ناڤ: سابیر
ناسناڤ: ڕازی
ناڤێ بابی: سەعید شوکری
جهێ ژدایکبوونێ: تاخێ #مەڵکەندی# باژێڕێ #سلێمانی#
ساڵا ژدایکبوونێ: 1937ز.
ڕێکەفتا وەغەرا داویێ : #09-08-2015#ز.
جهێ وەغەرا داویێ : باژێڕێ سلێمانی
$ژیاننامە$
شاعێر ل دیوانا خوەدە دبێژیت: (ئەم کۆمەڵە هۆزانیەی لەم دیوانەدا بەرچاو دەکەوێت، زادەی مێشک و دڵمە، هەروەها بەرهەمی پێگەیشتووی پل بە پەلی ئەم ژیانەمە). ل بواری وێژەیدە من پێنگاڤ داناینە و لدویف کارین خوە من هوسا نڤیسییە. ئەز گەل هەمییا گەلەک ماندی بوویمە، هەر ئێک و ب بەهرە و بوونەیێن جودا دا هاتینە گوتن، لێ ئین بێ کەم و کورتی نینن. دیارە من باوەڕیەک پتەو بڤێ پەندا کوردی هەیە، کو دبێژیت: لەزکرنێ پەشیمانی لدیف دایە. لێ ئەز نها خوە ب پەشیمان نزانم، چونکی من باوەڕی ب سەرهڵدان و مانەڤا هۆزانێن خوە هەیە.
ئاشکرایە هۆزانێن من وەکە من ئامادەنە ژبوی ڕەخنەیان. ڕەخنەش ڕەخنەیەکە درووستکار، کو گیانێ ڕاهێنان و هزرا پێشکەتنێ تێدا هەبن. وشەیێن ناسک و لەبار و گونجاوتر بکەتە درووشما بەرهەمێ داهاتی. بلا ڤێ ژی ل بیر نەکەین ڕەخنەیێن خراب دبنە جهێ پەشیمانی و وازهێنانێ ل ڤێ ڕێبازێ. ئەڤەش ل بازاڕێ وێژەییدا ب کارەک ناڕەوا و دڵ ساڕکەر تێ نیاسین.
من ل هۆزاناندە جاربجار پێڕەوی کرییە لێ چاڤلێکەری ئانکو کۆپی کرن نەبوویە، ب تایبەت پێڕەویا شاعێرێن ب نرخ وەکە (خەیام، #مەولەوی# ) و چەندانێن دن. گیانێ هۆزانێ بەهرەیە، پشتڕە ڤەخوەندن، ئانکو شیکرنا ناڤەرۆکان. ل ڤی ئالیەی چەند ئەگەرەکان دەروازەیا هۆزان گوتنی ژبوی من ڤاڵا کرن و پاڵنەر بوون: وەکە دڵگیریا دیمەنێن دلڤەکەرێن چیا و دۆڵ و لالەزار و ئاڤا سازگارا خاکا نشتیمان، بایێ خوەش و ب هەست، هەروەسا نازا شۆخانا خەم ڕەڤین، بووینە ئەگەرێ بناغەیا نڤیسینا من. دگەل دڵبەند بوونا من ب هۆزانا چەندان هۆنەرێن کەڤن و نوو، وەکە شاعێران (#نالی# ، #سالم#، #گۆران# و #ناری#) هەروەسا زورێن دن وەکە: (#هێمن موکریانی# و #پیرەمێرد#) و .....
زور هیڤیا هۆزانێن نوو د دڵێ من دا بوو، لێ سرووشتی ئەڤ ڕێ و ڕێباز ژبوی من دانا و گۆهڕی. ل وی دەمەی کو من حەزا هۆزانا بو من هات، من ناسناڤێ ڕازی ژبوی خوە هەڵبژارد، لێرەدا خوەناساندن پتر دهێتە بەرهەم، پێویستە کوورتەیەک لسەر ژیانا خوە بەحس بکەم:
ناڤێ من (سابیر کوڕی سەعید کوڕی شوکری)یە، ل ساڵا 1937ز.، ل باژێڕێ سلێمانی تاخێ مەڵکەندی ژدایک بوویمە. ژیانا زارۆکییا من گەلەکا تێکهەل و شەپرزە بوو، تاڵ و تفت بووە، قەت ژبوی هندێ نابیت کو بەحسا وێ بکەم.
پلەیا خوەندنا من، من ل توو قوتابخانەیەکێ نەخوەندییە. ئەز لێ بێبەش بووم. من کەسەک نەبوو کوو خەمخورێ ژیانا من بیتن، دەمێ کوو ئەز مەزن بوویم من هەست ب هەژاری و نەداری و بێکەسیا خوە کر، بارێ داراییا من ڕێ ل قوتابخانێ گرتبوو بوو من، ب نەچاری ئەز ببوومە ماموستایێ خوە. پشترە ل ساڵێن (1953 -1954)ز. ب گەرموگوڕی ئەز ڤەگەڕیامە سەر خوەندنێ و نڤیسینپێ شوازی ل من کر.)
شاعێر ل ڕێکەفتا #09-08-2015#ز، وەغەرا داویێ کرییە. [1]