ئەڵێ: ژاڵە بۆ وا تاڵی؟ ئەڵێ: لەبەر برا مردن، بۆ وا جوانی؟ لەبەر دۆست و دوژمن.
گوڵی ژاڵە تامی تاڵە، لە پەندەکەدا بە برا مردن چووێنراوە، چونکە چێژی مردن تاڵە، هەروەها ڕەنگ و دیمەنی کوڵی ژاڵە جوانە، چووێنراوە بە مرۆڤ کە لەکاتی ماتەمدا، لەبەر دۆست و دوژمن، نابێت بە شانی شکاوەوە دەرکەوێت، بەڵکوو دەبێت قیت و قنج بێت، بە یەکێک ئەوترێ کە دوو ئیشی پێچەوانەی لێ ڕووبدات، هەریەکەیان بە جۆرێک پینەبکات. [1]