- چوار چەکداری داعش لەدوو گەڕەکی جیاوازی کەرکووک کوژران و یەکێکی‌ دیکەش خۆی‌ تەقاندەوە، ئەوەش لەڕوبەڕوبونەوەیاندا لەگەڵ هێزە ئەمنییەکان کە بەهۆیەوە کارمەندێکی‌ ئاسایش شەهیدبوو.
- سەرلەبەیانی‌ ئەمڕۆ تەقینەوەیەک لە ناو بازاڕی‌ گەڕەکی‌ نشێفە لە شاری‌ حەسەکەی‌ ڕۆژئاوای‌ کوردستان ڕوویداو بەهۆیەوە دوو کەس برینداربوون.
- هێزی‌ پێشمەرگەی‌ کوردستان لە میحوەری‌ باشیک لە پێشڕەویدایه و بە کۆنتڕۆڵکردنەوەی‌ چەند گوندێک هێزەکان لە میحوەرەکانی‌ باشیک و ناوەران یەکیان گرتەوە.
- هێزە ئەمنیەکانی تورکیا، هەردوو هاوسەرۆکی شاری دێرسیم-ی‌ پارتی دیموکراتی گەلان (هەدەپە) و پارتی هەرێمەکانی دیموکرات (دەبەپە)ی‌ دەستگیکرد لەگەڵ شەش ئەندامانی تردا، بەتۆمەتی‌ ناڕەزایی‌ دژی‌ حکومەت.
- لە گوندی مەلا عەبدوڵڵا لە باشووری کەرکووک، هێزەکانی پێشمەرگە بەرپەرچی پەلامارێکی داعشیان دایەوە.
- فەرماندەیی گشتی هێزە چەکدارەکانی هەرێمی کوردستان ڕایگەیاند ئەمڕۆ هێزەکانی پێشمەرگە توانیویانە ئامانجەکانیان لەنزیک باشیک بەدەستبهێنن و 8 گوند گەمارۆبدەن بە ڕوبەروی 100 کیلۆمەتر چوارگۆشە و دەیان چەکداری داعشیش کوژراون کە چەند بەرپرسێکیان تێدایە.
- قەدەغەکردنی هاتووچۆ لەسەر کەرکووک هەڵگیرا و پارێزگاری کەرکووک ڕایگەیاند کە زۆرتر لە لاشەی 70 تیرۆریست لە خەستەخانە لەبەردەستماندایە.
- سەرچاوە کوردییەکان ئەوەیان بڵاوکردەوە کە: بەسەرپەرشتی بەرپرسێکی باڵای یەکێتی نیشتمانی کوردستان، هێزێکی کوردی لەوڵاتی یەمەن ملازم موحسینی تاوانباری بەعس لەوڵاتی یەمەن دەکوژن.

هاوڵاتیانی خۆشەوست (مامۆستایان - فەرمانبەران – خانەنشینان – کاسبکاران – توێژەکانی تری کۆمەڵ)
وەک ئاگادارن ڕۆژی 16-10=2016 لە ڕێگەی کۆنفرانسێکی ڕۆژنامەییەوە کۆمەڵێک کەسایەتی و چالاکی مەدەنی و ڕۆشنبیر و نوێنەری چەندین دەستە و گروپ و تۆڕ و ڕێکخراوی کۆمەڵی مەدەنی لە (سلێمانی – گەرمیان –هەڵەبجە – ڕاپەرین – کۆیە – دوکان – شارباژێر – چەمچەماڵ) لە شاری سلێمانی ڕامانگەیاند کە لە ڕۆژی 23-10-2016 دا هەڵدەستین بە ئەنجامدانی خۆپیشاندان و مانگرتنی فراوانی سەرتاسەری لە زۆربەی شارو شارۆچەکانی هەرێمی کوردستان لە دژی پاشەکەوتی موچە و پێنەدانی موچەی موچەخۆران لە کاتی خۆیدا و هەڵوەشانەوەی ئەو ڕسوماتەی کە لەم دواییەدا لە چوارچێوەی سیاسەتی سکهەڵگوشین دا لەسەر هاوڵاتیان دانراوە.
بۆیە : لێرەدا پێتان ڕادەگەیەنین بەهۆی ئەو بارودۆخەی لە ئیسادا لە ئاکامی شەری موصڵ و کەرکووکەوە هاتوەتە ئاراوە کە نیگەرانی لای خەڵک دروست کردووە ئەو خۆپیشاندان و مانگرتنە سەرتاسەریە فراوانە بۆ کاتێکی نزیک دوادەخەیین و لە هەل و مەرجی گونجاودا لەکاتەکەی ئاگادارتان دەکەینەوە.
بە پێویستیشی دەزانین کە داوا ئاراستەی مامۆستایان و فەرمانبەران و خانەنشینان بە گشتی بکەیین لەسەر مانگرتن و بایکۆتی خۆیان بەردەوام بن و ڕێگە نەدەن بە بیانووی شەڕ و جەنگ لە کاری مەدەنی ساردیان بکەنەوە، چونکە : دۆخی جەنگ و شەڕ لە ئێستادا پاساوێک نیە بۆ ئەوەی دەسەڵات بیقۆزێتەوە بۆ دواخستنی چاکسازی و ڕێگری لە نارەزایەتیەکانی خەڵک.
لیژنەی کاری هاوبەشی ناڕەزایەتیەکان
(کە لە 25 دەستە و گروپ و تۆڕ و کەسایەتی پێک هاتووە)
22-10-2016