ناونیشانی بابەت: قارەمان لەشکری وشەی مێرجاڕ لە هۆنراوەکانی بەکاردەھێنێت
ئامادەکردنی: #ئاراس ئیلنجاغی#
مامۆستا و چیرۆکنووس و هەڵبەستەوان #قارەمان لەشکر# وشەی مێرجاڕ دەخاتە ناو دەقی هۆنراوەکانی، جێگەی ئاماژەیە ئەو وشەیە تایبەت بە ئیلنجاغییەکان بەندە (ئاراس ئیلنجاغی) لە ساڵی 2017 خستوومەتە ناو زمانی کوردییەوە و وشەیەکی داتاشراوی تازەیە، لە لێکدانی مێرد و پاشگری جاڕ پێکهاتووە، وەکوو گوزارشت بۆ شوێن و نشینگە و زەمین و مەملەکەت و لانە و مێرگی مێرخاس و جوامێر و بێچوەشێر و عەگیدانە، ڕاگەیاندنی پڕ بە گەروو و هاواری بەرزی ڕەتکردنەوەی ژێردەستەیی و دەنگی کپ نەکراوی ئیلنجاغییەکانە، کە لە پێنج دەیەی سەدەی ڕابردوو بەرانبەر زوڵم و ستەم و داگیرکاری داگیرکەران و دوژمنانی کوردە، ئەم وشەیە ناوی بەرهەمی: مێرجاڕ، لێکۆڵینەوەیەکی مێژوویی سیاسییە، پەنجا ساڵ خەباتی ئیلنجاغییەکانە (1940-1990)، وشەیەکی تازەیە هاوشێوەی مێرخاس و مێخاسە، ئەمەش دەقی هەڵبەستەکەی قارەمان لەشکرە کە بە ناوی (ئیلنجاغ) بڵاوکراوەتەوە، کە مەبەست لێی شارەدێی #ئیلنجاغی گەورە#ی شارۆچکەی #تەقتەق#ە.
ئیلنجاغ
مەفتەن خۆشەویستە
مەفتەنی مە ئیلنجاغە و
لانەی سەدان لاوی خۆنەویستە
ئاخر دایکان
شیری حەڵاڵیان پێداون
شەهیدەکان شاهیدن
گۆڕەکانیان لەبەر چاون
ئیلنجاغ
گوندی مێرخاس و #مێرجاڕ#ه
کوانوی شۆڕشی ڕەنجدەران و هەژارە
تۆ لە لای مە دایکی
دایکیش نازدارە
گرنگ نییە ناوت گوندە یاخود شارە
خەڵکت وشیارە خوێندەوارە
لەبیرتانە
لە شۆڕشی نوێی ئەمجاره
ڕوبارێک خوێن ڕژا
کانییەکی سەرچاوەی ئەم ڕوبارە
لەخوێنی گەنجانی ئەم گوندە هەڵقوڵا
بەناو شاخ و دۆڵ و دەشتی
ئەم نیشتمانە پڕژا
گرنگ نییە تۆ شاربی یاخود لادێ
هەمو ڕۆژێ کەباسی جوامێری دەکرێ
ناوت لەسەر یەکەم لاپەڕەی مێژو
لەپێشی پێشەوە دەنووسرێ
هۆ گوندە نازدارەکەم
نازانم چۆن وەسفی جوانیت بکەم
لە ئاوی سازگاری دایماوەوە دەست پێ بکەم
یان کۆردەرەی باخچەو کارت
شەکرۆکین و گەری عاسی
پێدا بڕۆم بیکەم باسی
زەویەکانی گێلگەی نەوت و قەراتە سۆر
هێدیهێدی دێمە خوار
تا دەگەمە کفرەدۆر
سەرکۆسپەکەی چەندە جوان و دڵگیرە
وەک شوێنی قەڵای پاشاو میرە
بانی بیان تا دەگاتە بنگردی
ڕوباری بەهارانت سنووری سرووشتی
زێلواو کرۆسکین بیری جەمیل یاروەری
کانی ژنان ئەشکەفتەو کانی وەلی
ئاوی بەهەشت بوون لەسەر زەوی
سەدان لاویان گۆشکردووە
هەزاران ڕێبواریان لە باوەشگرتووە
دەڵێن خاکی چوار جوتیارە
بۆ میوانداری هەمووی هەوارە
خاوەن سەدان بڕوانامەی بەرز و دیار
پڕۆفیسۆر دکتۆر مامۆستا ئەندازیار
هونەرمەند نووسەر شاعیر لێکۆڵیار
پڕ لە دەنگ خۆش
بەجۆش و خرۆش
لاوکبێژ
بەستەو گازلێدان و مەقامی خۆش
هۆ گوندەکەم
هەرچەند دەکەم
ناتوانم
پڕ بە پێستت باست بکەم
چیم لەدەست دێ
مەگەر لە داخا بشکێنم پێنووسەکەم[1]