Το στοιχείο αυτό, σύμφωνα με Kurdipedia του (Πρότυπα) δεν έχει ολοκληρωθεί ακόμα!

دەقی پەیامەکە:
بۆ یادی ڕاپەڕینی (2. 5. 1982) ی جەماوەری شاری ڕانیەی قارەمان
کۆمەڵانی خەڵکی کوردستان...
کەس و کاری سەربەرزی شەهیدان...
ئەمڕۆ ڕۆژێکی مێژوویی یە لەدیرۆکی پڕ لە سەروەری گەلە ستەم دیدەکەمان، لە دووی ئایاری ساڵی 1982 ڕاپەڕینی جەماوەری لەم شارە بەرپا بوو، یەکێتیی نیشتمانیی کوردستان هەمیشە بۆ بەرز ڕاگرتنی سەروەری و نەبەردییەکانی گەلەکەمان و بە زیندوویی هێشتنەوەیان یادی ئەوڕۆژانەی فەرامۆش نەکردووە و بەرز ڕاگرتووە و هەمیشە لە پاڵ خەباتی شۆڕشگێڕانەی شاخ بڕِوای بە تینی بەهێزی جەماوەر و جۆرەکانی تری خەبات لەشێوەی ڕاپەڕین، مان گرتن، خۆپیشاندان بووە، هەموو کاتێ هاندەر و پشتیوانی گەورەی جۆری خەباتە جەماوەریەکان بووە، وێڕای ئەوە فریاد ڕەس و بەشدار بووە و لەم بوارەدا خاوەنی مێژوویەکی زێڕینی پڕشکۆ و خوێناوی یە.
خۆپیشاندانی قەڵادزێ لە 24. 4. 1982 کڵپەی سەند و ڕاپەڕینی جەماوەری گەورەی خولقاند کە بزوێنەر و پێشڕەوی ڕاپەڕین ڕێکخستنە نهێنی یەکانی یەکێتی بوو لە قەڵادزێ و دوژمنی داگیرکەری بەعسی ڕاچڵەکاند و تەوقی دیلێتی شکاند.
دوژمنی داگیرکەری بەعس ئه و ڕۆژانە بە هیچ جۆرێک دەستی نەدەپاراست لە کوشتن و گرتن و لەسێدارەدانی مرۆڤی کورد. هەر له و کاتەدا هەڤاڵانی ڕێکخستنە نهێنی یەکانی ڕانیەی (ی. ن. ک) بەردەوام لە هاتن و چووندابوون بۆ قەڵادزێ بۆ پشتیوانی قەڵادزێ و گواستنەوەی ئەم ئەزموونە بۆ بەرپاکردنی ڕاپەڕین لەشاری ڕِانیە، ئەوەبوو ڕۆڵە بوێرەکانی ڕێکخستنی ئەوسا کە خەڵکی ڕانیە تاک بەتاکی ئەوان و دەوری بەرچاویان بەرز دەنرخێنین توانیان کاریگەری بخەنە سەر هەست و سۆزی دانیشتوان بۆ ڕووبەڕووبوونەوەی بەعسی یەکان بەتین و گوڕێکی بەهێزەوە.
ڕاپەڕین لە دەوروبەری خوێندنگای ناوەندی لای قولەی ڕانیە دەستی پێکردووە، هەر له و شوێنە جەلادەکانی بەعس دەسڕێژیان لە خوێندکاران کردووە کە بۆتە هۆی بریندار بوونی چەند خوێندکارێک، دواتر لە دەوروبەری مزگەوتی گەورە تەجەموعی گەورە دروست دەبێت و دیسان دەسڕێژی گولە لە خۆپیشاندەران دەکرێت و خۆپیشاندان زیاتر پەرەدەستێنێ بەره و فولکەی کۆڕه و ئینجا ڕوودەکەنە سەرای ڕِانیە.
