$باکووری کوردستان$
- سەر لەبەیانیی ئەمڕۆ لە ناوچەی جزیر لە پارێزگای شرنەخ لە هەڵکوتانە سەر ماڵاندا چەندین کەس دەستگیرکران. کەسە دەستگیرکراوەکان براون بۆ بەڕێوەبەرایەتیی ئاسایشی تورک لە جزیر. ناوی چەند کەس لە دەستگیرکراوەکان بڵاوبووەتەوە کە بەم شێوەیەین: نورەدین بایک، حەنیفە ساکین، عادل چۆملەک و فاروق جیلاسون.[4]
- #سەڵاحەدین دەمیرتاش#، لە زینداندا چاوی بە خێزان و کەسوکارەکەی کەوت.[5]
$رۆژهەڵاتی کوردستان$
- هاووڵاتییەکی کورد بە ناوی مووسا مەحموودی، تەمەن 45 ساڵ، خەڵکی گوندی گوندەوێڵەی شاری #شنۆ#، لە لایەن هێزە ئیتلاعاتییەکانەوە دەسبەسەر کرا.[6]
- #فەرهاد سەحراپەیما# زیندانیی سیاسیی کورد لە زیندانی شاری #ورمێ#، کە شەشەمین ساڵی زیندانبوونی لەو زیندانەدا تێدەپەڕێنێ، لە هەمبەر ڕەزامەندنەبوونی دادگا بۆ ئازادکردنی و بەڕێوەنەبردنی مادەی 134 کۆکراوەی حوکمەکان دەستی داوەتە مانگرتن لە خواردن.[6]
$باشووری کوردستان$
- کاتژمێر 17:00ی ئەمڕۆ فڕۆکە جەنگییەکانی تورکیای داگیرکەر دەستیان بە بۆردومانی هەرێمی #شەنگال# کرد. فڕۆکە جەنگییەکان دۆڵی شیلۆ-ی شەنگال و دەوروبەریان کردووەتە ئامانج.[4]=KTML_Photo_Begin=https://www.kurdipedia.org/files/relatedfiles/2018/152215/0011.JPG=KTML_Photo_Alt=فڕۆکەکانی تورکیا گەلی شلۆی ڕۆژئاوای چیای شنگالیان بۆردوومانکرد=KTML_Style=width:30%;height:20%;float:right;=KTML_Photo_Target_Link=https://www.kurdipedia.org/files/relatedfiles/2018/152215/0011.JPG=KTML_Photo_End=
- هەندێک سەرچاوە لە بۆردومانەکەی ئەمڕۆی شنگالدا باس لەوە دەکەن کە سەرپەرشتياری دەڤەری شنگال و ئەندامی کۆمسيۆنی گەل – #پەکەکە# ئيسماعيل فەرمان ناسراو بە #زەکی شنگالی# و حەربۆ خدر مردۆ هەماهەنگکار لەنێوان حکوومەتی عێراق و پەکەکه و مەزلووم ڕۆس، فەرماندەی چەکدارانی يەبەشە‌- ئەندامی پەکەکە کە خەڵکی ئەرمينيایە و هەرەوها ژمارەيەک #شەڕڤان#ی تر ‌ گيانيان لەدەستدا و برينداربوون.[5]
- سوپای تورکیای داگیرکەر کە لە باکووری کوردستان بە ئۆپەراسیۆنی سەربازی ئاگر لە دارستانەکان بەردەدات، لە دەوروبەری گوندی دەشتی کافیە و گوندی گوزوێ-ی سەر بە هەرێمی گارا-ی باشووری کوردستانیش ئاگری لە دارستان بەردا.[4]
- لە هەولێر، بە تۆمەتی قاچاخچێتی دەرمان شەش کەس دەستگیرکران و چوار دەرمانخانەش داخران، قایقمامی ناوەندی #هەولێر#یش دەڵێت بەدواداچوون بەردەوامی دەبێت.[1]
- یەکەمین کۆنفرانسی نێودەوڵەتیی جینۆسایدی کوردانی ئێزدی لە هۆتێل دیڤانی هەولێر بەڕێوەدەچێت، کۆنفرانسەکە لەلایەن ناوەندی لێکۆڵینەوەی ڕووداو و ئۆفیسی ڕزگارکردنی ڕفێندراوە ئێزدییەکان ڕێکخراوە و تۆڕی میدیایی ڕووداو سپۆنسەری کۆنفرانسەکەیە.[2]
- ئەمڕۆ تەرمی ئەو چوار کەسەی، کە لە دەریای ئیجەدا خنکان، گەڕێندرانەوە شارۆچکەی #خورماتوو#ی سەر بە پارێزگای سەلاحەدین و لە گۆڕستانی شەهیدان بەخاک سپێردران.[3]
- لە ڕێگەی دانانی بۆمبێکی موگناتیسی بەئۆتۆمبێلەکەیەوەو تەقاندنەوەی، فەرمانبەرێکی وەقفی سونی لە #کەرکووک# کوژرا و سەرنشینێکی دیکەی نێو ئۆتۆمبێلەکەش برینداربوو.[1]
- لە سنووری شارەدێی سەرگەرانی سەر بە شارۆچکەی دوبز (رۆژئاوای کەرکووک) بۆمبێکی چێنراو بەئۆتۆمبێلێکی جۆری پیکاب تەقیوەتەوە و بەهۆیەوە چوار سەرنشینی ئۆتۆمبێلەکە برینداربوون کە ئەندامی یەک خێزانن.[1]
$رۆژئاوای کوردستان$
