- داعش لە گوندی عاشق، نزیک کەسکێ هێرشی کردە سەر هێزی پێشمەرگە، لە ئەنجامدا هێرشەکەیان بەخراپی شکا و پێشمەرگەیەک شەهید بوو.
- وتەبێژی‌ پۆلیسی‌ پارێزگای‌ سلێمانی‌ ڕایدەگەیەنێت، هونەرمەند میکایل بەهۆی‌ فیشەکی‌ دەمانچەوە بریندار بوو.
- لە کەنارەکانی یۆنان، 45 هاوڵاتی کوردی ئێزدی نقوم بوون. مەیسەر حاجی ساڵح، قایمقامی پێشووی شەنگال لە لێدوانێکی ڕۆژنامەوانیدا جەختیکردەوە، بەلەمێک کە 45 هاوڵاتی ئێزدی کۆچبەری دەگواستەوە، لە دەریای ئیجە، لەنێوان تورکیا و یۆناندا نقوم بووە. ڕوونیشیکردەوە، تەرمی 21 قوربانیی ئەو ڕووداوە دۆزراونەتەوە و 13 کەسی تریشیان ڕزگاریان بووە. 11کەی تریش، بێسەروشوێنن.