دەڵێی جولەکەیە خمی لێ شێواوە
خم: هەژ، هەش، چویت، نیلی تێرییشی پێ دەوترێت، کە بەن وخام و بڵوری شاڵ وکڵافە و خوری دەکرێتە ناو خوم: واتە کوپە، مەرکانە، ئه و شوێنەشی ئه و کارەی لێ دەکرێت پێی دەوترێت : خمخانە، دواتر بەنە ڕەنگ کراوەکان شاڵ و بەرماڵ و جاجم و مافور و بەڕە و فەرشی پێ دروست دەکرێت.
ئه و کارە لە نیوەی یەکەمی سەدەی بیستەم(1900-1950) زیاتر کوردە جولەکەکان لە شارەکانی کوردستان دەیانکرد، دواتر کوردە موسڵمانەکانیش فێربوون، ئەوانەی کاری جۆڵایی و تەون و تەونکاریان دەکرد، کاری خومخانەیان دەکرد، ئینجا لەبەر ئەوەی کاری خومخانە کارێکی ورد و قورس بووە و پیشەی سەرەکی هەندێک لە جولەکەکانیش بووە، ئەگەر هەڵەیەک ڕوویبدایە زۆر نیگەران دەبوون کە خوری و ڕەنگکردنەکە زیانی بەر بکەوتایە چونکە کەسابەت و بژێویی ژیانیانی لەسەر بووە، ئه و نیگەرانی و سەرلێشێواویە بووە بەئیدیۆم و ئەگەر کەسێک بشێوێت وبشلەژێت و پەڵەپڕوزکاوی پێوە بێت لە کارێک پێی دەوترێت(دەڵێی جولەکەیە، خمی لێ شێواوە).[1]
Այս տարրը գրվել է (کوردیی ناوەڕاست - Central Kurdish) լեզվով, սեղմեք պատկերակը
![](https://www.kurdipedia.org/images/flags/ku.png)
բացել իրը բնագրի լեզվով
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Այս տարրը արդեն դիտվել 1,454 անգամ
Գրեք ձեր մեկնաբանությունը մոտ այս նյութը!