[1]

#بافڵ تاڵەبانی#، سەرۆکی #یەکێتیی نیشتمانیی کوردستان#، لە پەیامێکدا پیرۆزبایی لە هاندەرانی #یانەی وەرزشی زاخۆ# دەکات بەبۆنەی بەدەستهێنانی خەڵاتی باشترین هاندەری جیهان و بە دەستکەوتێکی گرنگ و مێژوویی وەسفی دەکات.
لە پەیامەکەیدا سەرۆکی یەکێتیی نیشتمانیی کوردستان رایگەیاندووە: لە دڵەوە پیرۆزبایی گەرم لە هاندەرانی یانەی زاخۆ دەکەم بەبۆنەی بەدەستهێنانی خەڵاتی باشترین هاندەرانی جیهان.
بافڵ جەلال تاڵەبانی ئاماژەی بەوە کردووە، ئەم سەرکەوتنە بەرهەمی کۆدەنگی و یەکڕیزیی خەڵکی کوردستان بوو بۆ ئەم یانە ئازیزە، ئەمەش دەرخەری ئەوەیە بە یەکگرتوویی و پێکەوەییمان دەتوانین سەرکەوتنی گەورە بەدەستبهێنین. [1]

=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

خانمی یەکەمی عیراق پیرۆزبایی لە #یانەی وەرزشی زاخۆ# دەکات و دەڵێت: بۆ هەموو جیهانتان سەلماند کە ئەو پشتگیری و پاڵنەرە بەهێزەن کەنهێنی سەرکەوتنی وەرزشیی و هاندەری داهێنان و یەکدەنگیی و تەبایین.
=KTML_Bold=دەقی پەیامی پیرۆزبایی خانمی یەکەمی عیراق بۆ یانە و هاندەرانی زاخۆ=KTML_End=....
ئەی جەماوەرە وەفادارەکەی یانەی زاخۆ، پڕ بەدڵ پیرۆزبایی بەدەستهێنانی خەڵاتی باشترین هاندەری جیهانتان لێ دەکەم.
بۆ هەموو جیهانتان سەلماند کە ئەو پشتگیری و پاڵنەرە بەهێزەن کەنهێنی سەرکەوتنی وەرزشیی و هاندەری داهێنان و یەکدەنگیی و تەبایین.
هیوادارم ئەم دەستکەوتە وەرزشییە ببێتە مایەی بەهێزکردنی برایەتی و خۆشەویستی و ناوی گەلەکەمان لەجیهاندا بدرەوشێنێتەوە.
#شاناز ئیبراهیم ئەحمەد# [1]

=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

د. #لەتیف رەشید# سەرۆک کۆماری عیراق پیرۆزبایی لە #یانەی وەرزشی زاخۆ# و هاندەرانی دەکات بەبۆنەی دەستنیشانکردنی هاندەرانی زاخۆ لەلایەن فیفاوە وەک باشترین هاندەر لەسەر ئاستی جیهان.
=KTML_Bold=دەقی پەیامەکەی سەرۆک کۆمار=KTML_End=...........
بەڕێزان سەرۆک و دەستەی کارگێڕی و هاندەرانی یانەی وەرزشیی زاخۆ
پیرۆزباییی گەرمتان لێدەکەین بە بۆنەی دەستنیشانکردنی هاندەرانی دڵسۆزی یانەی زاخۆ لەلایەن فیفاوە وەک باشترین و کاریگەرترین هاندەر لەسەر ئاستی جیهان.
ئەم دەسکەوتە، تەنها سەرکەوتنێک نییە بۆ یانەی زاخۆ، بەڵکوو شانازییە بۆ تەواوی بزووتنەوەی وەرزشی لە هەرێمی کوردستان و عیراق.
هیوای سەرکەوتن بۆ یانەی زاخۆ و سەرجەم یانەکانی کوردستان و عیراق و هاندەرانیان ئەخوازم لە پێناو پێشخستنی وەرزش و چەسپاندنی گیانی ئاشتی و برایەتی لە نێو کۆمەڵانی خەڵکدا.
شاد و سەرکەوتو بن. [1]

