دلێگەو یاۋنەری و چاپەمەنی هێزەکا پارێزنای گەلی #هەپەگە#-ی، دەربارەو چالاکی گەریلای زانیاریش دان و ئاشکراش کەردەن: جە 16و حوزەیرانی جە چوارچێوەو هەڵمەتەو شۆڕشگێلێ شەهیدا پیرۆز و ئاگری-یەنە، گەریلاکێ هەپەگە-ی و یەژەئاستار-ی، گورزێ فرە قورسێشا جە سپای تورکیای داگیرکەری دێنێ.
سەعات 15:00و دمانیمەڕۆی 16و حوزەیرانی جە شارچەو چەلێی سەر بە پارێزگای جۆلەمێرگی، چالاکی دژ بە گرێ خەرەگۆڵێ چالاکیشا ئەنجام دان و بەهۆشەوە 14 سەربازێ دوژمنی کوشیێنێ.
سەعات 02:00 سەرسەبای، جە گرێ خیرەتا-و شەمزینان-یچ، گەریلا دژ بە سەربازا سپا تورکیای چالاکیشا ئەنجام دان و چاگێچە 2 سەربازێ تەرێ کوشیێنێ.
هەپەگە ئاماژەش بە چالاکی گەریلای جە 11و حوزەیرانی جە دەگاو دێرخۆستی سەر بە شارچەو لجەی ئامەدی دان و وەڵاشکەردەنەوە: گەریلا جە سپای ئۆپەراسیۆنکاری تورکیاش دان و جە ئەنجامەن 4 سەربازێ کوشیێنێ. دمای چالاکییەکەی چەندین کەسێ خەڵکو دەگاکێ جەلایەن سپای تورکیای دەستگیرێ کریێنێ و ئەشکەنجە درینێ. دماتەر بە بێ ئەنجام سپا تورکیای کێشیانەوە.
هەپەگە دەربارەو جەنگی جە ناوچەو دهێ-ی سەر بە پارێزگاو سێرتی، زانیاریش دان و ئاشکراش کەردەن: جە 7و حوزەیرانی جە مەیدانو مەمرای دهێ، جەمیانو گەریلای و سەربازا تورکاییەنە جەنگ قومیان و جە ئەنجامشەنە گەریلایێ شەهید بیەن، کە شناسنامەکەش پەی جۆرەنە:
ئەژناسیا بە: چەکدار ئامەد
نامێ و دمانامێ: ئەمرا پۆڵات
یاگێ جە ئەدابیەی: ئامەد
نامێ ئەدێ و تاتەی: ئەسما - محەمەد سەلیم
یاگێ و وەختو شەهیدبیەی: سێرت - 7و حوزەیرانی
هەر جە جەنگەکەنە، گەریلایێ تەر بەنامێ (حاجی گۆکتاش) ئەشناسیا بە (هەرەکۆل چراڤ)ی، بە برینداری بە دیل گیریان.[1]
#17-06-2018#