ناڤ: عەلی
ناسناڤ: عەلی هالۆ
ناڤێ بابی: هالۆ عەلی محەمەد
ساڵا ل دایکبوونێ: 1920
ڕۆژا شەهیدبوونێ: #23-09-1968#
جهێ ژ دایکبوونێ: گوندا #بوسەلی# باژێرێ #زاخۆ#
جهێ شەهیدبوونێ: دناڤبەرا ڕیگایە باتیڤا و زاخۆ
$ژیاننامە$
شەهیدێ فەرماندە (عەلی هالۆ عەلی محەمەد)یێ بەرنیاس عەلى هالۆ .
ل ساڵا 1920 ێ ل گوندێ بوسەلێ سەرب ناوچەيا دەرکارێ دەڤەرا سنديا سەرب دەڤەردارييا زاخو هاتیە دنیایێ.
دژيێ حەفت ساليێ دا عەلى هالۆ خواندنا قورئانا پيروز ل مزگەفتا گوندێ خو ب دوماهيک ئينايه
$خەباتنامە$
هەر لدەستپێکا پەيدابونا ڕێکخستنێن پارتی دیموکراتی کوردستان ل دەڤەرا زاخو . عەلى هالۆ پەيوەنديێ ب ڕێکخستنێن حزبى ڤە دکەت و دبيته ئەندامەکێ کارا ل دەڤەرێ
پشتی ڤەگەریانا بارزانیێ نەمر ئێکەتیا سوڤیەت ل ڕێزا سوپایێ عێراقێ تێتە دەر ب پلا ميلازمێ ئێکێ.
ل ساڵا 1958 دەمێ ڤە گەريانا بارزانی ل ئێکەتیا سوڤیەتا پێشوو عەلى هالۆ ب سەروکاتيا شاندەکی دچنە بەغدا . بو پێشوازيا جەنابێ نەمر مستەفا بارزانی.
ل ساڵا 1961 دەستپێکا شۆڕشا ئەیلوولا مەزن عەلى هالۆ دگەل هژمارەکا پێشمەرگێن قارەمان ل کەس و کارێن خو خەلکێ دەڤەرێ پەيوەنديێ ب ڕێزێت شۆڕەشێ ڤە دکەت و دبيتە پێشمەرگە
دەورەکێ مەزن دگێريت زوربەيى داستاناندا پشکداريێ دکەت . هەر ل ساڵا 1961 عەلى هالۆ ئێک ژ وان فەرماندەيا بويه کو بەشداری د ڕزگارکرنا باژێرێ زاخو دا کريه . هەر هينگێ ژی دبيتە ئەندامێ جڤاتا نافخويا شوڕەشێ.
ل پايیزا ساڵا 1961 دەمێ بارزانی دچيتە دەڤەرا بادينان عەلى هالۆ دگەل پێشمەرگە و هەڤسەنگەرێن خو دچيتە پێشوازيا جەنابێ بارزانی، دەمێ بارزانی عەلى هالۆ دبينت کو کەسەکێ ژێهاتی و خاندەڤان و مێرخاسە . پلەيا سەرقولێ شوڕەشێ پێ دهێتە بەخشين.
ساڵا 1962 عەلى هالۆ دبيته فەرماندێ بەتەليونا ئێک ل هێزا زاخو . دەورەکێ بلند دگێريت دگەل پێشمەرگێن خوە دا چەندين داستانێن مەزن تومار دکەن ژ وان داستانا گەليێ زاخو . داستانا عەين زاله . داستانا #باتيفا# . داستانا چيايێ سپی . داستانا کەمەکا و مانگێشکێ . داستانا مەغفەرا بێشابيرێ و چەندين داستانێن دی.
ساڵا 1963 عەلى هالۆ ئێک ژ وان فەرماندەيا بويه کو پشکداری د داستانا چيايێ مەتينی دا کری و سەرکەفتنەکا مەزن د بەرژەوەنديا شوڕەشێدا تومارکری
دژيێ خويێ شوڕەشگێريێ دا عەلى هالۆ ل زاخو تا دەشتا هەولێر و سلێمانيێ ژی ڕولەکێ بەرچاڤ دگێريت و دوو جاران ژی ب گرانی بريندار دبيت
ساڵا 1964 حکومەتا وی دەمی هەولا تيرورکرنا عەلى هالۆ ددەن درێکا بوريا سوپێ دارا نارنجوکەکێ دهاڤێنە مالا وی دا د ئەنجام دا هەڤژينا وى و کورەکێ وی کو ژيێ وی 10 سال بوون شەهيد بن
عەلى هالۆ ژى ب سەختی بريندار دبيت و چاڤەکێ خو ژدەست ددەت زاروکێن وی ژی بريندار دبن
ل ساڵا 1966 ژبەر شارەزايی و لێهاتيا وى د بوارێن سەربازی و کارگێری و کومەڵايەتی عەلى هالۆ دبيته ئەندامێ سەرکردايەتيا شورەشێ
مخابن ل 1968-09-23 ل سەررێکا دناڤبەرا باتيفا و زاخو د کريارەکا نەديار دا هاتنو چونێدا عەلى هالۆ گيانێ خو ژ دەست ددەت و شەهيد دبيت دگەهيته کاروانێ نەمران
هەر ل دەستپێکا شۆڕشی ئەیلوولا مەزن تا ئەڤرو بنەمالا عەلى هالۆيی 15 شەهيد داينه ل گوندێ وان ژی 122 هاتينە شەهيد و ئەنفال کرن ژ پێخەمەت ناڤێ وەلات نشتيمانەکێ ئازاد
ل ئێکێ شوباتا ساڵا 2004 د کريارەکا تيرورستی دا ل بارەگەهێ لقا دوو ل هەولێرێ برازيێ عەلى هالۆ بناڤێ مەحموود هالۆ .کو پێشمەرگێ شۆڕشا گوڵانێ (1976-1991) و سەرهلدانێ بوو هەروەها بريکارێ وەزارتا داراييا حکومەتا هەرێما کوردستانێ بوو دگەل چەند هەڤال و کادرو کەسايەتێن ديارێن کوردستانێ شەهيد دبيت.
فەرماندە و سەرقولێ شورەشا ئەيلولێ عەلى هالۆ د ژيێ خو خەبات و پێشمەرگايەتيێدا باندورەکا مەزن ل سەر ئاستێ سەرکردايەتيا شوڕەش و هەڤال و هەڤسەنگەرێن خو هەبوو
پشتی وی ژی کەس و کارێن وی ب هەمان بيرو باوەر بو خزمەتا کوردستان و ڕێبازا بارزانی هەتا ئەڤرو د بەردەوامن. [1]