- ئێران هەڵوێستی خۆیی لەسەر #ڕیفراندۆم#ی باشووری کوردستان ڕاگەیاند و وتەبێژی‌ وەزارەتی‌ دەرەوەی‌ ئێران ڕایگەیاند، وڵاتەکەی‌ لەگەڵ سەروەری‌ خاک و پەکپارچەیی‌ عێراق-دایە و کوردستانیش بەشێکە لە عێراق.[1]
- ناوەندی ڕاگەیاندنی #هەپەگە# ڕایگەیاند:دوێنێ کاتژمێر 12:00ی نیوەڕۆ، گەریلاکان یەکینەیەکی نهێنی سوپای تورکیان لە #شرناخ# خستە ژێر چاودێرییەوە، هەر دوێنێ کاتژمێر 05:00ی پاشنیوەڕۆ دژی ئەو یەکینەیە چالاکیان ئەنجامدا و هەموو پێگەکانیان تێکشکاندن، دەزگا ڕاگەیاندنەکانی دوژمن سەبارەت بەئەنجامی ئەو چالاکییەوە ڕایانگەیاندووە، کە دوو سەرباز کوژراون و سێ بریندار بوون، بەڵام لە ئەنجامی چالاکییەدا حەوت سەربازی تورک کوژران.[2]
- شارەوانی ناوچەی بینرولا لەشاری تۆرینۆی ئیتاڵی ڕەزگەنامەی فەخری بەخشییە ڕێبەری زیندانیکراوی #پارتی کرێکارانی کوردستان# #عەبدوڵڵا ئۆجەلان#، بەو هەنگاوەش ژمارەی ئەو شارەوانییە ئیتاڵیانەی کە ڕەگەزنامەیان بەخشیوەتە ئۆجەلان بۆ حەوت شارەوانی زیادبوون.[3]
- بەرپرسی نووسینگەی ڕزگارکردنی ڕفێندراوانی دەستی #داعش# ڕایگەیاند، بەهەوڵ و ماندێبوونێکی زۆری نووسینگەی ڕزگارکردنی ڕفێندراوانی دەستی داعش ئەمرۆ کچێکی تەمەن پێنج لەلای ڕاستی شاری موسڵ ڕزگارکرا.
- بەرپرسێکی باڵای هاوپەیمانی نیشتمانی (ماڵی شیعە) ئەنجامدانی ڕیفراندۆم بە کارێکی نایاسایی و نادەستوری لە قەڵەم دەدات و دەڵێت لە کاتی ئەنجامدانی ڕاپرسیدا پەنا دەبەینە بەر کۆمەڵی نێودەوڵەتی و دادگای نێودەوڵەتی.
- بەڕێوەبەری کارگەی چیمەنتۆی #کەرکووک# دەستگیرکرا، پۆلیسی کەرکووکیش دەڵێت بەتۆمەتی دەستبەسەرداکردنی پارە لەلایەن بەغداوە داواکراوە.
- ڕەئوف عوسمان، سەرۆکی جڤاتی گشتی #بزوتنەوەی گۆڕان# و ئەندام و بەشداری کۆبونەوەی جڤاتی نیشتیمانی بە دواڕۆژی ڕاگەیاند، گۆڕان دوو مەرجی هەیە بۆ بەشداری و پشتگیریکردنی پڕۆسەی ڕیفراندۆم، یەکەم ئەوەیە ناوچە جێناکۆکەکان بەشداری پڕۆسەکە بکەن. لەبارەی مەجی دووەمیشەوە ڕەئوف عوسمان وتی، مەرجی دووەم ئەوەیە ڕیفراندۆم لە ڕێی پەرلەمانەوە بە شەرعی و یاسایی بکرێت.[4]