- سوپای تورکیای داگیرکەر و چەتەکانی لە گوندی قەستەل کشکێ-ی سەر بە ناوچەی شەرا-ی #عەفرین# 15 هاوڵاتیی سیڤیلیان ڕفاند.[4]
$دەرەوەی کوردستان$
- واشنتن هۆشداریدەداتە عەبادی و ڕایدەگەیەنێت، پێشێلکردنی سزاکانی ئەمریکا بۆ سەر ئێران، وادەکات عێراق دوچاری هەمان سزا ببێتەوە.[1]
- ڕۆژنامەی قودسی عەرەبی لە ڕاپۆرتێکیدا ئاشکرایکردووە، حکومەتی هەرێم لە دوای کەوتنی ڕژێمی پێشووی عێراقەوە لە ساڵی 2003، بەهۆی چەند پێشێلکارییەکەوە نیو تریلیۆن دۆلاری ئەمریکی قەرزاری بەغدادە.[1]
- میدیاکانی تورکیا، بڵاویانکردەوە، حکومەتی تورکیا باج لەسەر بەرهەمە هاوردەکانی ئەمریکا زیاددەکات لە نێوانیاندا ئۆتۆمبێل و خواردنەوە کحولییەکان و جگەرە.[1]
- لەپاش ئەوەی ئەمڕۆ دادگای تورکیا ڕەتیکردەوە ئەندرۆ برۆنسۆن قەشەی ئەمريکی ئازاد بکات کۆشکی سپی ئه و وڵاتە بەتوندی وەڵامی ئەنقەرەی دایەوە. کۆشکی سپی ڕایگەیاند تورکیا کێشەی ئابوری و سیاسی هەیە و نیگەرانین لە هەنگاوە نوێکانی تورکیا دژ بە ئەمریکا. وتیشی تورکیا وەک تۆڵە باج دەخاتە سەر هەناردەی ئەمریکا و ئه و هەنگاوانە بەئاڕاستەیەکی هەڵەدایە.[1]

$باکووری کوردستان$
- لە شاری #شرناخ# 4 کەس کە دوانیان منداڵن بەهۆی لەوەڕاندنی مەڕەکانیان، بە بیانووی (چوونە‌ ناوچەی قەدەغەکراوی سەربازی) دەستگیرکران.[3]
$باشووری کوردستان$
- لە سەر چیای شەنگال، پرسەی زەکی شەنگالی، ئەندامی کۆردیناسیۆنی جڤاکی ئێزدی لە ڕۆژی پێنجەمدا بە مەراسیمێک کۆتایی هات، لە مەراسیمەکەدا بەڵێنی بەردەوامیدان بە تێکۆشانی زەکی شەنگالی درا.[5]=KTML_Photo_Begin=https://www.kurdipedia.org/files/relatedfiles/2018/152221/0003.JPG=KTML_Photo_Alt=لە مانشێتەکانی ئەمڕۆ: 22-08-2018=KTML_Style=width:30%;height:20%;float:right;=KTML_Photo_Target_Link=https://www.kurdipedia.org/files/relatedfiles/2018/152221/0003.JPG=KTML_Photo_End=
- هێزەکانی دژەتیرۆری عێراق ڕێگریانکرد لەخۆپیشاندانێک لە دژی لێدوانێکی باڵیۆزی تورکیا لە عێراق کە لەمیانی سەردانەکەیدا بۆ #کەرکووک# ڕایگەیاندبو کە کەرکووک شارێکی تورکییە.[4]
- شەوی ڕابردوو، فڕۆکە جەنگییەکانی تورک، ژمارەیەک گوندی ناوچەکانی #سیدەکان#ی بۆردوومانکرد.[1]
- قایمقامی شارۆچکەی شەرگات، وردەکاری لەبارەی هێرش و پەلامارەکانی شەوی ڕابردووی چەکدارانی #داعش# لە شارۆچکەی شەرگات دەخاتەڕوو و دەڵێ شەش کەس لە ئەنجامی ئەو هێرشەدا کوژراون.[2]
- سەبارەت بە پارێزگای کەرکووک و ناوچە جێناکۆکەکان، #بەرەی تورکمانی# پەیامێکی ئاراستەی پارتە کوردستانییەکان کرد و داوادەکات دیالۆگ لەگەڵ بەرەی تورکمانی دەستپێبکەن نەک لەگەڵ هێزە براوەکانی هەڵبژاردنەکانی پەرلەمان لە بەغدا.[2]
- بریاردەری ئەنجومەنی سەرکردایەتی کۆمەڵ، ڕایدەگەیەنێت کۆمەڵێک قسە لەبارەی مەلا سەلیم شوشکەیی دەکرێت کە هیچ ئەسڵ و ئەساسی نیە، تەنیا قسەی بێ بنەما و تۆمەت و بیانووە، ئەگەرنا نە قاچاغە و نەدەشگیرێت و دەشگەڕێتەوە بۆ #هەولێر#.[4]
- خەلیل خوداد، بەرپرسی کۆمیتەی #جەلەولا#ی #یەکێتیی نیشتمانیی کوردستان# ئەمڕۆ ڕاگەیاند، یەعقوب یوسف، بەڕێوەبەری شارەدێی جەلەولا دوای سێ مانگ لە زیندانیکردنی، لەلایەن دادگاوە ئازادکراوە.[4]

ئیسماعیل ئۆزدەن، ناسراو بە زەکی شەنگالی، لە ساڵی 1952دا لە گوندی شمزێی سەربە شارۆچکەی قوبینی ئێله (باتمان) لە باکوری کوردستان لەدایکبوو، خوێندنگای سەرەتایی لە گوندەکەیان تەواو کرد و خوێندگای ناوەندی تەواو نەکرد.