=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

#قوباد تاڵەبانی# جێگری سەرۆک وەزیرانی هەرێم لەپەیامێکی پیرۆزباییدا بڵاویکردەوە، بردنەوەی خەڵاتی باشترین هاندەر لەسەر ئاستی جیهاندا، شانازییەکی گەورەیە بۆ #یانەی وەرزشی زاخۆ# و وەرزشی کوردستان و بۆ هەمو خەڵکی کوردستان. لە دڵەوە پیرۆزبایی لە یانەی زاخۆ و هاندەران و دانیشتوانی زاخۆ و هەمو کوردستان دەکەم.
قوباد تاڵەبانی راشیگەیاندوە، شیرینی و خۆشی بردنەوەی ئەم خەڵاتە لەوەدایە کە بەرهەمی هاوسۆزی و پاڵپشتی هەمو خەڵکی کوردستان بو، گەلی کورد کەوا به و هەمو ستەم و سەرکوت و ئازارەی بەسەریدا هاتوە، هەر زیندوە و هەر بەرەوپێش دەچێت، بەرهەمی ئه و هاوسۆزی و یەکدڵییەی خەڵکە، لەم ماوەیەدا هەموان یەکدڵ و یەکدەنگ پشتیوانیی زاخۆ بون و ئەمڕۆش لە جەژن و خۆشیی زاخۆییەکاندا بەشدارن، هەروەکچۆن لە ماوەی هەفتەی رابردودا لە ناخۆشیشدا هەموان هاوسۆز و پشتیوانیی خەڵکی چەمچەماڵ و گەرمیان بون، ئەم هەستە پیرۆزەی هاوسۆزی و هاوچارەنوسی و یەکدەنگییەی لەناو خەڵکی کورددا هەیە، هیوادارین بگوازرێتەوە بۆ ناو سیاسەتیش، چونکە ئەمە رێگە دروستەکەیە بۆ ئەوەی گەلەکەمان بەره و دەستکەوتی گەورەتر هەنگاو بنێت. [1]

=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

#نێچیرڤان بارزانی# سەرۆکی هەرێم لەپەیامێکدا کە ئاڕاستەی سەرۆک و دەستەی کارگێڕی و هاندەرانی #یانەی وەرزشی زاخۆ# کردوە بڵاویکردەوە، بە گەرمی پیرۆزباییی ئەم دەستکەوتە جیهانییەتان لێ دەکەم کە تێیدا هاندەرانی دڵسۆزی یانەی زاخۆ لەلایەن فیفاوە وەک باشترین و کاریگەرترین هاندەر لەسەر ئاستی جیهان دەستنیشان کران، ئەم نازناوە جیهانییە، تەنها سەرکەوتنێک نییە بۆ یانەی زاخۆ، بەڵکو شانازییە بۆ تەواوی بزوتنەوەی وەرزشی لە هەرێمی کوردستان و عێراق.
نێچیرڤان بارزانی راشیگەیاندوە، ئێوە بە جۆش و خرۆش و شێوازی شارستانییانەی هاندان، یاریگاکەتان کردە تابلۆیەکی هونەریی جوان و پەیامی ئاشتی و خۆشەویستی و ژیاندۆستیی گەلی کوردستانتان بە جیهان گەیاند، دڵسۆزی و وەفاداریی خەڵکی خۆشەویستی زاخۆ بۆ یانەکەیان، نمونەیەکی باڵایە، هیوادارم هەمیشە وەک پێشەنگ بمێننەوە و پاڵپشتێکی بەهێز بن بۆ پێشکەوتنی وەرزش و بەرزڕاگرتنی ناوی کوردستان. [1]

=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

یانەی هەولێر پیرۆزبایی لە هاندەرانی زاخۆ دەکات.
دەقی پەیامی پیرۆزباییەکە:
بەناوی سەرۆک و ئەندامانی دەستەی کارگێری و هاندەرانی یانەکەمان پیرۆزبایی ئاڕاستەی هاندەرانی زاخۆ دەکەین بەبۆنەی بەدەستهێنانی خەڵاتی THEBEST بۆ باشترین هاندەرانی جیهان 2025
یانەی وەرزشی هەولێر، پیرۆزبایی لە هاندەرانی یانەی زاخۆ دەکات بەبۆنەی بەدەستهێنانی خەڵاتی THEBEST بۆ باشترین هاندەرانی جیهان بۆ ساڵی 2025.
پیرۆزبایی لە هاندەران و لایەنگران و عاشقان و سەرۆک ئەندامانی #یانەی وەرزشی زاخۆ# دەکەین کە خەڵاتی باشترین هاندەرانیان بۆ ساڵی 2025 بەدەستهێنا، دوای ئەوەی سەرکەوتنی بێ وێنەیان بەدەستهێنا و ڕکابەرەکانی ئەرجەنتین و ئیسپانیایان تێپەڕاند.
پیرۆزبایی لە هەموو ئەو کەسانە دەکەین کە لە تەنیشت هاندەرانی زاخۆ وەستان و پاڵپشتییان کردن لەم دەستکەوتە شایستەیە.
#یانەی وەرزشی هەولێر#. [1]

=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=