جهێ وێنەی: #مەهاباد#
ساڵا گرتنا وێنەی: 1890
کەسایەتی: مەلا عەبدوڵڵایێ جەلیزادە، بابێ مەلای گەورە یێ #کۆیە#
ناڤێ وێنەگر: عەلی خانی والی قاجار
بەرچاڤ ڕونی و لێکۆڵین لسەر وێنە: #موحیب مەهابادی#
ل لاپەڕەیا 196یا ئەلبووما ریرۆکی یا عەلی خان والی قاجار وێنەیەک تایبەت سەرنجا من ڕاکێشا کو ل بن وێ ب زمانێ فارسی هاتبوو نڤیسین:
(حاج ملا عەبدولل افندی از جانب دولت عثمانی برای تبعید تبعە متمردە عثمانی از کویە سنجق ولدت خود بساوجبلاغ آمده)
حاجی مەلا عەبدوڵڵا ئەفەندی ل زێدێ خوە کۆیە بناڤا حکومەتا عوسمانی ڕە هاتییە سابڵاغ (#مەهاباد#) ژبۆ دیپۆرتکرنا وەڵاتییەکێ یاخیبوویی ژ دەوڵەتا عوسمانی
ب نەرینا من زانایێ ناڤدارێ کورد حاجی مەلا عەبدوڵڵا جەلییە کو ل سەردەمێ عوسمانی، قازیێ دەڤەرێ بوویە و دبیتە بابێ بلیمەتێ نەتەویی مەلا محەمەدێ کۆیی (#مەلای گەورەی کۆیە#) و باپیرێ بیرمەند و کەسایەتی ڕەوشەنبیرێ کورد ماموستا #مەسعود محەمەد#، هەروەسا جهێ ئیماژێیە ئەڤ وێنەیە من ل ئەلبۆما وێنەیێن دیرۆکی یێ عەلی خانی والی قاجار ڤەدیتیە کو ل ساڵێن 1846 تا 1903 ب کامێرایا خوە تۆمار کرینە و ئەڤ وێنە ل لاپەڕەیا 196یا ئەلبۆما وی دایە و وێنەیێ کەسەک دن بناڤێ عەبدوڵڵا پاشا هەر لڤی لاپەڕەی دە هەیە کو وەکە دیار قایمەقامی #هەڤلێر#ێ بوویە و هەر دگەل حاجی مەلا عەبدوڵڵا ژبەر ڤی کارەی هاتینە مەهابادێ، وێنەکە پێدچیت 1890 یان چەند ساڵان پاشی وێ بیت.
کورتەیەک ل ژیاننامەیا عەللامەیێ وەغەر کری: ماموستا جەلی ناڤێ وی ب تمامی مەلا عەبدوڵڵایێ کوڕێ مەلا ئەسعەدە، (1834 -1908) شاعیرەکێ کورد بوو کو ل ساڵا1834 ل باژێڕێ کۆیە ژدایک بوویە. دەستپێکا خوەندنا حوجرەیا مزگەفتێ لدەف بابێ خوە بوویە. ل قویناغا فەقێیەتیێ دە ھەڤاڵێ شاعیرێ ناڤدارێ کورد حاجی قادرێ کۆیی بوو.
پێکڤە بەرێ خوە دایە دەڤەرا باڵەکیان و ل گوندێ شێخ وەتمان ل حوجرەیا مەلا محەمەدێ کاک عەبدووڵڵا خوەندییە. ماموستا جەلی ل ساڵا1871 دگەل بابێ خوە سەفەرا حەجێ کرییە ل ماوێ جیبەجی کرنا حەجێ، مەلا ئەسعەدێ بابێ وی وەغەرا داویێ کرییە و ل وڵاتێ حیجازێ بخاک سپارییە، پشتڕە ئەو ب خوە ڤەگەڕیایە کۆیە و بوویە جێنشینێ بابێ خوە.
جەلی پەیوەندی و ناسیاوی دگەل مەلا و شێخ و دەروێشێن ئەوی سەردەمەی هەبوویە، وەکە شێخ عومەرێ بیارە و کاک ئەحمەدێ شێخ و عەللامە موفتی زەھاوی و هندەکێن دن.
ماموستا مەلا عەبدوڵڵا جەلی وەک ناسناڤێ هۆنراوەیی ژبو خوە هەلبژاردییە و ل پشتی وێ ئەڤە بوویە ناسناڤێ هەمی ماڵباتا وی و ب جەلی زادە هاتینە نیاسین. ماموستا جەلی ل ساڵا1908دا وەغەرا داویێ کر. [1]