#کۆيە#ی شاعيران و هونەر و لانکی شۆڕش و وێستگەی ژيار پڕيەتی لەهونەرمەندی مەزن ئه و مەزنانەن کۆيەييان کردووە بەوێژەجاڕ و هونەرجاڕی باشوری کوردستان ئەگەر بوار برەخسێت هەرجارە و لە لاسکە نێرگزێکی نێرينە و گوڕەی بەهاری کۆيە بدۆێم #کورديپێديا#بەوراتی مێرجاڕ-ان ئاشنا دەکەم بۆ ئەمجارە باس لە ژەنيارێکی گەورە دەکەم ئەويش(مامۆستا هەژار)ە.
ناوی تەواوی(هەژار محەمەد عەلی)يە، لەساڵی 1964لەسەروبەندی پەلاماری (حەرەس قەومی-پاسەوانی نەتەوەيی) بەعسيەکان-حزبی بەعسی عەرەبی ئيشتراکی، لە کۆيەی گڵپە و بەرەنگاری لەگەڕەکی(بايزئاغا)ی مێژويی و بنەچەی کۆيی-يان چاوی بەژيان هەڵهێناوە، لەکۆيە خراوەتە بەرخوێندن و لەساڵی خوێندنی(1984-1985) بڕوانامەی دبلۆمی لە(پەيمانگای مەڵبەندی مامۆستايانی #هەولێر#) بەدەستهێناوە، هەر لەبواری خوێندندا لەساڵی خوێندنی(2017-2018) پەيمانگای گەشە و ڕاهێنانی لەشاری هەولێر تەواو کردووە.
مامۆستا هەژار هەرچەندە سەرپەرشتيارێکی پەروەردەيی يە لە پەروەردەی کۆيە بەڵام زياتر وەک موزيک ژەن و هونەرمەندێکی مەزنی کۆيە دەرکەوتوووە، ناوبراو لەهاوينی ساڵی(1978) واتە لە تەمەنی(14)ساڵيەوە بەشداری يەکەم(خولی فێربوونی موزيک)ی کردووە و لەسەر دەستی مامۆستايان(سەردار ئەحمەد و ئەنوەر تاهير و زاهير محەمەد) فێری سەرەتاکانی هونەری موزيکيان کردووە.
لەنێوان ساڵانی(1978-1983) بووە بەسەرۆکی ئه و تيپە موزيکيەی لە (مەڵبەندی لاوانی کۆيە) له و نێوەندەدا هەر خولێکی موزيکی لەشارەکەی(حاجی-کۆيە) کرابێتەوە بەشداريکردووە وئاستی ڕۆژ بەرۆژ لە بەرزبوونەوەدا بووە، تاوەکو لەيەکەم بەرهەمی تەلەفزيۆنی لەگەڵ(تيپی موزيکی باواجی)کۆيە لە بەغداد بەشداربووە وەک موزيک ژەن لەساڵی(1979) هەر به و هۆيەشەوە توانيويەتی بەشداری ڤيستڤاڵەکانی قوتابخانەکانی سەرتاپای وڵاتی عێراق بکات لەساڵی(1980)، ڕۆژ بە ڕۆژ تواناکانی مامۆستا هەژار بووە بەمايەی سەرنجی موزيک ژەن و ئەندامانی تيپی موزيکی باواجی و ساڵی(1984) دەکرێتە ئەندامی تيپی موزيکی باواجی کە يەکێکە لە تيپەموزيکيە ناودارەکانی باشوری کوردستان لە ڕەسەنی وخزمەتکردنی هونەری کوردی.
لەنێوان ساڵانی(1991-1993)لەرێگەی هەڵبژاردنەوە بە بەرێوەبەری هونەری(تيپی موزيکی باواجی) هەڵبژێردراوە، سەرکەوتنەکانی بەردەوام دەبێت له و تيپە موزيکيەی کۆيە تاوەکو لە نێوان ساڵانی(1993-1998) بەسەرۆکی تيپی موزيکی باواجی هەڵبژێردراوە، ئەمەش بەيەکێک لەوێستگە جوانەکانی خزمەتی هونەری کوردی مامۆستا هەژار دادەنرێت.
يەکێک لە وێستگە پڕ شانازييەکانی مامۆستا هەژار ئەوەيە لەساڵی 1993لە شارەدێی-ناحيەی #تەقتەق# خولێکی موزيکی بۆ کۆمەڵێک گەنج و هەواداری موزيک کردۆتەوە و دواتر لەپێکهاتەی بەشداربووان بناغەی پێکهێنان و دامەزراندنی(تيپی موزيکی تەقتەق)ی لێکەوتەوە و سەرپەرشتيکردن تا چەندين بەرهەمی بەپێزو ڕەسەنی کورديان بۆ تەلەفزيۆن تۆمارکرد ئاوازی گۆرانيەکان هونەرمەندان (عەبدوڵلا مەجيد و فاخير تاليب و فاتح بێ لان)دايناوە و مامۆستا هەژار موزيکيەکەی بۆ ئامادەکردوون، لەم ڕووە وە مامۆستا هەژار بەرابەر و دامەزرێنەری تيپی موزيکی تەقتەق دادەنرێت.
هەروەها لەسەنتەری گەنجانی کۆيە لەنێوان ساڵانی(2007-2010) چەند خولێکی جۆراوجۆری موزيکی کردۆتەوە چەندين هونەرمەندی بەتوانای پێگەياندووە و هەندێکيان بەئاستێکی زۆر بەرزەوە لەکەناڵەکانی ڕاگەياندن و تەلەفزيۆنەکان دەبينرێن.
مامۆستا هەژار ئێستا سەرپەرشتياری پسپۆڕييە لە يەکەی سەرپەرشتيکردنی پەروەردەيی پەروەردەی کۆيە.