدار کوژراون و 6 پاسداری تریش برینداربوون. بەپێی ڕاگەیاندراوێکی سوپای پاسدارانیش، جگە لە شەهیدبوونی ئەو 2 پێشمەرگەی حیزبی دێموکراتی کوردستانی ئێران، 4 پێشمەرگەی تریش برینداربوون.[4]
$باشووری کوردستان$
- درەنگانی شەوی ڕابردوو لە نزیک شیرینی شەکرچی ڕێگای بەغدا لە #کەرکووک# بە دەستریژی گوللە ئەفسەرێکی #وەزارەتی پێشمەرگە# بەناوی موزەفەر حەمە تاهید شەفیق کوژرا.
- لە سنوری شارۆچکەی #زاخۆ#ی سەر بە پارێزگای #دهۆک# بۆمبێک بە ئۆتۆمبێلێکدا تەقیەوە و بەهۆیەوە دوو کەس بریندار بوون و بە وتەی سەرچاوەیەکیش ئەو ئۆتۆمبێلەی بۆمبەکەی پیادا تەقیوەتەوە سەر بە سوپای تورکیا بووە.
- بەهۆی ڕووداوێکی هاتووچۆوە لە نزیک شارۆچکەی #چەمچەماڵ# پاسێکی گواستنەوەی حاجیان بۆ فرۆکەخانە وەرگەڕا و حاجییەک مرد و زیاتر لە 30 کەسی تر برینداربوون.
- زیاتر لە 200 خوێندکاری پڕۆژەی تواناسازیی بەمەبەستی پێدانی ئەو 30 ملیۆن دۆلارەی کە ئەنجومەنی وەزیران بڕیاری خەرجکردنی داوە خۆپیشاندانێکیان لە بەردەم #وەزارەتی خوێندنی باڵا# لەشاری #هەولێر# ئەنجامدا.[1]
- جموجۆڵی چەکدارانی #داعش# لە زنجیرە چیای #حەمرین# زۆر بووە. زانیارییە هەواڵگرییەکانی پێشمەرگە دەریانخستووە دوای لەدەستدانی #موسڵ#، ئێستا ئەم شوێنە بووەتە پێگەی سەرەکی چەکدارانی داعش و لەژێر ناوی (ویلایەتی جەبەل) خۆیان ڕێکخستووەتەوە.[2]
- خۆڵ و خاشاک شەقامە گشتییەکانی کەرکووکی داپۆشیوە، بەڕێوبەری شارەوانی کەرکووک- یش هۆکارەکەی دەگێڕێتەوە بۆ کەمی کارمەندی پاککردنەوە، هاوڵاتییەکیش ئاشکرای دەکات کە مانگانە پارە دەدەن بۆ پاککردنەوە.[3]