بۆ بەرەنگاربوونەوەی جەماوەر بەعس (ملازم محسن) بەدیاری دەهێنێت بۆ ڕِانیە بۆ سەرکوت و کوشت و بڕکردن، بەڵام شێرە کوڕانی ڕانیە بەم هەڵوێستە ڕقی پیرۆزیان ئەستورتر دەبێت و پەلاماری شێرە بەفرینەکەی بەعس دەدەن و بەڕاکردن فریای خۆی دەکەوێ.
چەکدارە کوردەکانی حکومەت لەڕانیە ئامادەنابن شەڕی گەلەکەی خۆیان بکەن و مەبەستیان نەبووە ڕِاپەڕین سەرکوت بکرێت و ماوەنادەن (ملازم محسن) دەست بوەشێنێ و داوای گەڕانەوەیان کردووە بۆ ئه و شوێنەی لێوەی هاتووە، هەوڵەکانیان بەئەنجامی باش گەیشتووە، خۆپیشاندان و مان گرتن بەردەوام دەبێت بە داخستنی دوکان و بازاڕ.
خوشکان برایان...
ڕاپەڕینی (دووی پێنج) لەڕانیە پەیامێکی کاریگەر و ترس هێنەر بوو بۆ عەقڵەقیەکان و بە ئاگاهێنانەوەیان کە ناکرێ گەلێک لەناو ببرێت، سەلماندیان کورد لە کاتی تەنگانەدا دەبێتەوە بەهێزێکی یەکگرتوو و تۆکمە و بەرهەڵستکار لە پێَناو مانەوە و سەرکەوتن.
هاوڕێیانی (حزبی شیوعی) هاوشانی ڕِێکخستنە نهێنی یەکانی (ی. ن. ک) ئه و ڕۆژانە سەروەریەکی گەورەیان لەمێژوی گەلەکەمان تۆمارکرد، هاوپشتی و هەڵوێستی پێشمەرگە قارەمانەکانی یەکێتی زیاتر دوژمنی هارکرد و دەستیان کرد بە گرتنی پێشڕەوانی ڕاپەڕین و ژمارەیەکیان گیران و دەست بەسەر کران.
ڕاپەڕین توانی سەر بە دوژمن شۆڕبکا و لەڕێگەی خەتیبی مزگەوتی گەورەوە داوای دانوستان بکەن و بەڵێنی جێ بەجێ کردنی داواکارییەکانی خەڵکی ڕاپەڕین بدەن و توانیان تەرمی شەهیدەکان بە هوتاف کێشانەوە بە خاک بسپێرن.
دیارە سەروەری و نەبەردی بێ قوربانی سەرکەوتن بەدی نایەت، ڕاپەڕین بەخوێَنی (3) ڕۆڵەی قارەمان سەرکەوت کە بریتی بوون لە شەهید (بابکر محمد حسن)، شەهید (عبدالله پیرۆت بایز)، شەهید (اسماعیل کاکل) و برینداربوونی زیاتر لە (سیانزە) هاوڵاتی.
لەکۆتاییدا...[1]

⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!

دەقی ڕاگەیەندراوەکەی لقی حەڤدەی #شنگال#ی #پارتی دیموکراتی کوردستان#:
لەبارەی بارودۆخی شنگال و ئەو نەهامەتیانەی بەسەر خەڵکی خۆشەویستی شنگالدا هاتووە، لە لایەن هەندێ لایەنی نابەرپرس دیسان موزایەدات لەدژی پارتی دووبارە دەبێتەوە.
