بەخێرا بنە برنجەکی، سەد داڕوجان ئاوێ دەخواتەوە
(داڕوجان-کاڕووشە) ڕووەکێکی فرە ساڵیە، حەوت ساڵان وشکی بکەنەوە دواتر بارودۆخی گونجاو بێت دەست بەڕوان و شین بوونەوە دەکات، زیانی زۆری بۆ بەرووبومە کشتوکاڵیەکان هەیە بەتایبەتی دانەوێڵەی برنج ، بۆیە جوتیاری کورد لە ئیدیۆمدا برنج و داڕوجانی کۆکردۆتەوە و بەماناداری گوزارشتی لێکردوون و بۆ مەبەستی تر بەکاریهێناوە هاوشێوەی(بەخێرا گوڵە گەنمەکی سەد گوڵە زیوان ئاو دەخواتەوه)، زیوان گیایەکە تۆوەکەی تاڵە لەناو دەغڵ و دان دەڕوێت و ئەگەر کەسێک بیخوات دەڵێن خەوی دێت و نانیش تاڵ دەکات ئەگەر لەگەڵ گەنمەکەی بهاڕدرێت، کوردەواری هەردوو ئیدیۆم لەکاتی ئەنجامدانی کارێک بۆ کەسێکی نزیک و هاوڕێ و دۆست یان نزیکە خوێنە، یان خەزوورانگەرە یان خۆشەویست، کە بەهۆیەوە خەڵکیتر سوود مەند بن دەوترێت(بەخێرا بنە برنجەکی، سەد داڕوجان ئاوێ دەخواتەوە) یان(بەخێرا گوڵە گەنمەکی سەد گوڵە زیوان ئاو دەخواتەوه)، یان هاوشێوەیتری هەیە دەوترێت(لەبەر خاتری خاتران، دەچمە سەر دینی کافران).[1]
Այս տարրը գրվել է (کوردیی ناوەڕاست - Central Kurdish) լեզվով, սեղմեք պատկերակը
![](https://www.kurdipedia.org/images/flags/ku.png)
բացել իրը բնագրի լեզվով
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Այս տարրը արդեն դիտվել 1,671 անգամ
Գրեք ձեր մեկնաբանությունը մոտ այս նյութը!