- لە تۆڵەی هێرشەکەی یەکێتیی نیشتمانیی کوردستان و ئێران بۆسەر بیرە نەوتەکانی کەرکووک، سوپای ئێڕاقی لە کاتژمێر 15.00 هێرشی کردە سەر گوندەکانی قەشقە، کانی سڵێمانە، خوڕ خوڕ، سارتک، ئاوماڵ، شەیتان، سێ کانی، سێگردکان، ئۆمەر گۆمبەت، بەردە سپی و نێرەگین، هێزێکی یەکێتیی نیشتمانیی کوردستان و حشع بەرەنگاریان بوون و چەندین کەسیان لێ کوژرا. هاوکات لەگەڵ ئەم هێرشەدا، کاتژمێر 14.00 هێرشێکی تریش کرایە سەر گوندی ئیلینجاغی نزیک کۆیە و هێزەکانی یەکێتیی نیشتمانیی کوردستان بەریان پێ گرتن و چەند زیانێکی تریشیان پێ گەیاندن، لەو شەڕەدا 6 پم شەهید بوون، لەوانە: شەهید یوسف جەمیل قەشقە و شەهید مەغدید.