لێرەدا بە بیر هەموو لایەک دەهێنینەوە کە خەڵکی شنگال خۆیان شاهیدی ئەوەن کێ بۆ شنگال قوربانی و خوێنی داوە. لەکاتی پەلاماری تیرۆریستانی #داعش# بۆسەر شنگال هەموو ئەو هێز و لایەنانەی موزایەدات دەکەن بە یەکێتی و پەکەکە و حکوومەتی عێراقیشەوە لە شنگال بوون، کەسیان بەرگرییان لە شنگال نەکرد و، تەنیا پارتی بەرگری کرد و خوێنی دا. لە پڕۆسەی ئازادکردنی چیای شنگال و ڕێگەکانی شنگال لە مانگی کانوونی یەکەمی 2014 و لە ئۆپەڕاسیۆنی ئازادکردنی شنگال لە تشرینی دووەمی 2015 ئەوە پارتی و پێشمەرگەکانی پارتی بوون بە تەنیا و بە خوێنی خۆیان شنگالیان ئازادکرد و تۆڵەیان لە تیرۆریستانی داعش کردەوە.
دوای پیلانی شازدەی ئۆکتۆبەری 2017ش پێشمەرگەکانی پارتی لەسەر داوای خەڵکی شنگال و بۆ ئەوەی شەڕ نەکەوێتە شنگال و لەنێوان شنگالییەکاندا گرفت دروست نەبێت، لە شنگال پاشەکشەیان کرد بەو مەرجەی کە خەڵکی شنگال خۆیان کاروباری خۆیان بەڕێوە ببەن و ئامانجی پارتیش ئەوە بوو دەرفەت بدرێتە دانیشتوانی شنگال کە خۆیان حوکمی خۆیان بکەن.
بەڵام ئەوە حکوومەتی عێراقی بوو بەڵێنەکانی پێشێلکرد و شنگالی دایە دەستی قەدەر و حوکمی چەکدارانی پەکەکە و میلیشیای نایاسایی کە کاریان تەنیا قاچاخ و موخەدەرات و ڕێگەگرتن لە گەڕانەوەی ئاوارەکان و یاریکردن بە چارەنووسی شنگال بووە.
هەموو لایەک ئەو ڕاستییە باش دەزانن بەهۆی داوا و ویستی خەڵکی شنگال، پارتی لە شنگال پاشەکشەی کرد ئەگینا چۆن پارتی لە پردێ و سحێلا لووتی چەکدار و میلیشیاکانی شکاند ئەوەهاش دەیتوانی لووتی دەستدرێژیکاران و چەکدارە قاچاقچیەکان لە شنگال بشکێنێت.
بەلای پارتییەوە چارەنووسی خەڵکی شنگال و گەڕانەوەی ئاوارەکان و جێگیربوونی ژیان و سەقامگیری بۆ خەڵکی مەزلوومی شنگال ئەولەوییەتی سەرەکییە، ئەوە هەمان ئەو سیاسەتە دروستەیە کە بەرژەوەندیی شنگالیەکانی دەوێت و خەڵکی خۆشەویستی شنگالیش زۆر باش لەو سیاسەتەی پارتی تێدەگەن و پشتیوانی لێ دەکەن.
بەڵگەش لەسەر ئەوە هەڵبژاردنەکانی ئۆکتۆبەری ڕابردووی عێراق بوو خەڵکی شنگال تەنیا دەنگیان بە پارتیدا و ئەوە پارتی بوو کورسییەکانی شنگالی بردەوە.
پارتی دیموکراتی کوردستان پێیوایە دەبێ دۆخی شنگال ئاسایی ببێتەوە و هێزی نایاسایی و قاچاقچی و میلیشیا لەوێ دەربچن و واز لە خەڵکی شنگال بهێنن.
پێویستە هەرچی زووتر زەمینە بۆ گەڕانەوەی ئاوارەکان بڕەخسێندرێت و شنگال بۆ خەڵکی ڕەسەنی شنگال بگەڕێتەوە.
پارتی ناشتوانێت چیتر چاوەڕێی ئەوە بێت خەڵکی شنگال لەژێر هەڕەشە و کۆڵەمەرگی و ئاوارەییدا بژیێت و یاری بە چارەنووسیان بکرێت.
لقی حەڤدەی پارتی دیموکراتی کوردستان
3ی ئایاری 2022[1]

⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!

