رەهێل سەمەد
دەستەی مافی مرۆڤی هەرێم ژمارەی سەرجەم ئاوارەکان بە زیاتر لە سێ ملیۆن کەس مەزەندە دەکات لەناوخۆی عێراق، له و ژمارەیەش زیاتر لە دوو ملیۆنی لەناو هەرێمی کوردستانە.
محەمەد گۆمەشینی، وتەبێژی دەستەی مافەکانی مرۆڤی هەرێمی کوردستان بەخەندانی ڕاگەیاند: "لەکۆبوونەوەی وەزیری کۆچ وکۆچبەرانی عێراق و سەرۆکی دەستەی مافەکانی مرۆڤی هەرێم ئەوە ئاشکرا کرا کە لەکاتی ئێستا سێ ملیۆن ئاوارە لەناوخۆی عێراق هەن، له و ژمارەیە دوو ملیۆنی لەناو هەرێمی کوردستانە کە دەکاتە زیاتر لە سەدا 75ی ڕێژەکە.
محمەمەد گۆمەشینی وتیشی: له و کۆبوونەوەیەدا بڕیاردرا هەماهەنگی لە نێوان وەزارەتی کۆچ و کۆچبەرانی عێراق و دەستەی مافەکانی مرۆڤی هەرێم بکرێت، بۆئەمەش وەزیری ناوبراو ئەوەی دووپاتکردەوە کە هەموو هەوڵێک دەدەن بۆ باشترکردنی ژیان و گوزەرانیانی ئاوارەکان".
وتەبێژەکەی دەستەی مافەکانی مرۆڤ ئەوەشی خستەڕوو، "سەبارەت بە هاوکاریەکانی بەغدا بۆ ئاوارەکانی ناو هەرێمی کوردستان، وەزیری کۆچ وکۆچبەران دەڵێت، ئه و پارەیەی بەغدا بۆ هاوکاری ئاوارەکانی تەرخانکردووە، لەئاستی پێداویستی ئاوارەکاندا نیە".
- 12-11-2014
Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 5,948
Γράψτε το σχόλιό σας για αυτό το προϊόν!