بەهۆی ئەو فشارانەی دەخرایە سەر ئێزدییەکان و هەروەها بەهۆی ئەوەی کە نەیدەویست لە گوند و چیا داببڕێت، تا تەمەنی 17 ساڵان لە گوندەکەیدا مایەوە.=KTML_Embed_Begin=width:25%;height:20%;float:right;=KTML_Embed_Alt=ساتی شەهیدکردنی زەکی #شنگال#ی لە 15-08-2018=KTML_Embed_Source=https://www.kurdipedia.org/files/videos/2018/104617.mp4=KTML_Embed_End=
لە ساڵی 1969دا لەگەڵ ئەوەی نەیدەویست گوندەکەی بەجێبهێڵێت، بەهۆی بانگەوازیی حکومەتی ئەڵمانیا بۆ ئێزدییەکان، چووە ئەڵمانیا، سەرەتا چووە ئەستەنبوڵ و پاشان خۆی گەیاندە شاری تەسلەی ئەڵمانیا.
لە ساڵی 1978دا لە ئەڵمانیا #پەکەکە#ی ناسی و پاشان مانیفێستۆی پەکەکەی خوێندەوە و بەلایەوە سەرنجڕاکێش بوو، هەر ئەو ساڵە بەشداری مەراسیمی پیرۆزبایی نەورۆز لە زانکۆی هانۆڤەر بوو.
هاوکات بە کارکردنی لە کارگە، لەگەڵ ژمارەیەک لە هەڤاڵانی پروپاگەندەی ڕێکخستنیان دەکرد، لە ساڵی 1981 لە شاری تەسلە کۆمەڵەی کرێکارانی وڵاتپارێزی دامەزراند، پاشان گۆڤارێک بەناوی سەرخوەبوونی دەرکرد.
لە ساڵی 1983دا سەردانی گەریلاکانی کرد و پاشان گەڕایەوە، لە ساڵی 1985دا جارێکی دیکە سەردانی گەریلاکانی کرد و لەوێ #عەبدوڵڵا ئۆجەلان#، ڕێبەری پەکەکەی بینی، پاش ئەوە بڕیاری بەشداربوون لەناو ڕیزەکانی گەریلای دا.
دوو ساڵ پاش بەشداربوونی فەرمیی لەناو ڕیزەکانی گەریلادا، واتە لە ساڵی 1989دا، سیپانی کوڕیشی بەشداری ڕیزەکانی گەریلا بوو و لە ساڵی 1992دا لە شەڕێک لە مێردین شەهید بوو.
ساڵی 1993 جارێکی دیکە چووە چیاکان و بە جدیبوونەوە هەموو ئەرکەکان و بەرپرسیارێتییەکانی بەجێهێنا، بەهۆی ئەوەی کە یەکێک بوو لە دامەزرێنەرانی ڕێکخستنی ئەوروپا، کارەکانی لە ئەوروپا بەردەوامی پێدا، تا ئەو ڕۆژەی پیلانگێڕی نێودەوڵەتی لە دژی عەبدوڵا ئجالان ئەنجامدرا.
پاش ئەوەی ئۆجالان بەدیلگیرا، جارێکی دیکە گەڕایەوە بۆ چیاکانی کوردستان و بۆ ماوەی 19 ساڵ بە هەموو هێزییەوە تێکۆشانی کرد.[1]
رۆژی #15-08-2018# دوای بەشداریکردنی لە 4ەمین ساڵڕۆژی کۆمەڵکوژیی گوندی کۆجۆ، بەهۆی بۆردومانی فڕۆکەکانی داگیرکەری تورک لە شەنگال گیانی لەدەستدا.

شنگال، 15-08-2018