دەقی ڕاگەیەندراوەکەی مەڵبەندی شنگالی #یەکێتیی نیشتمانیی کوردستان#:
- باسی ئەوەتان کرد کە خەڵکی #شنگال# شاهیدی ئەوەن کێ قوربانی وخوێنی داوا لە کاتی پەلاماری تیرۆرستانی #داعش# بۆ سەر شنگال ڕاستیەکە ئەوەیە ئێوەبوون کە دەسەلاتی شنگال بە دەستان بوو و ئێوە بوون کە بەرپرسی لقەکەتان دەی گوت بە دوازدە هەزار پێشمەرگە شەر دەکەین بەڵام لە ڕاستی دا شەوی پێش هاتنی داعش ئەمر پێ درا هەمووی بکشێنەوە بە بێ یەک تەقە و ئێوە بوون کە بەرپرسی لقەکە دەی گوت شنگال چۆل ناکەین تا داعش بە سەر تەرمەکەمان دا نەڕوات بەڵام پێش هەموو خەڵکی شنگال دەڤەرەکەتان چۆل کرد و خەڵکی سڤیل بە دەستی داعشتان بەجی هێشت و ئێستاش خەڵکی شنگال هەمووی شاهیدە کە ئێوە شنگال ڕادەستی داعش کرد.
- باسی پرۆسەی ئازادکردنی شنگالتان کرد کە تەنیا ئێوە بوون ڕاستیەکە ئەوەیە کە یەکێتیی نیشتمانیی کوردستان هاوکاری زۆر چەک و تەقەمەنی لە ڕێگای سوریا ڕەوانەی شاخی شنگال کردووە و تا ئێستا یەکێتی یەک چرکە شنگال بە جێی نەهێشتووە و شان بە شانی خەڵکی شنگال بەشداری پڕۆسەی ئازادکردنی شنگال دا کردەوە و پۆلەک لە پێشمەرگەی یەکێتی سەر بە لیوای 111 لە پڕۆسەی ئازادکردنی شنگال دا شەهید بوون.
- باسی 16ی ئۆکتۆبەری 2017 تان کرد کە خەڵکی شنگال داوا لە ئێوە کردووە کە خۆیان ئیدارەی خۆیان بکەن ئەگەر ڕاستە بۆ خەڵکی شنگال ئیدارەی خۆی نەکرد.
- باسی هەڵبژاردنی ئۆکتۆبەری ساڵی ڕابردوو ڕاستیەکە ئەوەیە کە بە دروستکردنی ترس و دلە ڕاوکی خەڵکی شنگال دەنگی دا و بەڵگە ئاشکرایە کە دایکێکی شنگال بۆ سۆشیال میدیا باسی ئەوە دەکات ئەگەر دەنگ نەدات بە پارتی لەناو کەمپ دەری دەکەن و بەڵگەی زۆر هەیە کە بە پارە و تەهدیدکردنی خەڵک بە بڕینی ئازۆقە و دەرکردنیان لە کەمپ دەنگی خەڵکتان برد.
- ئێوەن کە ناهێلن خەڵک بگەڕێتەوە شنگال بۆ سوود وەرگرتن لە دەنگدان.
- سەبارەت بە موزایەدە یەکێتی هەرگیز لە سەرەتایی دامەزراندنی لەگەڵ موزایەدە نەبووە و نابێ و هەمیشە خزمەتکاری خەڵک بووە چونکە ئێمە خوێندکاری ڕێبازی #مام جەلال#ن کە هەمیشە پارێزەری تایبەتی ناوچە دابڕاوەکان بوو.
- یەکێتی لەگەڵ ئەوە دایە کە دۆخی شنگال ئارام بێت و سەقامگیری و ئاشتی و خزمەتگوزاری لە دەڤەرەکە دروست ببەن و داوا کارن ڕێگا بدەن خەڵکی شنگال بگەڕێتەوە زێدی خۆیان.
مەڵبەندی 15ی ڕێکخستنی شنگال ی.ن.ک
03-05-2022[1]

⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!