لە گەڕەکی #سەرشەقام#ی شاری #سلێمانی# لەدایکبووە، تا پۆلی سێی سەرەتاییی خوێندووە. هەر لە منداڵییەوە لەگەڵ باوکیدا #ڕەسوڵە خڕە# کاری باخەوانیی کردووە و پاشان بووەتە وەستای بیناسازی و بە یەکێک لە وەستاباشییەکانی سلێمانی دادەنرێت.
لە ساڵی پەنجاکانی سەدەی بیست وەک چالاکێکی کرێکاری کاری سەندیکای کرێکارانی سلێمانیی کردووە و ماوەیەکیش یەک لە بەڕێوەبەرانی ئەو سەندیکایە بووە.
زۆرێک لە گەرماوەکانی سلێمانی و #سینەمای دڵشاد# لە جادەی کاوە ئەم درووستی کردووە.
لە هەفتاکان و سەرەتای هەشتاکانی سەدەی بیستدا، لەگەڵ کۆمپانیا ڕووسییەکاندا کاری کردووە. تەواوی پاشکۆکانی بەنداوی دوکان و سایلۆی سلێمانی بە بەڵێندەرایەتیی ئەم درووستکراوە.
لە کۆتایی هەفتاکانی سەدی بیستدا ڕەتی ئەوەی کردووەتەوە کە وەک بەڵێندەرێکی سەرکەوتوو و بەناوبانگ بەشداری لە درووستکردنی ئۆردوگا زۆرەملێیەکاندا بکات.
لە دامەزراندنی #یەکێتی بەڵێندەرانی کوردستان#دا خەڵاتی ڕێزلێنانی پێبەخشراوە.
ڕۆژی #17-05-2006# لە سلێمانی بەهۆی جەڵتەی مێشکەوە کۆچی دوایی کردووە.[1]
Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 19,627
Γράψτε το σχόλιό σας για αυτό το προϊόν!