ناڤ: سانیحە
ناڤێ بابی: محەمەد
ساڵا ژدایک بوونێ: 1920
جهێ ژدایک بوونێ: بەغدا
ساڵا وەغەرا داویێ: 2017
جهێ وەغەرا داویێ: وڵاتێ بەریتانیا
$ژیاننامە$
کەچا #محەمەد ئەمین زەکی بەگ#ە، ل ساڵا یا 1920ز. ل باژێڕێ باژێڕێ بەغدا ژدایک بوویە.
دەرچوویا دواناوەندی یا مەرکەزی یا بەغدایە.
ل کۆلێژا پزیشکی یا باژێڕێ بەغدا وەکە ئێکەم موسڵمان هاتییە وەرگرتن و ل ساڵا 1944 یا زایینی ئەڤ کۆلێژە تمام کرییە و دەرچوویە.
$ژیانا جڤاکی یا ئەڤێ خانمێ$
دگەل ئیحسان ڕەفعەت ژیانا هەڤژینیێ پێک ئانییە کو ئەو ژی ئەفسەرەک بوویە ل ڕیزین سوپایێ ئیراقێ.
هەر ل کۆلێژا پزیشکی یا باژێڕێ بەغدایێ مژویلی کارێ خوە بوویە و ل وێرێ دامەزریایە.
پشترە خوەندنا بڵند ل بەشا نەخوەشیێن تایبەت ب دڵی، یا کوو ب عەرەبی دبێژنێ (مفردات القلب) تمام کرییە و ب (M.S.C) هاتییە هەڤسەنگ کرن و لێکۆڵین لسەر (ڕاهاتن لسەر هۆشبەران) بەڵاڤ کرییە.
ماموستا و وانەبێژ ل (مفردات القلب ) بوویە ل کۆلێژا فارماکۆلوژی (زانستێن دەوا و دەرمانێن پزیشکی).
ساڵا 1972 یا زایینی گەشت ژبو وڵاتێ بەریتانیا و باژێڕێ لەندەنێ کرییە ژبو درێژەدان ب خوەندنا خوە یا پزیشکی.
خانما سانیحە د ژیێ 56 ساڵی ل ساڵا 1976ێ هاتییە خانەنشین کرن و وەکە ماموستایا بەشدار دگەڵ د.یۆرکستۆن ل نەخوەشخانەیا (FRIEN HOSPITAL ) ژبو نەخۆشیێن دەروونی کارێ خوە کرییە.
بو ماوێ شەش ساڵان کار لسەر نەخۆشیێن (شیزۆفرینیا) کرییە و حەفت لێکۆڵین ژی لسەر ئەوێ نەساخیێ ل گۆڤارێن پزیشکی ئێن هەردوو وڵاتێن بەریتانیا و سوید بەڵاڤ کرینە.
پێنج ساڵان ژی خزمەت و کارێ پزیشکی ل شانەشینا عەرەبی یا سعودیە کرییە.
نوژدارا پسپۆڕ یا نەخۆشیێن دەروونی بوویە ل نەخوەشخانەیا مەلیک فەهد یا سەربازی.
پێش وەغەرا داویی یا خوە ل وڵاتێ بەریتانیا دژیا.
ئەنداما کۆمەڵەیا پزیشکێن ئیراقێ - لقا ژنان یا کۆمەڵەیا مەها سوور و زارۆکێن کەم ئەندام ل زانینگەهێ بوویە.
ساڵا 2017 یا زایینی وەغەرا داویێ کرییە. [1] [2]