بەڕێزان/ سەرپەرشتیاری گشتی و هەڤاڵانی ستافی بەڕێوەبردن و کادیر و کارمەندانی کوردستان تیڤی..
بە بۆنەی(24)ەمین ساڵیادی دامەزراندنی کەناڵی ئاسمانی کوردستان تیڤی، گەرمترین و جوانترین پیرۆزبایی خۆمان لە ئێوە و بینەرانی کەناڵە ئازیزەکەتان دەکەین و، هیوادارین هەر سەرکەوتووبن لە ڕۆڵی گرنگ و کاریگەری خۆتان و وەک هەمیشە بڵندگۆیەکی راستەقینەی بەرجەستەکردنی خواست و ویستی گەلەکەمان بن.
کەناڵی ئاسمانی کوردستان، کە پێش(24)ساڵ بە بڕیار و رێنوێنی سەرۆک
مەسعود بارزانیمەسعود بارزانی دامەرزرا، توانی هەر لە دەستپێکەوە و لەو تەمەنەی کارکردنیدا شانبەشانی خەباتی پێشمەرگە دلێرەکان و رۆڵەکانی گەلەکەمان هەنگاوی بوێرانە و کاریگەرانە بنێ بۆ وشیارکردنەوە و جۆشدانی جەماوەر بۆ بەرگریکردن لە مافە نەتەوەیی و نیشتیمانییەکانمان و ڕووبەڕوبونەوەی ستەم و زۆرداریی.
بێگومان ئەمڕۆش جێدەستی کەناڵی ئاسمانی کوردستان لە بواری ڕاگەیاندن و ڕۆژنامەوانیدا بەرچاوە وەک یەکەمین کەناڵی ئاسمانی لە هەرێمی کوردستاندا، ئەمەش بۆ پلان و بەرنامەی ڕێکوپێکی ئێوە دەگەڕێتەوە، لە هەمانکاتدا بە خاوەن گەنجینەیەکی بێوێنەی مێژووی ئەرشیفکراوی دەوڵەمەندی بزووتنەوەی ڕزگاریخوازیی گەلەکەمان دادەنرێ، بۆیە کەناڵی ئاسمانی کوردستان مایەی شانازیی و دەستخۆشییە بۆ میدیای کوردیمان.
بەو بۆنەوە دووبارە پشتیوانی خۆمان بۆ ئێوە دووپات دەکەینەوە و ئومێدەوارین بۆ کارنامەی داهاتووتان زیاتر بە پلانی رێکوپێک بەرەو پێش بچن و خزمەت بە کولتوور و فەرهەنگی هەمەرەنگی کوردستانی بکەن.
[1]
مەکتەبی سیاسی
پارتی دیموکراتی کوردستانپارتی دیموکراتی کوردستان
16-01-202316-01-2023
تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!